Khaw tin 10h30 saong 14h30 harei 20-10-2016

 # Harei ini (20/10), Quốc hội khóa 14 peih mbang nyaom ka dua pak Hà Nội. Tuk vak tapa, Ủy ban Thường vụ Quốc hội khóa 14, Raja-ei, Hội đồng Bangsa, dom ủy ban di Quốc hội, dom kapul nyaom urang Quốc hội, dom urang Quốc hội saong dom jabat pambuak pagam tal daok samar kuhria caga dom asal kadha ba tagok Quốc hội, peih bruk taom gaok, caik hatai tui pang dom caong khin di cử tri piah pathau tagok Quốc hội. Pak mbang nyaom trù bị, dom urang Quốc hội ginum biai, brei tapa Danak mbang nyaom saong rik pataom jien padai daong ka bhap bani gah kreh negar njauk ribuk aia sua.

# Meng harei 17 tal 19/10, Ban Thường trực Ủy ban Trung ương Mặt trận negar Việt Nam hu pok meyaom rilo labik, kapul nyaom, menuac urang hu rik daong bhapbini gah kreh negar piah pasiam khat lihik kayua xua, ribuk. Kuhria tal tukvak ini, thường trực Ủy ban Trung ương Mặt trận negar Việt Nam hu taduan mek paok jien : 1 tỷ 939 rabau 450 đồng. Tukvak peih bruk jak ba rik daong daok dui atah tal harei 30 bilan 11 thun 2016. 

# Pak Hà Nội, Mentri Pato megru pambuak haong Công đoàn Pato megru Việt Nam bahrau jak na mbang ka 1 rik pataom jien piah daong ka bhap bani dom tỉnh gah kreh negar njauk khat lahik trak dakam mbang ribuk meng blaoh. Hadei di tuk jak ba, dom urang jakar, urang ngak bruk di Mentri Pato megru, dom sang bac đại học di labik Hà Nội hu daong brei jien, tapuk siphau,  ngan haong yaom jien pataom hu labaih 750 triệu đồng. Urak ini, Công đoàn jabat Pato megru jeng daok taduan mek dom rik daong di dom jabat, urang ngak pah hala piah ba brei ka bhap bani labik njauk ribuk.

# Piah daong ka mikva urang nong Hà Tĩnh samal pasiam veik bruk pala drak, tani tanat raidiuk, pacang caga jit ruak hadei di ribuk, uy mban bhapbini tỉnh Hà Tĩnh hu pok panuac tagok mintri ngak nong saong patagok palei pala piah likau rajaei daong 2.000 tấn brah. Ngan saong pajaih phun pala, caong tagok trung ương daong 2.000 tấn pajaih padai pala drak vụ xuân. Daok hóa chất tiêu độc, khử trùng alam moi  trường, raong glang – pala raong kaya ikan dalam ia, tỉnh Hà Tĩnh caong trung ương daong 50 rabau lít jru Benkocid, 50 tấn jru Sodium Chlorite.

# Dalam van ngak bruk haong Viện Pauster biar harei 19/10, Bí thư Thành ủy Bal raya Hồ Chí Minh Đinh La Thăng ndom lac, Bal raya Hồ Chí Minh daok pamong tal hu chất lượng diuk rai siam abih, văn minh, hiện đại, oh caik ka jit ruak yau Zika, pandiak tabiak darah dang akaok taneh aia. Dom ngành, địa phương njauk kham merat tacei pato, peih ngak dom jalan ngak piah pametai jamaok, loăng quăng.

# Tui panuac khan meng mBan tacei pato pasak duah thau sruh kapal ahaok lihik số hiệu EC-130  T2, dom kapul daong duah hu mboh xác kapal ahaok gam saong klau thi thể urang gaok bala di libik động Bao Quan, daok di takai gah Brak ceik Dinh, di xã Tân Hải, huyện Tân Thành, tỉnh Bà Rịa - Vũng Tàu. Thi thể dom urang njauk bala hu ba nao sang iek ruak 175 di ban raya Hồ Chí Minh piah nhận dạng. . 16h bair harei 19-10, 3 thi thể urang njauk bala hu ba nao Thiền viện Viên Không di xã Tân Hải, huyện Tân Thành.

# Harei kabroi (19/10) gah chức năng mboh sang sa-ai Nguyễn Tất Công daok pak palei 8, xã Thượng Sơn, huyện Đô Lương, Nghệ An, daok  bơm aia tame rak takoi limo piah patagok trọng lượng rali piah duah laba suan adat hukum. Phòng Cảnh sát môi trường hu ngak biên bản khik sa drei limo hu thik raih blaoh teik trak labaih 200kg piah xử lý njauk tui adat hukum. Bhap bani brei thau, baoh sang sa-ai Công ngak bruk thik raih jaik 6 thun ini mai.

Khaw tin dunya  

# Harei 19/10 di Hồ Nam, Trung Quốc, Đại sứ quán Việt Nam di Trung Quốc pambuak bruk saong Sở Thương mại tỉnh Hồ Nam peih bruk xúc tiến hợp tác kinh tế thương mại, đầu tư, du lịch Việt Nam – Trung Quốc (Hồ Nam) thun 2016 dalam tuk mblang darak dunya pablei salih pandap Hồ Nam - ASEAN thun 2016. Dahual nan hu rah tabiak harei peih pakak mblang darah dunya hu angan “ASEAN-Hồ Nam, gam sáng tạo – gam mbang tui” piah yaih khan dom pandap angan je, chất lượng glaong di dom taneh ia Đông Nam Á jeng ye di tỉnh Hồ Nam. Ini lac cơ hội piah pandap di dom taneh ia Đông Nam Á,  dalam nan hu Việt Nam yam tame dalam darak pasal dalam taneh ia Trung Quốc.

# Cảnh sát Campuchia brei thau 137 anek saih tiểu học pak tỉnh Ta-keo, gah Meraong negar ini njauk jru mek hadei di mbang pandap mbang kayua sa nyaom urang ngak pahla ba brei. Bruk ini rah tabiak dahlau di nan sa harei pak sang bac Tiểu học Oát Ta-tai (Wat Tatai) pak quận Tram Kak dalam tỉnh Ta-keo. Urak ini pren yava di dom anek saih njauk jru mek nan hu siam veik. Bilan dahlau, Mentri  Y tế Campuchia hu pandar bhap bani negar ini peih ngak siam vệ sinh an toàn pandap mbang menyum hadei di bruk 37 ong bhik pak tỉnh Kam-pong Cham njauk jru mek pandap mbang menyum.

# Di ban ine Viêng Chăn, taneh ia Cộng hòa dân chủ bhapbini Lào, barau rah tabiak nyaom biai dunya thường niên mbang yaka 5 ka khoa học xã hội ngan saong kadha “ patagok menuac urang alamu khoa học xã hội dalam tuk mbeik drei tame dunya di Lào, Việt Nam saong Campuchia”. Ini lac nyaom biai dunya hu peih ngak luân phiên yaok thun di klau Viện Hàn lâm di klau taneh ia Việt Nam, Lào saong Campuchia.