# Page ini (20/8), bruk pahadar 130 thun harei menek Chủ tịch Tôn Đức Thắng (20/8/1888 -20/8/2018) hu peih ngak di tỉnh An Giang. Chủ tịch Tôn Đức Thắng nan lac kareih camin hadah di urang chiến sỹ cộng sản. Gait hu yam tapa dom glaih glar dalam guk đế quốc saong rambah rambup di mesruh metak, van klaak rup drei brei ka bruk peih paha bangsa, yasa taneh aia ba mai haniem phol trei sil ka bhap bani. Chủ tịch Tôn Đức Thắng hu ba abih rai di drei ka Cách mạng Việt Nam saong gaok ralo rambah rambup dalam 17 thun daok guk di Côn Đảo. Bí thư tỉnh ủy An Giang Võ Thị Ánh Xuân brei thau cambaih: Ini lac tukvak piah ka dom rai rah pahadar veik jalan diuk rai, bruk ngak cách mạng, dom rik daong biak prong di Chủ tịch Tôn Đức Thắng.

# Tui nan, Liên đoàn Lao động ban raya HCM pambuak bruk saong Báo Sài Gòn Giải Phóng hu alin giải thưởng Tôn Đức Thắng mbang yaka 18 thun 2018 ka 11 urang. Ini lac dom urang ngak, kỹ sư hu rilo sáng kiến, cải kiến kỹ thuật ba mai rilo yaom glaong di gah công nghệ thông tin, cơ khí, điện dân dụng, điện công nghiệp saong ngak nong công nghê glaong. Saai Lê Đức Anh, Phó giám đốc Phân xưởng Sản xuất di Công ty Cholimex, hu taduan mek giải mbang ini hu rilo sáng kiến ka salih barau quy trình ngak ia tương saong tương traong nde; hu tagok năng suất meng 20-40% saong ngak kein ka công ty yaok thun labaih 1 tỷ 500 triệu đồng brei thau:“Drei mboh biak hadah mbaok saong haniem phuan tuk dom bruk drei ngak hu pok menyaom. Drei hu trach nhiem  ba apui ka dom ayut dam dara saong công nhân di libik. Jia lac thun tal, doanh nghiệp drei meda hu sa kreih camin ka giải thưởng Tôn Đức Thắng bo drei yaih khan”.

# Harei kabroi (19/8), Kapul urang ngak bruk Ban Tacei pato Trung ương ka  pacang caga bala meng langik tasik, kayua Thứ trưởng Bộ Lao động - Thương binh saong Xã hội Lê Tấn Dũng ba akaok hu van ngak bruk haong Uỷ ban bhap bani  tỉnh Đồng Tháp ka bruk pacang caga bala meng langik tasik saong daong duah urang njauk bala di pukpalei. Di van ngak bruk, tỉnh Đồng Tháp brei thau cambaih meng akaok thun tal ini, ribuk saong áp thấp nhiệt đới yaom lac hu oh ngak kan kandah tapak tal  tỉnh min nyu hu hajan gap mbiah tal hajan prong, angin ribuk khang, ngak khut khat rilo drap ar saong pren yava bhap bani. Taong abih khat lahik kayua bala meng langik tasik tui kuhria labaih 13 tỷ đồng.

# Hajan praong dalam dom harei tapa ngak ka ia danao Thủy điện Hàm Thuận – Đa Mi tagok glaong. Tui kuhria, danao Hàm Thuận meda hu ia yau dahlau di tuk ia sua lac 602,5 m dalam tukvak meng ini tal harei 23/8 tal. Tui bruk vận hành dom danao, Công ty Cổ phần thủy điện Đa Nhim - Hàm Thuận - Đa Mi meda xả ia tapa đập tràn hồ Hàm Thuận. Anak bruk ini, UB bhapbini tỉnh Bình Thuận pandar dom huyện Hàm Thuận Bắc, Tánh Linh saong Đức Linh, drah samal khan brei ka urang bhapbini thau bruk xả ia di Thủy điện Hàm Thuận – Đam Mi piah urang bhapbini caga plaih khik caga siam ka anek menuac saong drap ar. 

