# Dahlau di abih, daa mikva saong taong abih gauk pang khaw tin ndom ka dom bruk ngak pachreih tui harei tapuk Việt Nam( 21/4) pak dom puk palei dalam negar:

# Pak mblang bein Thống Nhất, Hà Nội daok rah tabiak Nyaom tapuk salam uan harei tapuk Việt Nam 2018 kayua Cục Xuất bản, in saong patabiak peih ngak. Nyaom tapuk Việt Nam thun ini, hu labaih 100 gian hàng di labaih 80 đơn vị xuất bản, meyaih khan tal urang puac tapuk labaih 50.000 angan tapuk ralo janih yau: kinh tế, chính trị, pháp luật, khoa học, tôn giáo, văn hoá, văn học...Nyaom tapuk rah tabiak tal harei 22/4.  

#Piah padang saong patagok bruk puac tapuk, pamaong tal dak pasang sa xã hội bac megru, ngak jeng ilimo kheih mekre dalam xã hội, sang bac Cao đẳng Cộng đồng Bình Thuận vbarau peih harei pataom tapuk BTU 2018”. Harei pataom tapuk piah yaih khan gah tri thức bo gilang tapuk daok khik. Abih di nyu nan lac, di harei pataom tapuk BTU 2018” Gilang tapuk điện tử di sang bac hu peih tabiak, rik glaong paglaong chat luong pato megru di sang bac saong duh ka bruk bac, roh duah di urang jakar, gru pato saong anek saih, sinh vien dalam sang bac.

# Sa sruh radaih buýt atah 6m, gar 1,5m ngan haong dom kệ bak tapuk hu mboh di Jalan tapuk bal raya HCM dalam Harei tapuk Việt Nam (21/4) thun ini. Ini lac hatai saneng ngak jeng mbaok meta bahrau ka jalan tapuk. Hatai saneng radaih buýt sách - mô hình thư viện thu sit – hu Công ty Jalan tapuk saong Sở Giao thông vận tải TP.HCM pambuak gauk peih ngak. Tapa nan, piah ba mai sa labik puac bahrau, sáng tạo di jalan tapuk gam pandar radaih buýt piah pachreih urang  pandar phương tiện giao thông công cộng – sa dalam dom jalan ngak plaih di gar jalan ka bal raya urak ini.

# Harei pataom Paparsap negar mbang yaka XIII, thun 2018 kayua rayo sap ndom VN, rayo paparsap papar binguk Nghệ An pambuak gauk peih ngak meda rah tabiak di ban sit Vinh, tỉnh Nghệ An meng harei 3 tal 5/5 tal. Ngan saong kadha “ paparsap saong bruk jhul khang công nghiệp hóa, hiện đại hóa taneh ia saong mbeik drei tame dunya, harei pataom hu 63 rayo paparsap sap –papar binguk dom tỉnh, ban dalam taneh ia; 14 libik di rayo sap ndom Việt Nam; Pasak papar sap papar binguk Quân đội nhân dân, Pasak paparsap papar binguk saong điện ảnh Công an nhân dân haong mban paparsap Thanh - Thiếu nhi (Trung ương Đoàn Thanh niên cộng sản Hồ Chí Minh). Dom libik ba mai ka harei pataom 257 tác phẩm.  Dom tác phẩm pataom tame harei pataom brei thau bruk salih barau abih gah di taneh ia dalam dom gah chính trị, kinh tế, ilimo, xã hội, khik caga chủ quyền negar, khik an ninh trật tự, ngak tui sarak bangsa, đối ngoại saong mbeik drei tame dunya di taneh, di dom puk palei. 

# Ngak tui tacei pato di Ban An toàn giao thông tỉnh ka bruk khik kajap an toàn giao thông dalam quý 2 tal abih thun 2018, harei 19/4, Đội Cảnh sát Giao thông Công an bal Đà Lạt, tỉnh Lâm Đồng hu pataom dom urang bhain pataom gauk pakacah radaih suan adat piah ngak harak hồ sơ, xử lý catang dom bruk ngak suan. Dalam tukvak jaik di ini, bal Đà Lạt tamuh tagok ralo nyaom likei dam pandar radaih mô tô phân khối prong, radaih salih kết cấu ba tal srau kadau trật tự an toàn giao thông dalam bal.

Khaw tin dunya

# Jaik 150.000 tấn lac dom pandap bo urang Mỹ klak nao yaok harei, sumu jaik 422 gram/sa urang. Oh lac yau nan thaoh, nguồn tài nguyên thiên nhiên saong pren yava hu pandar piah ngak tabiak lượng pandap mbang menyum ini jeng yau nan bo palei pajoa. Tui sa roh duah ba tabiak angaok tạp chí PLOS ONE, dalam dom pandap mbang menyum gaok palai pajoa nan, baoh kayau saong njam patam meblah 39%, patui di nan lac dom chế phẩm meng ia tasau (17%), ralo (14%) saong ngũ cốc (12%).

# Ruak pandiak tabiak darah hu mboh ralo veik saong  ruak ini meda patui veik ngak ka ralo urang metai angaok dunya meyah raja-ei dom taneh aia oh caik hatai tal dom danak dak pacang caga janih ruak ini. Tỷ phú Mỹ Bill Gates (Bin Ghết) hu panuac lac yau nan dalam harak ndom di Nyaom biai pakat glaong ka bruk pacang cakak ruak pandiak dom thun 2018 rah tabiak pak London, Anh, harei 18/4. 

#Nicaragua hu tame tốp 10 taneh ia hu tanut an toàn jalan kapal ahaok siam abih dunya. Urang dang akaok kapul điều hành jalan kapal haoh dân dụng dunya (ICAO), Olumuyiwa Bernard Aliú (Ô-lu-mu-i-oa Bơ-nác) taong yaom bruk hàng không Nicaragua mek hu tanut an toàn tal 97,4% saong pabak tal 97,7% dom tiêu chuẩn di ICAO, glaong biak rilo duk saong trình độ di dom taneh ia karei dalam bhum Mỹ Latinh saong di dunya./.