Khaw tin 10h30 saong 14h30 harei 20/6

# Bair harei kabroi 19/6, di Hà Nội,  Chủ tịch Quốc hội Nguyễn Thị Kim Ngân hu dang akaok nyom biai saong kapul urang jakar pakat glaong Thượng viện Cộng hòa Haiti kayua ông  Youri Latortue (Y-u-ri  La-toc-tuy), Chủ tịch Thượng viện, ba akaok. Piah talei rohim nghị viện di dua taneh ia di tukvak tal siam lagaih, dua Chủ tịch njauk hatai gauk samal dak padang kapul nghị sỹ hữu nghị dua gah; jhul khang bruk ginum biai kapul pakat glaong, dom uy mban saong Nghị sĩ Quốc hội.

# Jeng dalam bair harei kabroi 19/6,  amuk Trương Thị Mai, Ủy viên mintri Chính trị, Bí thư Trung ương Đảng, akaok Ban Dân vận Trung ương hu raok kapul urang jakar Đảng Cộng sản Băng-la-đét kayua ông Mu-gia-hi-đun Ít-xlam Xê-lim, Chủ tịch Đảng ba akaok daok hu mbang ravang saong ngak bruk di Viet Nam tui panuac daa di Trung ương Đảng drei. Dua gah hu khan brei ka gauk thau bruk ngak di yaok đảng, dom bruk praong dalam ngak mbang kinh tế-xã hội yaok taneh ia, ginum biai ka dom bruk di dunya saong khu vuc gam sangka, ginum biai dom bruk cambaih piah paglaong talei pambuak bruk di dua đảng, dua taneh ia.

# Harei 19/6, Thanh tra mintri pato megru ba tabiak jalan talei pandiak mbang pakacah Trung học phổ thông pakat negar 2017. Ini lac dom số phone ; 04.36231285 saong 0923.006757; Fax: 04.38693145 piah thanh tra dom Sở khan brei thau dark samal tuk hu tình huống bất thường saong hadei yaok var mbang pakacah; bruk pambuak tal bruk khan brei thau, xử lý sai phạm, tiêu cực di dom libik pakacah. Thanh tra mintri pato megru jeng pandar Thanh tra dom Sở pato megru peih bruk thanh tra pakacah Trung học phổ thông pakat negar thun 2017 siam saong khik eik jalan talei pandiak luac harei melam pakacah Trung học phổ thông pakat negar thun 2017 saong peih bruk trực thanh tra pakacah meng harei 20/6 tal abih harei 06/7/2017.

Dalam pahadar 92 thun harei bao chi cach manng Viet Nam 21/6/1925 – 21/6/2017), dalam taneh ia hu rah tabiak rilo bruk ngak pachreih, pok je urang ngak báo:

      # Bair harei 19/6, Hội nhà báo tỉnh Sơn La peih bruk taom gaok pahadar 92 thun harei bao chi cach mang Viet Nam saong 30 thun  apdang Kapul nhà báo Sơn La (15/6/1987 - 15/6/2017). Di var taom gaok, dom hội viên nhà báo hu ba gauk hadar veik dom kadha hadar abih dalam tukvak dak padang saong patagok di kapul nha bao tỉnh. Urak ini, kapul nhà báo Sơn La hu labaih 170 hoi vien, dalam nan labaih 100 hoi vien hu brei thẻ nhà báo ngan saong rilo tac pham bao chi xuất sắc hu alin giải di giải báo chí negar; Giải Búa liềm vàng... 

          #Harei 19/6, sang bac Đại học Văn hóa Hà Nội peih ginum biai “Ngak báo văn hóa văn nghệ”, pachreih hu rilo nhà báo, nhà văn ban ine hu mbaok tame. Tapa nan, urang pataom tame ginum biai dom asal kadh ayau: Labik dang di dom urang ngak báo văn hóa văn nghệ dalam báo chí saong xã hội; Chất lượng kadha báo chí văn hóa văn nghệ urak ini… Tui dom urang hu mbaok, dalam saman công nghệ số, rilo tòa soạn, blah báo oh ka biak sangka patagok gah văn hóa văn nghệ, ba tin tui hatai takre di urang puac báo… Njauk maong kadha báo chí văn hóa văn nghệ oh lac sa sản phẩm văn hóa bo daok lac piah pato pakai jalan siam ka menuac sia, đạo đức xã hội.

