Khaw tin 10h30 saong 14h30 harei 20/9

# Harei 19/9, kapul ngak bruk kayua ông Nguyễn Văn Bình - Ủy viên mintri Chính trị, Bí thư Trung ương Đảng, akaok mBan kinh tế Trung ương dang akaok hu ngak bruk saong urang jakar dang akaok di tỉnh Bình Thuận ka bruk peih ngak Sarak nyaom roya Đảng pakat negar mbang yaka 12 saong Sarak nyaom roya Đảng bộ tỉnh tukvak 2015- 2020. Brei panuac di var ngak bruk, ông Nguyễn Văn Bình pachreih tui bruk tỉnh Bình Thuận peih ngak danakdak danao padang ia Sông Lũy, huyện Bắc Bình saong danao padang ia La Ngà 3, huyện Tánh Linh; njauk hatai brei klak thủy điện La Ngâu piah pataom tame  apdang danao padang ia praong piah langyah bruk kurang ia pandar saong pala drak di tỉnh Bình Thuận.

/  Hãng kapal haok Vietjet brei thau bruk peih 2 jalan par dunya meng mblang kapal haok Cát Bi di Hải Phòng nao Seoul (Hàn Quốc) saong Bangkok (Thái Lan). Công ty Cổ phần hàng không Vietjet  peih bruk brei thau peih jalan par barau di nyaom meyai xúc tiến đầu tư ban sit Hải Phòng thun 2016 barau rah tabiak biar harei 19/9, hu mbaok di thủ tướng rajaei Nguyễn Xuân Phúc gam saong dom mintri ngành TƯ saong ban sit Hải Phòng. Tui nan, jalan par Hải Phòng - Seoul (Hàn Quốc) peih di dom harei som, harei but, harei jip saong harei adit yaok adit meng harei 12/12/2016.

# Bair harei 19/9 , gah Y tế dunya bhum Tây Thái Bình Dương peih mbang nyaom trực tuyến ka pacang caga jit ruak kayua vi rút Zika. Di Việt Nam, kuhria tal harei 16/9, hệ thống pasang iek jit ruak hu dut iek 2.672 mẫu ruak di 45 tỉnh, ban dalam taneh ia, duah mboh 3 urang dương tính saong  vi rút Zika. Dua urang karei hu duah mboh njaom vi rút Zika tuk daok di taneh ia langiu. Bruk ini brei mboh, Việt Nam hu  vi rút  Zika dalam bhapbini. Akaok mintri Y tế Nguyễn Thị Kim Tiến, brei thau : " gah y tế, njauk samal duah mboh saong langyah samal dom sruh jit piah plaih pambak praong. Langiu di nan, jhul khang talei pambuak bruk saong dom taneh ia ASEAN saong dom gah di dunya pah hu nguồn lực, alamu saong  thông tin piah pacang caga siam. Kol drei jia  saong kham merat oh caik Zika jeng jit praong di Việt Nam".

/ Gam saong bruk kham merat peih bruk khik iek tacei ba địa lý sản phẩm sâm củ Ngọc Linh, tỉnh Kon Tum urak ini daok jhul samar tukvak brei tabiak mbaok drak dom sản phẩm thương mại meng janih sâm quý ini. Tui kuhria, meng ini tal puac thun công ty TNHH sa thành viên lâm nghiệp Đắc Tô, sa dalam dua đơn vị pala sâm Ngọc Linh  di tỉnh Kon Tum hu khai thác meng 250 tal 300kg sâm củ, piah ngak jeng dom sản phẩm thương mại tabiak mbaok darak dalam saong langiu taneh ia. Ong Hoàng Văn Chất, Phó Giám đốc Công ty Trách nhiệm hữu hạn sa thành viên lâm nghiệp Đắc Tô brei thau: “Tui kuhria puac thun công ty hu ngak salah bloh sang mac chế biến. Tukvak camereip kol dahlak ngak tabiak dom janih yau yau tinh sâm, asar pabum sâm cao cấp, tea sâm, sâm củ saogn sâm cakak candiah bluh thu”.

