Khaw tin 10h30 saong 14h30 harei 19/9

# Meng harei 16 tal harei 18/9, Sở ngak nong saong patagok palei pala pambuak bruk saong pasak Xúc tiến thương mại tỉnh Đồng Tháp, kapul urang nong dom huyện, ban sit dalam tỉnh peih mbang darak Nông nghiệp Xanh thun 2016. Mbang darak pachreih hu labaih 60 labik, doanh ngthiep , hợp tác xã, sang pataom mbaok tame ngan saong jaik 50 gian hàng parang iek saong pablei dom pandep ngak nong hacih, pandap chế biến hu asal cambaih laih, pabak bruk an toan hacih saat pandap mbang menyum meng dom labik pala njam hacih di huyện Hồng Ngự, Tháp Mười; dom janih baok kayau đặc sản ye pa ok Cao Lãnh, cam xoàn Lai Vung, nhãn Châu Thành, sen Tháp Mười, nem Lai Vung... 

/ Tui thường trực ban tacei pato Tây Nguyên, bilan hajan thun ini, dom tỉnh Tây Nguyên daok kuhria pala veik saong pablak pasiam barau jaik 19.000 ha cà phê taha abih tukvak pablei salih năng xuất kém. Yau nan, meng thun 2010 tal ini, dom tỉnh Tây Nguyên hu pala veik saong pablak pasiam hu jaik 80.000 ha cà phê. Dalam nan, tỉnh Lâm Đồng bilan hajan ini daok kuhria pala barau 7.313 ha, ba abih tih taneh pala veik saong pablak pasiam tagok 43.625 ha. 

# Sở Tài nguyên saong alam Môi trường tỉnh Quảng Trị barau pok tagok uy mban bhapbini tỉnh Quảng Trị jalan  klak ikan oh pablei hu di dom kho la ar dalam tỉnh. Ini lac dom ikan daok kandon hadei tuk Formosa Hà Tĩnh tathuak ia nerak ngak kanjak jhak alam moi truong tasik. Anak meta, tỉnh Quảng Trị meda klak 30 tấn ikan daok kandon suai livik dalam dom kho la ar di dom huyện Vĩnh Linh, Gio Linh saong Triệu Phong. Labik peih ngak lac Chi cục khik caga alam Quảng Trị saong pasak alam môi trường saong đô thị  huyện Gio Linh.

/ Harei pataom thể thao mblang tasik Châu Á mbang ka 5 thun 2016 hu rah tabiak di ban tasik Đà Nẵng meng harei 24/9 tal harei 3/10, pachreih hu jaik 10 ribau vận động viên, huấn luyện viên, nhân viên mai meng 45 taneh ia, bhum lãnh thổ hu mbaok tame. Piah khik kajap môi trường, an toàn vệ sinh thực phẩm dalam tukvak rah tabiak Harei pataom nan, sở y tế ban Đà Nẵng hu tacei pato Chi cục an toàn vệ sinh thực phẩm; pasak y tế dự phòng padang dom tổ pasang iek thực phẩm saong tổ pacang cakak jit patagok bruk tui iek, khik kajap vệ sinh môi trường, an toàn vệ sinh thực phẩm di dom khách sạn, labik pakacah. Ong Nguyễn Văn Hòa, Chánh Thanh tra Chi cục an toàn vệ sinh thực phẩm ban Đà Nẵng brei thau: “Langiu di nan, khách sạn hu tuai daok kol dahlak hu brei sa urang jakar y tế  hu mbaok luac harei melam di khách sạn piah pasang iek, tui iek ka vệ sinh an toàn thực phẩm, meyah hu bruk hagait ye ieu phon ka tổ phản ứng samar di labik piah hu mbaok langyah chip”.

