Khaw tin 10h30 saong 14h30 harei 20/7

# Pahadar 70 thun harei Thương binh Liệt sỹ 27/7, Biar harei ini, pak sang Quốc hội, Phaok akaok Quốc hội, Đại tướng Đỗ Bá Tỵ hu tuan raok Kapul lambaok urang hu công naih gheih tỉnh Nam Định.  Phaok akok Quốc hội Đỗ Bá Tỵ pandar karja dom pakat tỉnh Nam Định patui jalan patagok dom bruk ngak hu siam mekre dalam peih ngak dom sarak, hukum ngan haong urang hu công. Jhul pakhang bruk taong abih bhap bani hu mbaok tame bruk mong iek urang hu công haong cách mạng, iek glang tal urang njaom mbak chất độc da cam tapa dom bruk sua tangi, iek glang, daong ba rai diuk piah grap tanat dom baoh sang sarak karja, urang hu kong ngan haong tanut diuk rai samu atau glaong jang tanut diuk rai trung bình di bhap bani labik nan… 

# pagaiy harei 19/7, Quân ủy Trung ương, mintri Quốc phòng peih var taom gaok pok meyaom urang buh pren ka cách mạng saong gauk gar hadah trah daok ngak bruk dalam bol bala. Lac sa dalam 200 urang hu mintri Quốc phòng pok meyaom di var taom gaok, thương binh  Đại tá Nguyễn Văn Thiện, chính trị viên, Ban chỉ huy quân sự huyện Xuân Lộc, tỉnh Đồng Nai brei thau:“Meng labik dang lac chính trị viên huyện đội meng dom bruk ngak siam kheih dahlak tuk hlaei jeng nao dahlau dalam bruk ngak, abih di nyu nan lac tacei pato dom bol lin dalam libik sangka rilo veik tal dom urang saong dom đồng đội  ndih trun bloh saong jak ba bhapnini rik daong padang ngak baok sang dhar phuan, daong  sang thương binh, sarak  sarak karja daok sa drei dalam bruk  ngak mbang saong patagok kinh tế.”

 # Ruak pandiak tabiak darah daok patagok khang di dom tỉnh, bal gah kreh negar ngan haong labaih 10.500 urang njauk ruak; dalam nan bal Đà Nẵng meblah jaik 1/3 urang njauk ruak pandiak tabiak darah dalam labik ini. Bruk pacang caga jit ruak pandiak tabiak darah daok hu dom puk palei pataom tame peih ngak. Urak ini hu dom labik saong hu oh takik mikva oh ka caik hatai tal bruk pacang caga jit ruak ngak ka jit ruak mbuan tamuh tabiak. Thạc sỹ Đặng Ngọc Ánh, Phaok akaok khoa Dịch tễ, Pasak Y tế Dự phòng bal Đà Nẵng brei thau: Gah Y tế buh tabiak abh jien pruh jru xử lý dom sruh jit, atau dom labik mbuan hu jit ruak. Min mikva oh khin pametai anek bọ gậy. Bhap bini pambuak bruk takik. Gah Y tế meda daong gah chuyên môn jien blei vật tư, hóa chất, manuac urang duh ka bruk xử lý min bruk jak ba bap bani hu mbaok tame pametai anek bọ gậy nan lac bruk biak kan.

#6 bilan akaok thun 2017, yaom jien brei mesraiy di dom gilang pariak dalam tỉnh Lâm Đồng  labaih 43 rabau 600 tỷ đồng, tagok 38,5%  duk saong dom bilan ini thun dahlau, patagok jien brei sraiy jaik 60 rabau tỷ đồng... rik daong patagok phun jien đầu tư patgok kinh tế - xã hội di tỉnh. Bruk oh siam lac sraiy jhak di tỉnh jeng tagok tui, ngan saong tanut tagok jaik 17% duik saong akaok thun. Tui ông Nguyễn Văn Yên, Phó akaok uy mban bhapbini tỉnh Lâm Đồng, caong khin mersaiy jien piah ptagok ngak nong cong nghe glaong urak ini biak praong, yau nan ye, tỉnh meda  jalan ngak piah lang talaih di tukvak tal.