# Bộ Tư lệnh Bộ đội Biên phòng barau brei ka Bộ đội Biên phòng tỉnh Phú Yên sa kapal tuần tra bahrau pambuak bruk duah daong urang njauk bala, công suất 3000CV. Urak ini, urang jakar, chiến sỹ Bộ đội Biên phòng Phú Yên daok taduan  mek saong pasram nduac kapal di Hải Phòng, caga  ka bruk duah daong urang njuak bala.

/   Harei kabroi 19/9, Ủy viên mintri Chính trị, Bí thư Thành ủy ban raya Hồ Chí Minh Đinh La Thăng hu dang akaok var nyaom ka bruk langyah pacang cakak dauk  dimblang kapal haok dunya Tân Sơn Nhất.  Suai lavik, Bí thư Đinh La Thăng caong khin mintri jalan mbak pajeng ba brei pathau tagok chip rajaei bruk peih ngak dự án mblang kapal haok Long Thành; samar jhul pakhang jalan cao tốc Trung Lương – Cần Thơ piah paglaong kein laba mblang kapal haok Tân Sơn Nhất; taphia di nan caong khin gah hàng không brei paglaong pren khik iek par, paglaong kein laba pandar hạ tầng mblang kapal haok.

    # Di Cần Thơ, harei kabroi (19/9) mBan tacei pato Tây Nam Bộ saong pasak patagok Sáng tạo Xanh peih nyaom biai “ bruk hu mbaok di bhapbini dalam taong yaom tác động alam môi trường (ĐTM) – meng sarak tal bruk di anak meta”. Tui pasang iek di pasak patagok Sáng tạo Xanh, dom sang mac điện nhiệt điện cuh meng dang ndaih tabiak sa lượng praong khí thải độc hại. Bhapbini daok taphia sang mac nan lac dom urang gaok tapak. Piah plaih dom kanyaik jhak tal alam moi truong daok, dom urang alamu ba tabiak bruk njauk hu dom khung pháp lý, quy trình thủ tục ka bruk đầu tư dak padang dom dự án ini, paglaong  chuyên môn ka urang jakar dom pakat saong dom gah pambuak tal di bhum taneran kraong Cửu Long dalam bruk tabiak quyết dinh pambuak tal dom dự án năng lượng.

          Patui di ini dom khau tin dunya:

      / Mintri Nội vụ Trung Quốc harei 19/9 brei thau ka khat lahik kayua 2 mbang  ribuk patui gauk rah tabiak  lac Ma-la-cát saong Mê-ran-ti barau nao tapa dom labik gah selatan taneh ia ini. Kuhria tal tukvak ini, hu abih tih 29 urang metai saong 15 urang lahik di 5 labik duyên hải pakat tỉnh di gah meraong. Khat lahik kayua 2 mbang ribuk nan, labaih 7 ribau 300 baoh sang jaleih tayah baih; jaik 700 ribau njauk panduan nao nyaik ribuk. Dom jalan mbak, điện, ia njauk khut khang. Abih tih khat lahik ka kinh tế tui kuhria nan lac 2,32 tỷ đôla (samu 15,48 nghìn tỷ nhân dân tệ).

     # pagaiy harei 19/9, di ban sit pabak mbang negar Poi Pét (Poi Pet) tỉnh Bon Tia Miên Chây (Banteay Meanchey), Campuchia saong Thái Lan peih bruk hợp long jalan radaih pui pagam 2 ban praong di dua taneh ia. Hadei di nan, dom urang thầu di dua taneh ia meda jhul khang tiến độ piah peih pakak jalan radaih pui ini di puac thun ini.

    / Thống đốc bang Flo-ri-đa Mỹ, Rích Scót harei kabroi (19/9) brei thau, dalam 45 harei tapa oh hu urang halei njom virút Zika di bhum  Uyn-út, di ban Mai-a-mi, labik hu urang njom Zika dalam taneh ia akaok meti di Mỹ./.