 # Ủy ban hội Liên hiệp dam dara Việt Nam tỉnh Đắk Lắk pambuak bruk haong  Hội Sinh viên Việt Nam tỉnh peih danak dak “Taom mbaok saong pok meyaom sinh viên bangsa takik bac da-a naih joi tỉnh Đắk Lắk mbnag ka XX thun 2018.  Tỉnh Đắk Lắk urak ini hu 2.500 anek saih sinh viên bangsa takik. Thun bac 2017-2018, tỉnh hu 91 sinh viên hu học lực jioy, 9 sinh viên xuất sắc. Dom sinh viên bangsa takik hu pok meyaom nan lac dom urang kham merat yam tapa kan kandah, yam tagok dalam rai diuk saong bac  megru hu kết quả glaong. Kpă H’Zani, sinh viên ka 3 khoa Luật kinh tế, Sang bac Đại học Công nghệ bal raya Hồ Chí Minh, lac sa dalam 100 sinh viên bangsa takik hu học lực jioy, xuất sắc hu Tỉnh Đoàn, Hội sinh viên Việt Nam tỉnh Đắk Lắk pok brei harak meyaom mbang ini khan lac: “Hadei di danak dak ini dahlak saneng lac drei njauk kham merat rilo jang, kham meret bac megru ka nyu siam jang piah ka điểm di drei oh padeih di tanut nan. Adei njauk hu mbaok tame ralo phong trào jang piah daong ka kỹ năng xã hội di drei tagok saong daong ka ralo ayut sahabat sinh viên karei gam nao tagok hong drei. Hadei di tuk bac blaoh adei caong khin mai veik Buôn Ma Thuột piah daong ka ralo ayut sahabat urang bangsa Ê Đê di drei yam tagok yau drei.”

Khaw tin dunya

 # Tamat harei pakacah akaok meti 19/08 di Asiad 18, kapul Việt Nam hu 2 Huy chương ban di dom môn Taewondo saong cuh phao, tapa nan dak tame hạng 11 dalam bảng tổng sắp huy chương. Di kapul ba akaok, kapul Trung Quốc hu 7 HC ameh, patui nan lac kapul Nhật Bản  hu 3 HC ameh, daok kapul po sang Indonesia hu sa 1 HC ameh.

# Cảnh sát bal Tây An, tỉnh Thiểm Tây, Trung Quốc bahrau mek kareik 3 urang tình nghi tấn công mạng saong mek klaik rilo jien ảo yaom jaik 600 triệu Nhân dân tệ (samu 87 triệu USD). Dalam bilan 3, gah chức năng bal ini taduan mek hu harak pathau khan ka bruk máy tính di sa urang likei njauk xâm nhập saong rilo jien ảo Bitcoin haong Ether yaom 100 triệu Nhân dân tệ njauk klaik mek. Hadei di tuk duah thau, cảnh sát hu duah mboh dom nghi phạm tấn công tame tài khoản jien ảo nan. Jabat chức năng hadei di nan hu pambuak haong ralo công ty mạng Trung Quốc saong hadei di ralo bilan pagui duah mek hu dom urang ndom angaok nan.

 # karja Thái Lan barau pandar yaok pluh libik du lịch daok jaik sa baoh bilnek praong Ka-eng Kra-chan (Kaeng Krachan) di gah Pai taneh ia ini kareik bambang kayua hajan praong. Hajan praong dui atah meng melam 18/08 tal page 19/08 nyu drah samal ngak ka ia tagok glaong di binek Ka-eng Kra-chan (Kaeng Krachan), di tỉnh Phét-cha-bu-ri (Phetchaburi), atah di ban ine Băng-cốc (Bangkok) jaik 180 ki-lô-mét di gah meraong ngak ka yaok pluh libik du lịch tabhia nan njauk kareik bambang. Binek Ka-eng Kra-chan padang hu jaik 750 triệu mét khối ia, hu công suất glaong abih 710 triệu mét khối. Thái Lan kuhria mboh dahlau lac meda hu hajan nhiệt đới luac bilan ini./.