# Pahadar mbang ka 97 Harei negar Cộng hòa Hồi giáo Áp-ga-ni-xtan (19/8/1919-19/8/2016), harei 18/8/2016, Akaok negar Trần Đại Quang hu payua harak uan tal Tổng thống negar Cộng hòa Hồi giáo Áp-ga-ni-xtan A-sơ-ráp Gha-ni A-ma-dai (Ashraf Ghani Ahmadzai). Jeng dalam harei nan, Phaok Thủ tướng, Akaok mentri Ngoại giao Phạm Bình Minh hu payua harak uan tal Akaok Mentri Ngoại giao negar Cộng hòa Hồi giáo Áp-ga-ni-xtan Sa-la-hu-đin Ráp-ba-ni (Salahuddin Rabbani).

      # Mesup harei 18/8 Thủ tướng rajaei Nguyễn Xuân Phúc nao Yên Bái ngak bruk saong dom urang dang akaok tỉnh, tacei pato langyah bruk bí thư tỉnh ủy saong akaok hội đồng bhap bini tỉnh Yên Bái njauk akaok chi cục kiểm lâm tỉnh ini cuh metai. Ini lac bruk biak praong dalam taneh ia meng dahlau tal ini, Thủ tướng ndom lac “bruk njauk ngak praong abih urak ini, lac brei bình tĩnh, jum pataom, khik kajap bruk ngak điều hành di Đảng bộ, kajar tỉnh”. Thủ tướng jao mintri công an brei menuac di drei pambuak bruk saong công an tỉnh Yên Bái samar pasang iek, brei thau cambaih laih, khan brei jabat chức năng saong bhap bini thau.

       # Thủ tướng Raja-ei jao ka Mentri Công Thương patagok bruk pasang iek cung - cầu điện, vaktu peih ngak dom dự án nguồn saong lưới điện dalam quy hoạch hu mboh tangin blaoh piah peih ngak atau pathau khan tagok Thủ tướng Raja-ei brei adat peih ngak dom jalan ngak piah grap tanat bruk ba brei điện ka bruk cakrok patagok kinh tế - xã hội; kuhri kuhria cơ cấu nguồn điện ka nyu laghaih, paglaong  độ tin cậy ba brei điện saong hiệu quả kinh tế hệ thống điện. Taphia di nan peih bruk pasang iek, taong yaom hiệu quả dom cơ chế daong ba dom nguồn năng lượng tái tạo hu Thủ tướng Raja-ei ba tabiak blaoh.

       # Anak bruk rah tabiak kan kandah di ribuk ka 3, hu ngin khang tal pakat 10, ndaoh pakat 13, biar harei karoi, ngak bruk saong pasak dự báo khí tượng thủy văn TƯ, Thủ tướng Nguyễn Xuân Phúc tacei pato pasak brei pambuak bruk saong dom taneh ia, ba tabiak dự báo njauk di abih, gam tui dom panuac brei thau ka bruk khat lahik kayua ribuk rah tabiak. Meng harei ini 10/8, dom puk palei, mintri ngành, meng TƯ tal pu palei padeih dom bruk họp piah pataom tame tacei pato pacang cakak ribuk ka 3.  

     # Biar harei 18/8, Phaok Thủ tướng Raja-ei Vương Đình Huệ hu nao pasang iek saong pachreih bruk pacang caga ribuk mbang ka 3 pak dua tỉnh Quảng Ninh, Hải Phòng. Phaok Thủ tướng Vương Đình Huệ pandar bal Hải Phòng ngak njauk tui dom Công điện, tacei pato di Thủ tướng Raja-ei, Ban tacei pato pakat negar ka bruk pacang caga bala meng langik tasik. Phaok Thủ tướng jeng khang panuac lac Hải Phòng njauk grap tanat peih ngak siam bruk pakauc pabah mbang tasik meng 17h biar harei 18-8; grap tanat drap ar ka labaih 5.000 ha mblang mbaok aia lồng bè di mikva. 