# Meng 6/2016 tal ini, mô hình ngak hacih sa-at jalan mbak nao mai dalam palei di urang kamei xã Đăk Dục, huyện Ngọc Hồi tỉnh Kon Tum daok hu pambak prong dalam 11 chi hội palei dalam xã. Ngan haong 98% bhap bani lac urang bangsa Giẻ Triêng, adat cambat ilamo daok lạc hậu, min dom canah jalan liên thôn dalam xã Đăk Dục hu pala bingu tapen jalan nao, dom baoh mblang anak sang oh hu hareik hareim. Kadha njauk biai nan lac sang danaok di taong abih 11 thôn palei di xã Đăk Dục hu hacih sa-at.

# Melam 19/7, di Sang ilimo dam dara ban raya Hồ Chí Minh, Trại hè Việt Nam 2017 ngan saong kadha "dam dara kiều bàotự hào ka bhum taneh gah meraong” caik ka dom adei kiều bào kayua Ủy ban Karja ka urang Việt Nam di taneh ia langiu –mintri Ngoại giao pambuak bruk saong Ủy ban bhapbini ban raya Hồ Chí Minh peih ngak barau peih pakak ngan saong rilo kadha. Tapa nan, dom urang ranaih kiều bào hu nao rilo pik palei di ban raya Hồ Chí Minh saong dom tỉnh bhum taneran kraong Cửu Long, ye: Tiền Giang, Đồng Tháp, An Giang, Cần Thơ...

# Pak bal Phan Thiết, tỉnh Bình Thuận melam kabroi 19/7 hu peih pakak mbang pakacah tác phẩm tamia chuyên nghiệp di dom bangsa takik Việt Nam mbang ka 2 - khu vực gah Meraong. Ong Ngô Minh Chính, Akaok Sở Ilamo, padhih saong rivang ma-in tỉnh Bình Thuận, urang daok dalam Ban tổ chức brei thau: "Tapa dom tác phẩm tamia, mbang pakacah piah pok glaong yaom ilamo dom bangsa  dalam bruk gul pataom dom bangsa Việt Nam; động viên khích lệ saong ghi nhận pren yava roh duah, sáng tạo di dom nghệ sĩ tamia dalam tukvak lao động nghệ thuật." 

Khaw tin dunya

#  harei 19/7 di Oa-sinh-tơn barau rah tabiak Đối thoại kinh tế abih gah di Hoa Kỳ saong Trung Quốc ngan saong bruk pataom mbaok di akaok mintri Thương mại Uyn-bơ Rót (Wilbur Ross), akaok mintri jien padai Xờ-ti-hần Mờ-nu-chin (Stephen Mnuchin) saong Phó Thủ tướng Trung Quốc Uông Dương. Ini lac mbang ginum biai akaok mereip ka kinh tế  tui sáng kiến 4 mbang ginum biai pakat glaong di dua taneh ia hu ba tabiak dalam mbang ravang di ông Tập Cận Bình mai Hoa Kỳdi bilan 4 barau blaoh.

# Anh daok jhul pakhang bruk patagok umo padeih hưu, kayua umo tagok pataui veik ngak kan kandah tal kadung jien karja. Tui nan, umo padeih hưu tagok meng 67 tal 68, hu peih ngak meng thun 2037, salih ka thun 2044 yau bruk ba tabiak meng akaok mereip. Tui akaok mentri Lao động saong Trợ cấp Anh, njauk hu bruk “cân bằng” di bayar jien hưu saong grap tanat bruk công bằng ngan haong dom thế hệ tương lai.

# Harei ini (20/7), akaok mintri Kinh tế Pháp Bru-nô Lơ Me (Bruno Le Maire) brei thau, Pháp njauk bayan paok jien daok tavak sraiy Liên minh châu Âu saong ini lac bruk oh meda thương lượng ka ginum biai Anh tabiak truh Liên minh châu Âu (Brexit).