Khaw tin 10h30 saong 14h30 harei 20/12/2017

 # Melam kabroi (19/12), Tổng Bí thư Nguyễn Phú Trọng saong akaok negar Trần Đại Quang peih bruk payak, salam uan Tổng Bí thư, Akaok negar Lào Bounnhang Vorachith rivang negar drei. Mbang nao rivang hu ba mai ka Đảng, bol lin saong bhap bani Việt Nam dom hatung hatai anit ranam adei sa-ai, talei rohim gul pataom biak karei saong pambuak pagam, hadah hadai di Đảng, karja saong bhap bani Lào adei sa-ai.

 # Jeng dalam bair harei kabroi 19/12, di jabat rajaei, Thủ tướng Nguyễn Xuân Phúc taduan raok akaok Hạ viện Ma Rốc, ông Habib El Malki daok hu mbang ravang Việt Nam. Akaok Hạ viện Ma Rốc caong lac dua taneh ia njauk pasang iek piah jhul khang kim ngạch pablei salih dua gah tagok 3 mbang oh njauk padheih di tanut 200 triệu USD/sa thun ye urak ini.

# Taduan panuac daa di Ủy ban Thường vụ Đại hội Đại biểu Bhap bani pakat negar Trung Quốc (Quốc hội Trung Quốc), Kapul urang lambaok pakat glaong Quốc hội Việt Nam kayua Phaok akaok Quốc hội, Akaok Kapul nyaom nghị sĩ hữu nghị Việt Nam – Trung Quốc Đỗ Bá Tỵ, ba akaok daok rivang negar Cộng hòa bhap bani Trung Hoa. Mbang rivang tamat dalam harei 22/12.

#Di jabat rajaei, Ủy ban negar ka urang praong thun Việt Nam peih nyaom biai taong iek veik bruk ngak thun 2017. Khan brei thau di nyaom biai, Phó Thủ tướng Vũ Đức Đam, akaok Ủy ban negar ka urang praong thun Việt Nam ndom lac, bruk pasang iek urang praong thun siam abih lac patagok praong libik dang di urang praong thun dalam bhapnini.

 # Pamong tal pahadar 73 thun Harei dak padang Bol lin bhap bani Việt Nam; 28 thun Harei nyaom Quốc phòng dalam bol; 45 thun jayak “Hà Nội - Điện Biên Phủ angaok langik”; 50 thun Mbang mesruh metak saong bruh tagok Xuân Mậu Thân 1968, melam kabroi (19/12), pak Hà Nội, Tổng cục Chính trị Bol lin bhap bani Việt Nam, Mentri Quốc phòng peih ngak danak dak daoh tamia biak karei “Yava miat khúc quân hành”. 

 # jala harei 19/12, jaik 200 công nhân di Công ty TNHH sản xuất pablei salih saong dịch vụ Miền Quê, di libik công nghiệp Nhơn Trạch 2, tỉnh Đồng Nai njauk tame sang iek ruak hadei var mbang jala di công ty meng dom dấu hiệu mbang glaih glan, tê dalah, katar tarakon…thau hu bruk ini, Chi cục An toàn hacih saat pandap mbang Đồng Nai hu trun tapak libik dut iek, ngak bruk saong lambaok doanh nghiep, dut iek mau pandap mbang.

# Pak tỉnh Bình Phước, nyaom biai urang jakar pakat glaong (SOM) Labik Tam giác cakrok patagok Campuchia – Lào – Việt Nam (CLV) bahrau peih tabiak mbang nyaom pataom iek veik, salah blaoh dom asal kadha ba tagok Uỷ ban điều phối chung klau negar. Pok sap ndom dalam nyaom biai, ong Nguyễn Thế Phương, Thứ trưởng Mentri Kế hoạch saong Đầu tư ndom lac kết quả pambuak bruk di klau negar oh ka samu haong pren khang, dalam bruk ngak mbang kinh tế, pablei salih saong buh jien tame ngak.

Khaw tin dunya

 # Nhà Trắng barau cáo buộc Triều Tiên "hu trách nhiệm tapak dalam bruk taong tame meng mã độc Oan-na-cờ-rai (WannaCry) pambak tabiak toàn cầu meng bilan 5 thun 2017. Mbang taong tame ngak jhak tal labaih 300.000 máy tính di dom sang iek ruak, công ty saong gilang pariak di 150 taneh ia, ngak khat lihik yaok tỷ USD. 

# Tổng thống Hàn Quốc Mun Chê In (Moon Jae-in) hu ndom lac sẵn sàng peih dom bruk ngak piah patrun kadha pandiak angaok pulao kaoh Triều Tiên dahlau di tuk  Thế vận hội Mùa Đông (Olympic) tui kuhria dahlau meda rah tabiak di Piêng-chang (Pyeongchang) dalam thun tal, dalam nan hu gam bruk pakatut jang dom mbang pathram trận quân sự chung haong Mỹ.

 # Khat lihik kayua ribuk nhiệt đới Cai-tắc (Kai-Tak) nduac tame libik gah kreh negar Phi-líp-pin daok patagok. Tui kuhria barau abih, dom urang metai kayua ribuk tagok 43 urang, dalam tuk jia lac duah dom urang daok diuk dalam 45 urang jeng daok lihik kayua glut haluk saong ribuk gluah dak harei dak lipih nao.