Khaw tin 10h30 saong 14h30 harei 21/7

# Dalam mbang nao rivang pakat karja tal Campuchia, biar harei 20/7, pak Cung Hòa Bình, Tổng Bí thư Nguyễn Phú Trọng hu ginum biai haong Akaok Đảng Bhap bani Campuchia, Thủ tướng rajaei Campuchia Samdech Hun Sen (Xăm-đéc Hun Xen). Thủ tướng Hun Xen brei mboh hatai bui sambai hu taduan raok Tổng Bí thư Nguyễn Phú Trọng mai rivang pakat karja tal Campuchia, brei thau mbang nao rivang di Tổng Bí thư hu makna dakrai sajarah, rah tabiak dalam tukvak “Thun hữu nghị Việt Nam – Campuchia 2017” pahadar 50 thun harei padang talei pambuak bruk di dua negar, ini lac tukvak piah ka dua gah mong iek veik jalan nao di meteh abap tapa di talei rohim dua negar, saong peih tabiak sa tukvak bahrau ka talei pambuak bruk Việt Nam – Campuchia.

# Urak ini, dom gilang tapuk, miunyim dalam ban Hà Nội hu peih parang iek tapuk, báo ka bruk pahadar 70 thun harei Thương binh - liệt sĩ, piah rik daong paglaong pato pakai ilamu cách mạng ka bhapbini. Tui nan, gilang tapuk Hà Nội parang iek 500 tư liệu tapuk, báo ngan saong kadha “70 thun trọn nghĩa vẹn tình”, di 4 asal kadha: Đảng saong karja haong bruk thương binh, liệt sĩ; dom greih camin anh hùng, liệt sĩ khik caga negar; Bài ca không quên – Ký ức chiến tranh; Hà Nội saong bruk “Bayan dhar phuan”. Parang iek rah tabiaktal puac harei 28/7, di Gilang tapuk Hà Nội.

# 48 tác phẩm tui rilo jalan maong tapak ka bruk mesruh metak peih paha bangsa, dom khat lahik di bol bala saong bhap bani drei hu khan brei thau dalam mbang pariang iek “Dom thun bilan oh van hu” kayua Muyim Mỹ thuật Việt Nam peih tabiak di page harei 20/07, njauk tukvak pahadar 70 thun Harei Thương binh Liệt sỹ (27/7/1947 - 27/7/2017). Dom tác phẩm meyaih khan dalam mbang parang iek hu palih ruah meng pataom duah di Muyim Mỹ thuật Việt Nam ka đề tài mesruh metak.

 # Piah pok meyaom, pambak praong bruk pakacah gauk anit taneh ia, melam 20/7, di ban sit Kon Tum, tỉnh Kon Tum, Cụm pakacah  5 tỉnh Tây Nguyên peih danakdak taom gaok dom urang daah trah dalam bhum. Di var taom gaok, 20 urang, kapul nyaom hadah trah dalam bruk pakacah anit ia di 5 tỉnh bhum Tây Nguyên hu gam neh rabha dom bruk sahaneng, bruk ngak saong alamu yam tagok glaig glan piah hu jak jeng.

# Hadei di 6 harei Sở Ngak nong saong patagok palei pala hu pathau khan haong  Ủy ban bhap bani tỉnh Kon Tum dom kadha akaok mereip ba tal bruk jaik 72 tấn ikan lồng bè di 6 baoh sang di huyện Đăk Hà metai kayua  ô xy biar, ikan kan suak yava, harei 20/7, Sở Tài Nguyên saong Môi trường puk palei hu brei thau dom makna ini ngak ka ikan metai.

# Bair harei 20/7, jabat mban tacei patao pacang caga bala saong duah daong bala tỉnh Bình Thuận brei thau, sa urang ngak ikan daok taong cap di tasik lihik jeng oh ka duah mbboh. Bộ đội Biên phòng tỉnh Bình Thuận urak ini hu khan ka dom đồn biên phòng dalam libik khan brei thau bruk ini ka dom kapal, gilai daok taong cap jaik libik urang ngak ikan Nguyễn Văn Thanh libik piah daong duah.

Akaok Sở Khoa học saong Công nghệ tỉnh Đồng Tháp, Huỳnh Minh Tuấn brei thau, tỉnh Đồng Tháp hu ba 20 đề tài, dự án khoa học pandar tame bruk ngak nong saong raong pala kaya ikan dalam aia. Pagap yau bruk ngak tabiak chế phẩm sinh học bimao Ometar pacang cakak rầy nâu, patak pataom jien ndo saong patrun jru  hóa học dalam laok hamu hu peih ngak di huyện Tháp Mười, Cao Lãnh, Tam Nông saong Lấp Vò angaok mbkang taneh praong labaih 594 ha; mai meng nan trun 4 mbang pruh jru pametai anek halak saong patagok jien laba ka labaih 4 triệu đồng/ha. 

Khaw tin dunya

# Urang dang akaok jabat caga khủng bố In-đô-nê-xi-a - ông Suhardi Alius brei thau, rilo phiến quân In-đô-nê-xi-a ba tui diuk anek nao tal libik rah tabiak srau kadau ye Xyri saong I-rắc. Uranaih dom sang ini njauk bac dom ky năng khủng bố ye cuh phao, mbram atau hành quyết.

# ong Ram Nath Kovind (Ram Nát Cô-vin) hu tapa mbaok đối thủ Meira-Kumar (Mây-ra Cu-ma), piah jeng Tống thống mbang ka 14 di Ấn Độ. Ini lac mbang ka dua urang dang akaok karja Ấn Độ lac urang daok dalam tal urang kathaot tui agama Hindu. Gah  chuyên gia brei thau bruk ong Kovind ngak Tổng thống meda daong ka Thủ tướng Modi patagok quyền lực kayua lac bruk ini payua nao sa kadha biak prong tal tầng lớp Dalit, cộng đồng hu jaik 200 triệu urang kathaot abih saong njauk ba caik langiu lề xã hội.

# Anek menuac hu nao tal Australia takik abih jaik 65.000 thun dahlau thiah, aval jang 18.000 thun duk saong kuhria mboh meng dahlau mai ini. Ini lac bruk roh duah patabiak harei 20/7 hadei di tuk dom urang khảo cổ duah mboh dom lưỡi rìu saong patau mài di sa hang động di bhum cực Bắc Australia.