Khaw tin 10h30 saong 14h30 harei 21/10

# Patui veik danak dak mbang nyaom ka 2, Quốc hội khóa 14, harei ini (21/10), Quốc hội pang harak pathau khan ka dự án Hukum pasiam veik, pabak dom paka di Bộ luật hình sự thun 2015; Tờ trình dự thảo Sarakt pasiam veik, pabak dom paka di Sarak 55 ka bruk miễn giảm jien je pandar taneh ngak nong saong ginum biai pak labik ka dom asal kadha ini.

# Pahadar 86 thun harei padang kapul liên hiệp urang kumei Việt Nam (20/10/1930-20/10/2016), bair harei 20/10, di sang Quốc hội, Ủy ban Thường vụ Quốc hội hu peih bruk tabiak mbaok kapul urang kumei jakar Quốc hội mbang 14. Phó Chủ tịch Quốc hội Tòng Thị Phóng dang ngak akaok kapul.

# Harei 20/10, Kapul urang kamei tỉnh Đắk Lắk hu pok meyaom urang kamei naih jioy saong bruk tiêu biểu thun 2016. Hu 20 urang kamei naih jioy saong 12 bruk tiêu biểu hu pok meyaom dalam mbang ini. Amuk Nguyễn Thị Thu Nguyệt, Akaok Kapul urang kamei tỉnh Đắc Lắc brei thau: Dom bruk ngak nan jeng oh ka ralo, 20 kareih camin min ini oh ka brei mboh abih dom kareih camin urang kamei dalam tỉnh min tapa nan brei mboh hu bruk riik daong di kapul urang kamei saong brei mboh hatai kham merat di yaok adei sa-ai kamei dalam tỉnh Đăk Lak mong mboh bruk ngak di drei dalam jaman harei ini saong hu trách nhiệm pambuak pagam haong puk palei piah dak padang tỉnh Đắc Lắc patagok khang kajap)

# Ông Trương Minh Tuấn, akaok mintri Thông tin saong Truyền thông, harei 20/10, saong kapul ngak bruk hu mai ravang, klah rabha saong bhapbini gaok kan kandah kayua  hajan xua barau blaoh di tỉnh Hà Tĩnh. Tapa nan, urang dang akaok dom tập đoàn, jabat di mintri hu alin 30 tấn brah,  150 triệu đồng daong ka bhap bini bhum ia xua saong 500 triệu đồngbrei ka bruk an sinh xã hội; jaik 3.000 baoh tapuk giáo khoa meng tan bac 1 tal tan bac 9, gam saong dom thiết bị thông tin, jru menyum ka bhapbini di tỉnh Hà Tĩnh.

# Patui veik bruk rik pataom jien padai daong ka bhap bani gah kreh negar njauk khat lahik kayua ribuk aia sua, harei 20/10 Hội Chữ Thập đỏ Bal raya Hồ Chí Minh pataom mek hu 1 tỷ 100 triệu đồng, patagok yaom jien jak ba hu dalam mbang ini di Kapul tagok labaih 3 tỷ 100 triệu đồng; Ủy ban Mặt trận Negar bal raya taduan mek hu 497 triệu đồng, patagok yaom jien rik pataom hu dalam mbang ini tagok labaih 1 tỷ 485 triệu đồng. Nyaom urang vak báo Thanh niên saong báo Pháp luật bal raya Hồ Chí Minh rik pataom hu 400 triệu đồng…

# Ủy ban bhapbini ban sit Hội An, tỉnh Quảng Nam saong lambaok ban Wernigerode (Đức) barau peih bruk brei thau khởi động dự án “dak padang hệ thống pabak điện từ năng lượng ia harei piah ngak hệ thống sava sap saong truic hadah di ban klak Hội An”. Dự án hu yaom jien buh tame ngak abih tih 135.000 Euro, dalam nan, rajaei Đức daong 90% yaom jien ngak, ban sit Hội An saong ban Wernigerode buh jien đối ứng 10%. Tui nan, dự án lắp đặt hu dom blah pin năng lượng ia harei di  Quảng trường Sông Hoài, ngak tabiak nguồn điện sumu 55 KW/h pabak ka bruk vận hành, truic hadah, trang trí ka dom bruk parang me-in nghệ thuật jalan phố, đèn lồng trang trí, inem mek Chùa Cầu…

# Meng akaok thun tal bilan 9 thun 2016, Cục thuế Nghệ An taduan mek hu veik jaik 168 tỷ đồng jien tavak jien je. Taphia di nan, Cục Thuế Nghệ An jeng hu panuac caong Sở Tài nguyên - Môi trường pambuak bruk piah mek veik jien tavak 72 tỷ đồng di 132 doanh nghiệp, pambuak haong Sở kế hoạch & Đầu tư piah pataom mek veik 21 tỷ đồng di 132 doanh nghiệp.

          Khaw tin dunya

# Gilang pariak Trung ương châu Âu (ECB) harei 20/10 brei thau lac daok khik tamo lãi suất bair  kỷ lục ( 0, 25%) saong brei thau lac, daok khik danakdak cadu định lượng yaok pluh tỷ ơ-rô sa bilan mbiah tal bilan 3 thun tal (2017) atau atah jang meyah njauk ngak, piah pabak pren ka kinh tế bhum patagok .

# Hadei di 4 harei rah tabiak mbang karam phà di gah kreh negar Mi-an-ma, kapul daong duah urang njauk bala negar ini sraong hu 72 urang metai, dalam nan ralo meng lac anek saih saong gru pato. Urang jakar Mianma huac lac urang metai meda hu rilo jangkayua daok hu yaok pluh urang lahik. Urak ini jabat chức năng Mianma bahrau thau hu angan je di  44 urang njauk bala.

# Tổng thống Philipin Đuy-tơ-tê (Duterte) barau hu panuac lac luai me-in haong Mỹ saong pasiamm veik talei pambuak bruk saong Trung Quốc piah langyah rilo bruk dalam nan hu bruk meriak gauk chủ quyền di Biển Đông. Brei panuac di Diễn đàn đầu tư pablei salih Philipin- Trung Quốc di ban ine Bắc Kinh, ông Đuy-tơ-tê brei thau, Mỹ gaok “ thất bại” dalam pambuak bruk quân sự  jang yau kinh tế saong Philipin.