# Dalam mbang nao rivang Lào, biar harei 19/6, Phaok akaok negar Đặng Thị Ngọc Thịnh hu mai salam Tổng Bí thư – Akaok negar CHDCND Lào Bun nhăng Vo- lạ - chit saong Thủ tướng Thong –lun  Xi- su – lit. Tổng Bí thư – akaok negar Bun nhăng Vo-lạ-chit saong Thủ tướng Thong- lun Si- xu – lit bui sambai hu taduan raok phaok akaok negar  Đặng Thị Ngọc Thịnh tapa rivang Lào hu ba talei rohim pambuak bruk taong abih gah di dua Đảng, dua karja saong bhap bani dua negar. Dua urang ini taong yaom glaong talei pambuak bruk di dua negar Lào – Việt Nam dak harei dak tame dalam, mek hu ralo siam mekre.

# Hadei di tuk pataom mbaok tame nyaom biai xúc tiến đầu tư tỉnh Sóc Trăng thun 2018, Thủ tướng Nguyễn Xuân Phúc saong dom urang dang akaok dom mintri, ngành ngak bruk saong urang dang akakok di tỉnh Sóc Trăng ka bruk kinh tế xã hội. Hadei di tuk pang urang dang akaok dom mintri brei panuac tame jalan patagok kinh tế xã hội di Sóc Trăng, Thủ tướng jeng pandar Sóc Trăng jhul khang đô thị hóa tui jalan quy hoạch dom libik bhapbini daok; công nghiệp hóa nao pagam saong hiện đại hóa haong đô thị hóa; đô thị hóa pambuak pagam saong caga biến đổi khí hậu di puk palei.

# Harei 19/6, pak bal Cần Thơ, akaok Quốc hội Nguyễn Thị Kim Ngân saong dom urang Quốc hội Đơn vị bal Cần Thơ hu taom gaok cử tri nan lac dom tướng lĩnh, sĩ quan, bol lin Quân khu 9. Di van taom gaok, ralo cử tri ndom lac, meng blaoh, lợi dụng bruk Quốc hội brei tapa Hukum An ninh mạng saong ginum biai ka Hukum Đơn vị hành chính kinh tế biak karei, dom urang quá khích nyu lợi dụng bruk kurang thau di bhap bani piah pacuh pajarak ngak brei srau dhau. Akaok Quốc hội ndom lac, dahlau di tuk patabiak dự án hukum ini hu Quốc hội pasang iek biak tani tanat piah oh ngak suan Hukum negar thun 2013, dalam nan hu khik kajap quyền anek manuac, quyền saong nghĩa vụ cơ bản di bhap bani.

# Ong Võ Văn Thưởng, Ủy viên mintri Chính trị, Bí thư Trung ương Đảng, akaok mBan Tuyên giáo Trung ương barau nao tadhau yuh Hội Nhà báo ban raya HCM dalam harei Báo chí cách mạng Việt Nam 21/6 saong ravang dom urang vak báo lão thành. Di var taom gaok, ông Võ Văn Thưởng ndom lac: tukvak tapa, báo chí cách mạng Việt Nam pataom tame pacang caga suy thoái tư tưởng chính trị, đạo đức, bruk daok dang, caga tiêu cực, tham nhũng siam meng bruk duah mboh, hu mbaok tame duah thau tal tuk ba tabiak langyah. Báo chí hu ngak pachreih xã hội, pabak dom phản biện, lý lẽ piah hội đồng xét xử hu dom quyết định drah samal abih. Dom bruk nan rik daong caga suy thoái, dak padang Đảng...

# Hadei di ini nan lac kết quả dom mbang dit blong di vòng chung kết (VCK) World Cup 2018 rah tabiak harei 19/6 saong page mesup harei 20/6:

Dalam mbang tabiak mbaok mbang coah camereip di bảng H, đội tuyển Nhật Bản mek hu jayak anak Colombia ngan haong tỷ số 2-1, daok đội tuyển Ba Lan caik thua LAH Senegal 1-2. Dalam mbang caoh ka dua, đội tuyển Nga mek hu jayak anak đội tuyển Ai Cập ngan haong tỷ số 3-1.

Khaw tin dunya

# Urang dang akaok Triều Tiên Kim Châng Un barau hu mbang nao ravang Trung Quốc saong ginum biai haong Chủ tịch Trung Quốc Tập Cận Bình di Đại Lễ đường nhân dân di ban ine Bắc Kinh. Dua gah hu njauk hatai gauk jhal khang patagok talei pambuak bruk Trung -Triều; jhul khang hòa giải, ba brei cơ chế hòa bình suai livik di bán đảo Triều Tiên. Dua gah jeng peih bruk ginum biai ka talei pambuak bruk Trung Quốc - Triều Tiên jeng ye bruk di angaok bán đảo Triều Tiên urak ini.

# Urang jakar Inđônêxia harei kabroi brei thau, takik abih 1 urang metai saong  daok 94 urang lahik dalam mbang tabaleik gilai du lịch angaok binek Tô-ba (Toba), gah barak Xu-ma-tờ-ra (Sumatra) gah Pai negar ini, rah tabiak dahlau di nan sa harei. Taong abih bruk roh duah daok hu peih ngak samar ngan haong 7 sruh gilai saong labaih 100 urang daong duah urang njauk bala. Cảnh sát Inđônêxia huac lac, manuac urang lahik meda hu ralo jang tuk ralo urang daok khan brei thau lac manuac dalam sang drei daok lahik.

# Harei ini 20/6, dom siêu thị Un-guột (Woolworths) di Ốt- xtrây-lia padheih abih bruk pandar kadung ni-lông pandar sa mbang piah buh pandap panda. Ini lac hệ thống siêu thị akaok meti di Ốt- xtrây-lia peih ngak sarak ini dalam bruk kham merat trun takik hareik nhựa. Harei ini, dom urang mai blei pandap di Un-guột njauk ba tui kadung piah caik pandap kayua hệ thống siêu thị ini padheih bruk brei saoh kadung ni-lông pandar sa mbang piah buh pandap ka tuai. Meyah tuai damuai oh kuhria caha blaoh kadung lac njauk blei kadung pablei di cửa hàng./.