# Bảo hiểm Xã hội tỉnh Khánh Hòa barau hu harak caong Uỷ ban bhapbini tỉnh Khánh Hòa tacei pato bruk iek ruak Bảo hiểm Y tế. Tui kuhria dalam thun ini, tỉnh Khánh Hòa bội chi kadung jien iek ruak Bảo hiểm Y tế 160 tỷ đồng, tagok labaih 6 mbang duk saong thun dahlau. Amuk Nguyễn Thị Hồng Bắc, Phó Giám đốc Bảo hiểm Xã hội tỉnh Khánh Hòa brei thau :Brei ramik veik dom bruk pambuak tal iek ruak, khik ramik jien. Ngak habal piah khik paok jien nan, paih tagok tok lac tagok khách quan min, patrun dom makna kayua chu quan. Gah y te saong gah bảo hiểm njauk pambuak bruk patagok urang blei Bảo hiểm y tế toàn dân, ngak habal tagok dak praong dak siam, hu jien mek tame meng  ginup jien piah buh tabiak

/ Sa mbang hajan khang biar harei kabroi 18/9 ngak ka dom jalan di ban raya HCM dauk ia, ngak kan kandah tal bruk nao mai di bhap bini. Dom jalan di quận 2 yau Thảo Điền, Xuân Thủy...jeng dauk dalam. Tui kuhria di rayo khí tượng thủy văn Nam bộ, ia glaong abih harei ini di dom kraong ribaong di ban raya HCM daok ndik samar dalam sa tal dua harei tal, đỉnh triều di kreih tanut báo động 2 saong 3.

# Urak ini, urang nong bhum Đồng Tháp Mười, di huyện Tân Phước, tỉnh Tiền Giang  biak uan tabuan kayua yaom baoh menaih tagok biak glaong. Di tukvak ini, yaom baoh menaih loại I meng 10.000-11.000 đồng/sa kg, loại II meng 7.000- 9.000 đồng/sa kg. Ini lac yaom glaong abih meng tuk urang nong bhum Đồng Tháp Mười pala janih phun ini; sa thun laba jaik 200 triệu đồng/sa ha.

Patui di ini dom khau tin dunya:

/ Harei 18/9 dalam mbang nao rivang Cộng hòa Séc, kapul urang Đảng drei kayua amuk Trương Thị Mai, Ủy viên mintri chính trị, Bí thư Trung ương Đảng, akaok Ban dân vận Trung ương hu var ngak bruk saong urang dang akaok Kapul urang VN saong dom kapul nyaom  urang VN di CH Séc. Amuk Trương Thị Mai caong khin urang dang akaok kapuli  sangka ralo jang tal bruk cộng đồng, abih di nyu nan lac bruk pato megru rai rah ranaih  khik kajap ilamu bangsa, dalam nan hu sap VN, pachreih ba mikva jum pataom, yam tapa kan kandah, diuk rai saong ngak mbang tui hukum  di taneh ia drei daok, taphia di nan pamaong tal puk paga palei negar.

# Ngoại trưởng Nhật Bản Phu-mi-ô Ki-si-đa (Fumio Kishida), Ngoại trưởng Mỹ Giôn Keri, saong Ngọai trưởng Hàn Quốc Bi-ung sê (Yun Byung-se) harei kabroi (18/9) hu mbang taom gaok di Niu Yooc piah ginum biai bruk thử hạt nhân barau abih di Triều Tiên. Dom urang ngoại giao dang akaok di 3 taneh ia jeng ginum biai dom bruk thử tên lửa di Triều Tiên dalam 6 bilan tapa saong brei thau 3 taneh ia njauk paglaong pambuak bruk piah daong cakak daong dom bruk de doa meng Triều Tiên.

/ Di 16 tuk biar harei 18/9, sa sruh kapal pajeng jaik 150 menuac kram di kraong Chao Phay-a, di tỉnh A-dút-thay-a, atah ban ine Băng-cốc 90km mai gah brak. Bala ini ngak 13 urang metai saong 45 urang karei njauk rambuah. Kyhria tal 23 tuk harei nan jeng daok 10 urang lahik. Ong Prayoon Rattanasenee, tỉnh trưởng tỉnh A-dút-thay-a  brei thau: tỉnh daoksamar hu dom jalan daong dom baoh sang hu gauk gar metai dalam mbang bala ini./.