Khaw tin 10h30 saong 14h30 harei 19/6

# Pahadar  92 thun harei Báo chí cách mạng Việt Nam, 21/6 ‎(1925-2017), harei 18/6, di Jabat rajaei, Thủ tướng Nguyễn Xuân Phúc hu var taom gaok dom urang lambaok Hội nhà báo Việt Nam song lambaok cộng đồng  dom doanh nghiệp. Thủ tướng tong yaom glong dom rik dong di Hội Nhà báo Việt Nam, dom tổng biên tập song urang pan akaok dom jabat báo tuk vak tapa. Thủ tướng ieu Hội Nhà báo Việt Nam song jabat rajaei pambuak gauk peih ngak  bruk ni yaok thun song caik tuk vak piah Thủ tướng meda taom gaok tapak  piah ndom biai nao mai haong dom jabat báo chí.

# Jabat rajaei barau hu harak khan brei thau kết luận di Thủ tướng rajaei  Nguyễn Xuân Phúc di mbang nyaom ka bruk mblang golf dalam mblang kapal haok Tân Sơn Nhất. Thủ tướng Nguyễn Xuân Phúc jao mintri Giao thông vận tải dang tabiak pah tư vấn taneh ia lingiu hu ginup alamu piah pasang iek, roh duah ba tabiak dom jalan peih praong mblang kapal haok Tân Sơn Nhất gam gah Brak libik mblang golf) saong gah meraong, patagok abih tih pren taduan raok  jaik 45 triệu tuai yaok thun.

# Tui khau tin di Hiệp hội Điều Việt Nam, thun 2016 yaom lac bruk  kinh tế - xã hội dok gaok rilo kan kandah, dom doanh nghiệp gah paoak blait Việt Nam pablei tabiak negar langiu hu 350.000 tấn paoak blait asar dom janih. Yaom jien xuất khẩu paoak blait dalam thun 2016 tagok labaih 3 tỷ USD, dalam nan hu labaih 2,85 tỷ USD xuất khẩu paoak blaiut asar, dok veik lac dom pandap phụ di paoak blait.

#  mBan tacei pato jak ba halan hatian brei darah tỉnh Quảng Nam pambuak bruk saong huyen bhum ceik Núi Thành barau peih harei pok je 100 urang halan hatian brei darah thun 2017. Di tỉnh Quảng Nam, yaok thun taduan mek yaok pluh rabau đơn vị darah, hu yaok ratuh urang brei daraj rilo mbang, hu urang brei darah tal 30 mbang, yaok pluh urang brei darah meng 20 mbang tagok.  

# Liên đoàn Lao động ban raya Hồ Chí Minh bahrau poeih bruk pok meyaom 55 kapul nyaom, 77 urang naih gheih dalam bruk  “bac megru song ngak tui jalan hadah krah siam mekre di Hồ Chí Minh”; 50 urang “menuac siam, bruk siam”; 77 urang naih gheih dalam bruk pakacah “urang ngak hadah krah” dalam thun 2016-2017 di rilo  bruk ngak, ngành nghề song hu rai duik karei di gauk.

# Gilang pariak Thương mại Cổ phần Công thương Việt Nam – VietinBank pambuak bruk saong Ủy ban bhapbini tỉnh Long An peih harei jao brei 200 baoh sang ka dom sang kathaot dalam tỉnh. Yaok sang hu padang ngak praong meng 24-36m2 , ngan saong yaom jien labaih 12 tỷ đồng, dalam nan VietinBank daong 10 tỷ đồng. Dom baoh sang hu ngak blaoh njauk tukvak, njauk chất lượng, hu dut iek, taong yaom saong ba tame pandar. 

# Liên hiệp dom kapul Hữu nghị ban Cần Thơ pambuak bruk song Tổng Lãnh sự quán Ấn Độ di ban raya Hồ Chí Minh, peih harei dunya  Yoga di ban Cần Thơ, pachreih hu yaok ribau urang taker Yoga mai hu mbaok. Saai Nguyễn Thị Mỹ Anh daok di quận Ninh Kiều, ban  Cần Thơ khan lac: “ Pasram yoga, brei ka rup di drei khang kadang,chreih chrai  jang; hadei di sa harei ngak bruk nyu patrun hu căng thẳng. Camereip tame pasram biak kan min lavik harei Yoga biak mbuan.”

Khaw tin dunya

# Harei 18/6, Indonesia hu ba tabiak dom sruh kapar haok mesruh Sukhoi di sa căn cứ angaok pulao Borneo gah Brak taneh ia ini piah paglaong an ninh piah daong cakak bruk meda rah tabiak lac dom phiến quân Hồi giáo di Philippines duah jalan nduac nao gah meraong. 

 #  Dom urang jakar ngak praong di  Mi-an-ma khan lac duah mboh  paoap jnuk  di boh kapan haoh quân sự pajeng 122 urang gaok bala di tasik  Andaman atah di ni jiak 2 adit, peih tabiak jalan dong ka urang dang akaok negar ni meda  thau hu makna ba tal bala pandik harao nan. Boh paoap jnuk  song pandap ghi âm buồng lái hu duah mboh song dom urang jakar negar ni dok peih bruk giải mã dom dữ liệu piah ngak brei cambaih laih makna di bala.

# Takik di abih 62 urang metai saong 54 urang bị thương dalam mbang khuah glai di gah kreih negar Bồ Đào Nha . Ini meda lac mbang khuah glai ngak metai menuac rilo abih di taneh ia ini kuhria meng dahlau mai. Bồ Đào Nha hu tabiak panuac brei thau 3 harei quốc tang piah pahadar dom urang gaok bala di mbang khuah glai.