#Meng akaok bilan 6, kapul Nhà báo tỉnh Đắc Lắc hu peih ngak dom bruk, dalam nan sangka tal bruk pambuak gauk di dom chi hoi. Kapul jeng pilih ruah dom kapul pataom tame dom mbang pakacah, harei pataom pakat khu vực ye: harei pataom sap daoh urang ngak báo bhum Tay Nguyen peih ngak di Đắc Nông; nyaom biai - Hội thao báo chí bhum Tây Nguyên peih ngak di Lâm Đồng gam rilo bruk ngak nghiệp vụ karei.

# Biar harei 19/6, di ban raya Hồ Chí Minh rah tabiak bruk mbaoh tangin tame harak pambuak bruk pathau khan di Sở Y tế  ban raya Hồ Chí Minh saong Kênh Sức khỏe - An toàn thực phẩm VOV FM89MHz di rayo sap ndom Việt Nam.  Tui nan, Sở Y tế ban raya Hồ Chí Minh pabak khau tin brei thau ka dom bruk pambuak tal gah y tế ka Kênh Sức khỏe - An toàn thực phẩm VOV FM89 piah pabak ka bruk pathau khan, tacei jalan menuac sia. Kênh Sức khỏe - An toàn thực phẩm VOV FM89MHz di ban raya Hồ Chí Minh hu peih dom blag, dom kadha ka iek glang pren yava, pacang caga jit ruak, tacei jalan iek ruak ka urang pang radio...

Khaw tin dunya

* Dom taneh ia Đông Nam Á hu In-đô-nê-sia, Malaysia saong Philipin harei kabroi (19/6), peih bruk khik iek jalan tasik haong gauk piah paglaong bruk mesruh caga IS. Dom mbang khik iek nan hu peih ngak hadei di tuk dom kapul vũ trang IS mek hu ban gah meraong di Philipin.

“ Ca-ta (Qatar) daok njauk pacang cakak ye oh hu bruk ginum biai halei” . Ini lac panuac harei 19/6 di Ca-ta ngan saong dom taneh ia A-rập jaik taphia daok duah jalan pacang cakak taneh ia ini. Brei panuac haong gah ngak báo di bn ine Đô-ha (Doha), Ngoại trưởng Ca-ta Qatar Mô-ha-mét bin Áp-đun-ra-man A Thai-ni (Mohammed bin Abdulrahman Al-Thani) lac dom jalan ngak piah pacang cakak Ca-ta di Ả-rập Xê-út, Các Tiểu vương quốc A-rập Thống nhất (UAE), Ba-ranh saong dom taneh ia karei lac jalan ba tal srau kadau saong ndom lac, jalan piah peih ginum biai lac padeih abih dom bruk pacang cakak yau urak ini.

     *  Ốt-tô Uôm-bi-ơ (Otto Warmbier), sinh viên Mỹ hu Triều Tiên bayan   tự do barau ini barau metai di mbang Ô-hai-ô harei 19/6. Ốt-tô Uôm-bi-ơ lac sinh viên Đại học Vơ-gi-nia, gaok mek kareik meng thun 2016 tuk daok di Triều Tiên di sa tour du lịch. Urang likei ini gaok kết án 15 thun guk khổ sai meng bilan 3/2016, hadei tuk ciuk brei thau kalaih băng rôn pathau khan di sa khách sạn di  Bình Nhưỡng. Sinh viên ini hu palao tự do hadei labaih 17 bilan guk giam saong dom bác sỹ brei thau saai ini lihik rilo mô não di dom libik não bộ.