# Harei kabroi (19/11), Tổng Bí thư Nguyễn Phú Trọng, Bí thư Quân ủy Trung ương saong urang lambaok dom ban, bộ, ngành Trung ương hu nao rivang, pasang iek taong abih bruk huấn luyện, sẵn sàng mesruh metak di dom jabat pak Sang bac cuh phao negar khu vực 1. 

 # Harei ni (20/11), Quốc hội yam tapa adit ngak bruk puac abih di mbang nyaom ka 4, Quốc hội mbang 14. Adit ni, Quốc hội meda brei tapa hukum pasiam veik, pabak dom paka di hukum dom kapul tín dụng; Hukum pasiam veik, pabak dom paka di hukum Jabat lambaok negar  Cộng hòa xã hội chủ nghĩa Việt Nam di negar langiu; Hukum kaya ikan (Pasiam veik)  Hukum  Khik ramik nợ công (pasiam veik); hukumt Quy hoạch.

# Patui veik mbang nao ngak bruk di Bắc Cạn, Thủ tướng Nguyễn Xuân Phúc hu mbaok dalam harei jum pataom bangsa, pahadar 87 thun harei Mặt trận negar Việt Nam (18/11/1930-18/11/2017) di palei Tân Thành – palei hu ralo urang bangsa Dao, dalam xã Nông Thượng, bal Bắc Cạn.

# Di Hà Nội, urang dang akaok Ủy ban bangsa bahrua hu var taom gaok Kapul urang hu angan je dalam bhap bini bangsa takik  tỉnh Lâm Ðồng  tuk kapul nao rivang, bac megru ilamu di dom tỉnh bhum ceik gah brak. Tuk vak tapa urang hu angan je tỉnh Lâm Ðồng tuk halei jeng lac gah dang akaok nao dahlau dalam bruk patagok kinh tế - xã hội;  ngak dom jalan siam lagaih piah ka bhap bini tah klak dom adat cambat klauk oh daok lagaih, tuk halei lac geing praong dalam bruk khik ramik talei jum pataom bhap bini, dong khik caga tani tanat an ninh chính trị, trật tự an toàn xã hội di tỉnh.

# Biar harei kabroi (19/11), ong Nguyễn Thiện Nhân, Ủy viên Bộ Chính trị, Bí thư Thành ủy TPHCM gam haong urang pal akaok Sở Pato megru TPHCM hu nao rivang dom gru pato naih gheih tukvak pahadar 35 thun harei Gru pato Việt Nam. Anak hatai anit ranam, sangka, thau dhar phor di urang pal akaok  TPHCM brei ka dom gru pato padeih hưu, Phó Giáo sư, Tiến sĩ Huỳnh Văn Hoàng drut droi lac: “Karja hu harei 20/11 piah hadar tal gru pato, dahlak mboh biak bui sambai. Harei ini, dom urang gru yau khaol dahlak taduan raok biak ralo sinh viên mai rivang drei. Anek saih mai ralo dahlak mboh biak drut drui.”.

# Melam kabroi (19/11) di ban Pleiku, Ủy ban An toàn giao thông negar pambuak bruk  song  Ubbhap  bini  tỉnh Gia Lai peih  Bruk pahadar urang metai kayua radeih paok gauk thun  2017. 10 bilan tapa dalam negar hu jiak 7.000 urang metai song labaih 12.000 urang njauk rambuac luac rai kayua radeih paok gauk. Makna rilo meng lac kayua vi phạm luật giao thông yau peih radeih suan binah jalan, làn đường, tapa tốc độ, salih hướng oh tui iek, menyum alak tapai.

# Ribuk ka 14 suy yếu jeng áp thấp nhiệt đới, min hajan angin, lốc xoáy saong angaok tasik angin khang pakat 6, pakat 7, ndaoh pakat 9 meda ngak karam gilai. Mboh dahlau dom bruk oh siam meda rah tabiak, nan ye jaik abih dom kapal gilai di urang taong ikan pak Ninh Thuận hu ngak siam tui bruk pakuak oh brei nao tasik taong mek kaya ikan tuk oh ka hu adat.

# Kayua  áp thấp nhiệt đới, dalam  tỉnh Bình Thuận hu hajan di rilo labik. Bruk pacang caga hajan ia sua dok hu peih ngak siam. Urak ni hu 12 danao dok tathuak ia  tapa ar pacang piah trun ia, khik caga siam ka danak dak yau: Phan Dũng, Lòng Sông, Sông Quao, Cà Giây, Sông Khán, Suối Đá, Cẩm Hang, Ba Bàu, Sông Phan, Sông Dinh 3, Trà Tân, Núi Đất. 

Khaw tin dunya:

# Dom harei tapa, gah chức năng Campuchia hu peih ngak bản án di Tòa án pakat glaong ka bruk tah klaak đảng Cứu Quốc hu hiệu lực peih ngak. Hadei di tuk Tòa tuyên án, Bộ Nội vụ Campuchia hu tabiak Thông tư tacei pato dom gah chức năng peih ngak catang bản án ini; dom pakat raja-ei puk palei hu trun nao paok klaak dom bảng hiệu, bảng quảng cáo di đảng Cứu Quốc.

# Văn phòng Thủ tướng Libăng bahrau brei thau, Thủ tướng Sa-át An Ha-ri-ri hu tal Ai Cập piah taom gaok  Tổng thống Pha-ta Át Xi-xi (Abdel Fattah al-Sisi) dalam harei  21/11 anak tal. Dahlau nan,  Thủ tướng Libăng hu tal Pháp meng ban ine  Ri-át di  Arập Xê-út song hu taom gaok   Tổng thống Pháp Em-ma-nu-en Ma-crông (Emmanuel Macron).

# Page ini (20/11), sa mbang megei baoh taneh (hu cường độ) KHANG 7,0 độ rích-te rah tabiak ala đáy tasik, atah pulao kaoh Lô-ần-ti (Loyalty) pak bhum Niu Ca-lê-đô-ni-a di Pháp daok di Nam Thái Bình Dương 82 kilômét gah Pai. Panuac brei thau ka riyak prong pak dom labik jaik tasik dalam phạm vi 300 kilômét meng labik megei hu ba tabiak./.