# Mentri ngak nong saong patagok palei pala hu peih ngak Quyết định di Thủ tướng Raja-ei ka danak dak yaok xã sa janih pandap (OCOP) ngan haong taong abih phun jien  tui kuhria dahlau jaik 45.000 tỷ đồng. Phun jien peih ngak danak dak OCOP mai meng nguồn xã hội hoá meng phun jien di doanh nghiệp, hợp tác xã, baoh sang ngak mbang, phun jien mesre meng dom kapul nyaom tín dụng, dom quỹ đầu tư... Danak dak OCOP nan lac danak patagok kinh tế gah palei pala tui jalan patagok pren khang saong patagok giá trị.

2# Tỉnh Thừa Thiên - Huế kham merat tan thun 2020 paglaong bruk pacang halui glai 57% ngan saong taneh hu glai lac 293.240 ha; dalam nan, taneh glai pala 128.435 ha. Piah ngak hu bruk nan, tỉnh peih pala veik dom janaih glai tui jalan khik taneh glai đặc dụng daok hu blaoh, glai phòng hộ di dom libik xung yếu, akaok tabung saong glai phòng hộ pacang riyak, pacang angin cuah tapeng tasik…

# Labaih 700 diễn viên bhap bani hu mbaok tame dalam harei pataom sap daoh Làng Sen 2018 rah tabiak dalam harei 17/5 pak Làng Sen, xã Kim Liên, huyện Nam Đàn, tỉnh Nghệ An. Dom kapul nyaom nghệ thuật bhap bani hu ba mai tal harei pataom dom kadha daoh biak bingi pang, hu padang ngak biak gheih, ndung bak asal ilamo meng kan. Yaok panuac daoh, ragam tamia nan lac hatai thau dhal phol pok tagok Wa Ho ranam, urang pal kaok duah tabiak jalan daong taneh aia saong pal akaok bruk ngak cách mạng di bangsa Việt Nam nao tal jayak. 

4# Pahadar 128 thun harei ndih tapui Chủ tịch Hồ Chí Minh (19/5/1890 - 19/5/2018), miunyim Hồ Chí Minh pambuak bruk saong miunyim Hồ Chí Minh dhar Gia Lai saong Kon Tum peih parang iek” dom kreih camin bình dị bo cao quý”. Parang iek yaih khan tal bhapbini labaih 100 thaot binguk, tài liệu saong pandap panda hu padang jeng 3 asal kadha praong lac: bac megru saong ngak tui jalan hadah trah siam mekre di HCM lac bruk ngak gam gam di Đảng, di bhapbini drei; dom greih camin bình dị bo cao quý; Gia Lai peih ngak chỉ thị ka 05-CT/TW di mintri Chính trị ka bruk jhul khang bac megru saong ngak tui jalan hadah trah siam mekre di Hồ Chí Minh”. 

# Bilan 4 meng blaoh, Chi cục khik iek chất lượng kaya nong, kaya glai saong kaya ikan dalam aia tỉnh Cà Mau hu peih bruk pasang iek pak dom labik pablei salih  kaya nong, kaya glai saong kaya ikan dalam aia dalam tỉnh. Kết quả langyah, dalam 28 mẫu ye hu 5 mẫu oh ka njauk chuẩn vệ sinh an toàn pandap panda. Jaik abih dom mẫu pandap oh an toàn jeng hu tỷ lệ labaih jru khik caga phun pala ngan haong njam patam, baoh karaoh saong labaih hóa chất, kháng sinh dalam dom janih pandap yau ralaow, kaya ikan dalam aia... 

Khaw tin dunya

6# Libik inem mek Chủ tịch Hồ Chí Minh di Phủ Chủ tịch hu pambuak bruk saong pasak parang iek di Hội nhà báo Nga barau peih parang iek ngan saong kadha “Nguyễn Ái Quốc - Hồ Chí Minh saong talei rohim Việt - Nga” dalam tuk pahadar 128 thun harei ndih tapui Chủ tịch Hồ Chí Minh (1890-2018) saong 95 thun Nguyễn Ái Quốc - Hồ Chí Minh mbang akaok meti mai taneh ia Nga (1923 - 2018). Parang iek hu 150 tài liệu, thaot binguk saong hiện vật hadah trah ngan saong 4 kadha: mbang akaok mereip Nguyễn Ái Quốc mai taneh ia di Lê Nin (bilan 6/1923); dua mbang gilac mai taneh ia Nga thun 1927 và 1934; Chủ tịch Hồ Chí Minh saong taneh ia Nga di dom thun 1950-1969…

# Tui duah thau di Economist Intelligence Unit (EIU), Singapore daok lac bal hu chi phí sinh hoạt chit abih dunya. Ini lac thun ka 5 negar pulao kaoh ini dang akaok dom angan dom bal chit abih di EIU. Tapa duah thau di EIU brei mboh dom bal hu ngan lac chit abih di dunya meng dahlau mai yau Tokyo (Nhật Bản) saong New York (Mỹ) oh daok di top 10 dalam  angan di EIU  thun ini.

8# Tui sa pathau khan kayua công ty dịch vụ ngak hacih alam môi trường Busy Bee di Mỹ ba tabiak barau ini, New York (Niu Y-oóc) dang akaok angan dom ban nerak abih taneh ia Mỹ". Pathau khan di Busy Bee peih ngak di 40 ban di Mỹ, brei mboh ban New York dang akaok angan ngan saong 427,9 điểm, dalam tuk nan Los Angeles (Lốt An-giơ-lét) dang ka dua ngan saong 317,8 điểm ka chỉ số lihik hacih saat.