Khaw tin 10h30 saong 14h30 harei 21-11-2017

# Pahadar 35 thun  harei gru pato Việt Nam, akaok negar Trần Đại Quang hu payua bingu tadhau  yhut 2 gru pato prong thun lac  Giáo sư Vũ Khiêu song Nghệ sỹ dương cầm Thái Thị Liên. Ni lac 2 dalam dom gru pato siam gheih hu rilo rik dong siam mekre ka bruk pato megru di Việt Nam.

# Dalam pahadar harei gru pato Việt Nam,  Thủ tướng Nguyễn Xuân Phúc hu nao ravang saong tadhau yuh Nhà giáo nhân dân, Nghệ sỹ ưu tú Thái Thị Liên, urang vak văn Vũ Tú Nam, urang điêu khắc Tạ Quang Bạo. Ini lac dom gru pato saong dom văn nghệ sỹ hu angan je di taneh ia.

# Mesup harei ni 21-11, Nyaom roya urang  Phật giáo negar  mbang ka VIII, tuk vak  (2017-2022) Giáo hội Phật giáo Việt Nam hu peih ngak di  Hà Nội. Nyaom roya hu mbaok di 1250 urang dok dalam song langiu negar hu angan  “Trí tuệ - Kỷ cương - Hội nhập - Phát triển”.   Nyaom roya mbang ni hu ginum biai rilo asar kadha prong ka bruk patagok kapul Giáo hội; bruk pato pakai Tăng ni, bruk ngak pahla xã hội..v..v.  

# Harei 20/11, di tỉnh Quảng Trị daok hu hajan praong, lượng hajan meng 200 - 300 mm. Ia di dom kraong daok tagok drak samal. Mban tacei pato pacang caga bala saong duah daong bala tỉnh Quảng Trị daok pandar dom puk palei peih bruk caga saong hajan xua tui dom pakat báo động.

  # Harei kroi  20/11, di tỉnh Quảng Nam hu hajan khang gam song thủy điện tathuak ia, dom bhum beir  di dom huyện Nông Sơn, Đại Lộc, tỉnh Quảng Nam dauh ia. Dalam tuk nan, 4 xã di huyện Nông Sơn njauk dauh ia. Di huyện Bắc Trà My, labik bahrau njauk khat lihik trak kayua glut jaleih ceik ngak 12 urang metai bahrau samar ba  500 boh sang di bhum mbuan si glut jaleih ceik tal labik siam mekre.  

 # Sang iek ruak Nhi đồng 1 ban raya HCM barau iek ruak ka dua uranaih ruak la ar dom biak trak. Ini hu maong lac sa dấu hiệu bất thường hadei rilo thun ruak ini hu mboh di uranaih Việt Nam. Abih di nyu nan lac dua adei sit, 5 bilan saong 3 thun. Sang iek ruak Nhi đồng 1 ban raya HCM kakei dom sang njauk ndih dalam paning, khik hacih saat alam moi truong, pametai jamaok caga plaih jamaok duas, njauk caiuk hatai tuk nao tal dom libik hu jit ruak la ar dom tamuh.

# Harei kabroi /11, di phường Tân Hòa, ban sit  Biên Hòa, tỉnh Đồng Nai, yaok pluh urang dang taom dar điểm giao dịch di kadung jien mesraiy  bhap bini Thái Bình piah hu panuac ieu đơn vị ni bayar sre yaom jien labaih 50 tỷ đồng.  Urak ni kadung jien mesraiy bhap bini Thái Bình oh dok ngak bruk, giám đốc eng drei padeih bruk, song tabiak truh labik ni.

Khaw tin dunya

# Ngoại trưởng Hàn Quốc Kang Kiêng Hoa meda nao ravang Trung Quốc meng harei ini 21/11 tal harei 23-11, piah ginum biai ka dom bruk dua taneh ia gam sangka. Mbang ravang Trung Quốc di Ngoại trưởng Hàn Quốc Kang Kiêng Hoa mbang ini rah tabiak di tukvak tuk talei pambuak bruk dua gah di dua taneh ia daok hu pasiam.

# Campuchia hu mek harei  25/11 lac harei  chia ghế Hội đồng, xã phường piah kuhria caga veik karja pakat  xã hadei di tuk  đảng Cứu Quốc njauk  giải thể. Tui kuhria mboh oh ginup, urak ni hu labaih 300 ủy viên hội đồng xã, phường di đảng Cứu Quốc hu salih tapa ngak song đảng bhap bini Campuchia, dom urang ni dok khik chức vụ hiện hành.

   # Hu labaih 2 rabau urang bhapbini ban Lâm-chi, di libik tự trị Tây Tạng, pak gah tây nam Trung Quốc njauk nao plaih hadei mbang megaiy taneh hu cường độ 6,9 rít-te. Labaih 500 lều hu dak padang di 49 libik daok cư, dalam nan hu dom blah lót caga ẩm, chăn, đèn pin saong đèn báo khẩn cấp...hu brei ka urang bhapbini di cư hadei mbang megaiy taneh.