Khaw tin 10h30 saong 14h30 harei 19/7

 # Harei kabroi (18/7), Kapul nyaom giám sát Ủy ban dom kadha xã hội di Quốc  hội, kayua ong Đặng Thuần Phong, Phaok akaok Ủy ban ba akaok kapul nyaom saong dom mentri, Ngành pambuak pagam tal, hu van ngak bryk haong bal  Cần Thơ, ka bruk peih ngak hukum pacang caga HIV/AIDS; Hukum pacang caga  ma túy saong Pháp lệnh Pacang cakak kumei ma-in tukvak 2011-2016. Ong Đặng Thuần Phong pandar bal njauk pataom iek veik bruk ini tapa yaok tukvak, yaok thun, piah taong yaom rút kinh nghiệm. Patui veik hu mbaok di dom pakat dom ngành dalam bruk pacang cakak; patagok bruk pasang iek saong phản biện xã hội ngan haong dom bruk ngak pacang cakak HIV/AIDS, ma túy, kumei ma-in.

# Dalam pahadar 55 thun harei dak padang talei pambuak bruk ngoại giao Việt Nam - Lào (1962-2017), 40 thun harei mbaoh tangin tame Hiệp ước hữu nghị saong pambuak bruk Việt Nam - Lào (1977-2017), melam 18/7, rayo papar binguk Việt Nam peih ngak danakdak “Cầu truyền hình Việt - Lào: Chung sa baok jalan”. Meng thời lượng 120 minit, danakdak hu bruk pablak dom kadha vak ndom ka talei pambuak bruk, daong gauk di dua bangsa Việt Nam - Lào meng tukvak mesruh metak ka tal dom thun bilan hòa bình ngan saong dom kadha daoh tamia ndung bak ilimo Việt Nam, Lào.

   # Adit Ilamo, padhih, dom bangsa bhum Đông Bắc tỉnh Quảng Ninh mbang ka sa – thun 2017 meda peih ngak meng harei 3 - 7/8, pak Pasak Ilamo, padhih dom bangsa bhum Đông Bắc ngan haong kadha: “Tiên Yên – labik pambuak pagam sambo màu dom bangsa bhum Đông Bắc Quảng Ninh”. Hu mbaok tame bruk ngak ini, langiu di 14 puk palei dalam tỉnh Quảng Ninh daok hu bruk di dom puk palei langiu tỉnh yau Lạng Sơn, Bắc Giang.

# Dom thun tapa, yaok rabau tỷ đồng hu buh tame ka danakdak patrun katahot, min urak ini tỷ lệ sang kathaot di 6 huyện bhum ceik tỉnh Quảng Ngãi jeng meblah jaik 47%, tỷ lệ sang jaik si kathaot lac 14%, glaong rilo tanut trung bình chung dalam taneh ia. Ông Nguyễn Tăng Bính, Bí thư Thành ủy Quảng Ngãi brei thau, meyah oh hu quyết sách ka trun kathaot lac khoảng cách meda – kathaot di dom bhum dak harei dak giãn oh pataom bair tame.

 # Pambuak pagam tal sruh gilai Chemroad Journey njauk kaoh angaok tasik Bình Thuận, jabat chức năng brei thau, oh ka duah mboh dấu hiệu haluh haok menyek nhiên liệu saong hóa chất tabiak môi trường. Biar harei 18/7, bruk pajeng ba  hóa chất meng sruh gilai ini bắt đầu saong tui kuhria hu ngak salah baloh dalam harei 20/7.

# Tukvak 2013 - 2017, tỉnh Hậu Giang jak ba hu 73 danakdak, dự án NGO ngan saong paok jien sanya abih tih 66,211 tỷ đồng. Jien daong NGO hu pandar tame dom gah patagok palei pala, patruh eik patrun kathaot; caga HIV/AIDS saong dom ruak truyền nhiễm; ramik pasaim hareih nerak, ia nerak dalam đô thị; patagok thể chế, năng lực anek menuac, pato megru…

# Dalam 6 bilan tapa, jien mek tame meng bruk pablei pandap panda tabiak negar langiu di Cần Thơ tame Hàn Quốc mek hu labaih 4 triệu đô la, jien meng bruk blei tame meng darak pasar Hàn Quốc di Cần Thơ mek hu labaih 2 triệu đô la. Piah patagok talei pambuak bruk pablei salih, buh jien tame ngak mbang nao mai di doanh nghiệp dua bal, dom doanh nghiệp njauk khai thác hiệu quả Hiệp định thương mại tự do di Việt Nam saong Hàn Quốc hu mboh tangin blaoh; samar duah thau ka  thông tin ka darak pasar ngak tabiak, patagok bruk meyaih khan, khan brei thau ka angan je, pandap panda brei pandar chất lượng glaong dalam dom gah mỹ phẩm saong điện tử tiêu dùng. 

Khaw tin dunya

# Tổng cục dut iek Chất lượng saong Kiểm dịch negar Trung Quốc (AQSIQ) brei thau, Liên doanh sản xuất ô tô Dongfeng (Đông Phong) Honda meda mek veik 140.876 sruh MPV Honda Jade di darak pasal Trung Quốc đại lục piah ngak siam nguy cơ khuah patuh dalam hệ thống động cơ. Bruk pataom mek ini peih ngak kuhria meng harei 25/9/2017.

# Tổ chức Di trú Dunya (OIM) harei 18/7 brei thau sa kapul nyaom daong duah di tổ chức ini hu daong veih hu 23 urang di cư Tây Phi njauk klaak veik ralo harei di bhum taneh sa mạc gah Barak Niger, dalam nan hu sa anek kumei ranaih umo 7 thun. 

# Akaok mintri Điện tử saong Công nghệ thông tin Ấn Độ Ravi Shankar Prasad (Ra-vi San-ca Pra-xát) harei 18/7 brei thau, kinh te số di Ấn Độ mek hu 1.000 tỷ USD dalam 5-7 thun tal, glaong rilo duk saong quy mô 400 tỷ USD urak ini.