      # Biar harei kabroi, di sang QH, akaok QH Nguyễn Thị Kim Ngân hu taduan kapul pasak ruah duah khik ramik saong patagok ilamu bangsa VN saong pasak ruah duah saong patagok ilamu Hùng Vương. Brei panuac di mbang taom gaok, akaok QH Nguyễn Thị Kim Ngân ndom lac, Đảng saong karja bhian sangka tal dom bruk ngak ilamu, meng kan di bangsa.

       # Melam kabroi (18/8), pak harei pakacah chính thức mbang ka 13 di Olympic Rio, Kapul nyaom thể thao Việt Nam hu tamat blaoh môn pakacah puac abih pak Nyaom roya padhih dunya tuk đô vật Nguyễn Thị Lụa samar padeih yam di nội dung vật tự do hạng 53 kg kamei. Dahlau di nan, đô vật Vũ Thị Hằng di hạng cân 48 kg njauk rút lui truh nội dung pakacah di drei kayua mboh gilac chấn thương cột sống, thắt lưng. Yau nan kapul padhih Việt Nam hu tamat blaoh hành trình di drei pak Olympic Rio 2016 ngan haong sa baoh huy chương ameh saong 1 huy chương pariak dakrai sajarah di urang cuh Hoàng Xuân Vinh.

        Patui di ini dom khau tin dunya:

      # Rajaei TL barau brei thau daok cap kreik 15 urang pambuak tal dom mbang taong mbom saong am palai pajoa di dom labik DL ngak duh hatai taneh ia ini meng adit dahlau. Brei panuac anak báo giới, Đại tá Bu-rin Tông-pra-pai, cố vấn pháp lý ka karja quân sự  TL harei ini brei thau, urang ngak praong taneh ia ini daok kreik 17 urang di dom doanh trại bol bala di ban ine Băng cốc min barau peih palao  ka dua urang. Urak ini oh ka hu urang atau tổ chức halei dang tabiak taduan trách nhiệm dang gah likuk 11 mbang taong mbom haok drah meng adit dahlau.

     # Harei 18/8, Ủy ban bầu cử Negar Campuchia (NEC) hu brei thau ka bruk đăng ký cử tri angaok hệ thống máy tính thun 2016. Ini lac mbang akaok meti Campuchia peih ngak bruk đăng ký bầu cử angaok mạng Internet ngan haong bruk daong kỹ thuật di Liên minh châu Âu (EU) saong Nhật Bản. Hu thau, bruk tut angan đăng ký hu peih ngak dalam 3 bilan meng harei 1/9-29/11 tal. Urang jakar, urang ngak kỹ thuật gah đăng ký mbang ini tagok tal 3.000 urang. dalam mbang bầu cử ini, bhap bani Campuchia meda đăng ký buh phiếu pak labik drei daok diuk rai saong ngak bruk, bo oh nhất thiết njauk gilac veik puk palei piah đăng ký yau dom mbang bầu cử dahlau diah.

      # Biar harei 18/8, ribuk dunya hu angan Đi-an-mu tuh tame tỉnh Quảng Đông, gah meraong TQ ngak hajan praong saong ngin khang. Tui jabat dịch vụ langik tasik tỉnh Quảng Đông,  16 tuk biar harei kabroi, ribuk  Đi-amu ngan saong ngin jaik 20 km sa tuk hu tuh tame ban Lôi Châu ngak hu hajan biak khang. Tui kuhria, ribuk Đi-a-mu hu di chuyển dalam tal labik tự trị Choang (Quảng Tây). Jeng dalam biar harei, karja tỉnh ini hu tabiak cảnh báo sambo hijao (pakat độ glaong ka 3) ka hajan ribuk, taphia di nan pandar klaak taong abih dom chuyến tàu saong mbang kapal haok nao saong mai dalam khu vực./.