Khaw tin 10h30 saong 14h30 harei 19/8/2017

# Thủ tướng raja-ei bahrau hu công điện hỏa tốc ka khik kajap siam mekre salamat bruk nao mai angaok jalan mbak dalam tuk Lễ Quốc khánh 2/9 saong peih thun bac bahrau 2017 - 2018. Thủ tướng pandar dom Mentri, ngành pambuak pagam tal; Uỷ ban bhap bani  dom tỉnh, bal di Trung ương tui bruk di drei, tacei pato peih ngak dom bruk yau jhul pakhang bruk pathau khan, brei thau dom quy định ka trật tự, an toàn giao thông angaok dom phương tiện thông tin đại chúng. Kak kajap bruk khik iek chất lượng saong an toàn giao thông ngan haong dom phương tiện pajeng ba tuai damuai.

# Kapul ngak bruk di mintri pato megru kayua ông Phùng Xuân Nhạ, Uỷ viên Ban chấp hành Trung ương Đảng, akaok mintri pato megru hu nao ravang saong ngak bruk di tỉnh Hòa Bình. Akaok mintri pato megru pandar tỉnh Hòa Bình rami ramik ka nyu lagaih dom gru pato  daok labaih; pasang iek caong khin di gru pato di dom pakat bac piah pato pakai ka njauk; ba mbuan lagaih ka gru pato, quản lý pataom tame bồi dưỡng đạt chuẩn, abih di nyu nan lac hiệu trưởng saong gru pato sap Anh, tin học; kuhria caga ka danakdak pato megru phổ thông barau.

#Ban Agama Raja-ei bahrau peih nyaom biai pathau khan brei thau adat hukum ka halau jeneng, urang tu hành, tín đồ dom kapul nyaom agama tỉnh Vĩnh Long. Pak nyaom biai, labaih 220 urang lambaok hu phổ biến, duah thau ka dom asal kadha: Tình hình tín ngưỡng, tôn giáo pak Việt Nam saong dom asal kadha cơ bản ka quan điểm, sarak, adat hukum di Karja Việt Nam ka tín ngưỡng, agama; adat hukum gah taneh riya, dak padang pambuak pagam tal gah tín ngưỡng, agama; abih di nyu lac Hukum tín ngưỡng, tôn giáo bahrau hu Quốc hội khóa XIV thông tapa, meda hu hiệu lực peih ngak dalam harei 1/1/2018 hu ralo điểm bahrau ngan haong Pháp lệnh tín ngưỡng, tôn giáo dahlau diah. 

# Thun bac 2017 - 2018, dalam tỉnh Vĩnh Phúc hu 573 sang bac saong labik pato megru ngan saong labaih 8.000 haduk bac, labaih 258.000 anek saih dom pakat. Sở pato megru ngak po đầu tư padang barau 157 haduk bac ka 18 sang bac Mầm non di dom xã bhum ceik, xã kathoat saong kan kandah dalam tỉnh. Urak ini, 157 haduk bac hu pasiam, ba tame pandar di thun bac 2017 - 2018, rik daong paglaong chất lượng pato saong bac di dom sang bac Mầm non.

# Tỉnh ủy Hậu Giang peih nyaom biai pataom iek veik 5 thun peih ngak Chỉ thị ka 17 di Bộ Chính trị (Khóa XI) ka bruk patui veik salih bahrau saong patagok bruk pal akaok di Đảng ngan haong dom hội quần chúng. Tukvak anak tal Hậu Giang patui veik salih bahrau jalan pal akaok di dom pakat ủy đảng meng tỉnh tal cơ sở ngan haong Mặt trận Negar, dom kapul nyaom chính trị - xã hội, dom hội quần chúng. Tui kế hoạch, Hậu Giang kham merat patagok tỷ lệ baoh sang dalam tỉnh hu mbaok tame dom hội, kapul nyaom lac 80% dalam thun 2020.

# Tỉnh Bến Tre daok peih ngak rilo jalan paglaong bruk pacang caga ruak pandiak tabiak darah daok hu jalan patagok di dom puk palei dalam tỉnh. Tui nan, tỉnh paglaong pathau khan dom bruk pacang caga ruak pandiak tabiak darah di dom phương tiện truyền thông saong tapa bruk ngak di dom ban, ngành, kapul nyaom, tổ tự quản. Ruak pandiak tabiak darah dalam tỉnh Bến Tre meda tagok glaong di dom bilan 8 saong 9 yau nan ye  brei caik hatai sangka pacang caga ruak.

# Pak Vĩnh Long, Văn phòng Điều phối palei pal barau Trung ương peih tal pathram paglaong năng lực ka dom urang jakar padang ngak palei pala bahrau dom pakat khu vực Đông Nam bộ saong Bhum taneran kraong Cửu Long. Hu mbaok tame tal pato pathram, labaih 120 urang lambaok hu urang pal akaok Văn phòng Điều phối palei pala bahrau Trung ương peih ngak dom asal kadha cơ bản ka: Định hướng trọng tâm danak dak padang ngak palei pala bahrau  meng ini tal puac thun 2017 saong thun 2018.

Khaw tin dunya

# Sa harak pathau khan an ninh barau ini brei thau châu Âu jaik tal meda dang anak bruk  mai veik di jaik 5.000 kol cực đoan dahlau thiah klak tapa Syria ngak ka  IS. Bruk ini meda ba tabiak dom cuang kandah praong gah an ninh ka dom taneh ia dalam Liên minh châu Âu, abih di nyu nan lac dom taneh ia hu rilo urang bhapnini klak tapa Syria ye Pháp, Bỉ atau Đức.

# takik abih 40 urang metai hadei di mbang glut jaleih taneh rah tabiak di bhum taneh gah pai, Cộng hòa Dân chủ Công-gô. Tui ong Kê, Phaok Tỉnh trưởng I-tu-ri, mbang jaleih taneh rah tabiak pak sa bal sit taong ikan tapen hồ An-bớt (Albert) dalam tỉnh ini. Hajan prong ngak ka taneh haluk angaok ceik tuh trun sang di dom urang taong ikan daok pak ini. Bruk ini ngak ka takik abih 40 urang metai saong dom urang daok lahik.

# Yaom lac dalami rilo pluh thun tapa, urang bhapnini Nhật Bản hu panuac caong saong phản đối bruk căn cứ quân sự Mỹ di Ao-ya-ma, jaik ban ine Tô-ky-ô ngak nerak âm thanh, jhak tal raidiuk di yaok rabau urang bhapnini di bhum ini, min caong khin ini oh ka taduan hu pabak brei di gah rajaei Nhật Bản./.