Khaw tin 10h30 saong 14h30 harei 21/8

# Pahadar 72 thun Cách mạng bilan 8; harei Quốc khánh 2/9 (2/9/1945 – 2/9/2017) song 48 thun kuhria  meng harei Wa nao atah (2/9/1969 -  2/9/2017), mesup 20/8, Thủ tướng Nguyễn Xuân Phúc nao pasang  iek bruk ngak di Ban khik ramik Lăng Chủ tịch Hồ Chí Minh song pok gilau hadar Wa Hồ di labik inem krung sajarah K9, Đá Chông, Ba Vì, Hà Nội.

#  Kapul ngak bruk di mintri Y tế hu nao pasang iek bruk pacang caga jit ruak pandiak tabiak darah di phường Thụy Khuê, quận Tây Hồ, Hà Nội. Thụy Khuê lac puk palei barau hu pruh hóa chất pametai jamaok yau nan ye camreip oh ka hu jamaok, min kapul ngak bruk pandar hadei di sa adit njauk pruh veik piah pacang jalan tamuh tabiak jamaok; jhul khang bruk pathau khan piah urang bhapnini paglaong bruk sahaneng caga jit, klak dom labik ba tal lăng quăng, bọ gậy...

# Lac labik camereip abih di Thanh Hóa hu sruh jit ruak pandiak tabiak darah , xã Hải Bình (huyện Tĩnh Gia) song gah y tế kham merat pacang cakak oh caik pambak praong. Kurhia tal beir harei 20/8, xã Hải Bình hu 27 urang njauk pandiak tabiak darah , dok di  3 palei : Liên Đình, Liên Hưng, Liên Thịnh, dalam nan, dalam 3 harei  (18-tal 20/8) hu 20 urang ruak mai iek ruak di bilai Y tế xã Hải Bình dalam tuk rup pandiak glong, pandik  cơ, pandik talang, tabiak darah ala klik...

# Melam 20/8, Sở Du lịch ban raya Hồ Chí Minh pambuak bruk saong  Uỷ ban bhapnini quận 1 peih phố nao takai Bùi Viện phường Phạm Ngũ Lão. Phố nao takai Bùi Viện hu ngak meng akaok bilan 6 thun ini. Dom vỉa hè di phố meng canah jalan 4 Bùi Viện - Đề Thám nao tal jalan Đỗ Quang Đẩu hu rami ramik abih, lot barau patau granite atah 1.400 m,  saong yaom jien buh tame ngak abih tih jaik 10 tỷ đồng.

# Sang iek ruak Quốc tế Đồng Nai brei thau, sang iek ruak bahrau daong hu ka sa urang kamei metain. Urang kamei nan angan Hồ Thị My, (36 tuổi, dok di Tân Phước 2, xã Tam Phước, ban Biên Hòa, Đồng Nai. Harei 14/8, tuk pasang iek, dom bác sĩ sang iek ruak Quốc tế Đồng Nai mboh urang kumei metain Hồ Thị My hu biak rilo khối u xơ dalam  tử cung, abih di nyu nan lac anek kama ndih gar kayua dom  khối u pacang gar yau nan ye brei blac dreih cấp cứu chip.

# Caoh mbang U22 Philippines di mbang caoh rah tabiak melam kabroi (20/08) di mblang Shah Alam, tuyển U22 Việt Nam hu jayah ka 3 gam gam di vòng bảng SEA Games 29 saong ini jeng lac mbang ka 3 hamiet, dom anek saih di huấn luyện viên Nguyễn Hữu Thắng caoh tame hu 4 baoh.

# Dalam janih pakacah puac di abih  lac thể dục dụng cụ, melam  20-8,  dom vận động viên Việt Nam mek hu  Huy chương meh ka 4 di kapul likei brei ka kapul thể thao Việt Nam dalam harei pakacah  thức camereip di SEA Games 29.

Khaw tin dunya

# Báo chí Pháp khan brei thau, cảnh sát taneh ia ini barau mek khik ralo phao ndao, dalam nan hu gam phao ndao caga tăng di sa baok sang di  Xanh-Đê-nít, libik lingiu gah Brak ban ine Paris. Cambaih laih: hu 3 khối jru patuh, sa janih pantuh khang, đạn cỡ 12 saong 9 mm saong 2 mbaik phao trường. Blah báo urang Paris khan brei thau, gah chức năng Pháp daok mek khik rilo ao caga đạn, ma túy saong jien di baok sang ini. Dalam bruk ini, 2 urang likei 30 thun saong 40 thun gaok kết tội pablei salih lậu phao ndao saong ma túy.

# Harei 20/8, sa mbang patuh di sa sang mac ngak kapan di  tỉnh Ghiêng-xang, gah merong negar Hàn Quốc,  ngak brei 4 urang ngak metai. Tui gah pacang caga apui khuah, mbang patuh rah tabiak di sa boh kapan pajeng menyek dok hu ngak di sang may ngak kapan  di ban Chang-uôn, atah di ban ine  Xơ-un 450 ki-lô-mét mai gah Đông Nam. Dom urang metai dok dalam umo meng  30-50.

# Di ban Đôn Keo, tỉnh Tà-keo, Kapul gru jru Campuchia asal Việt di Tổng hội urang Campuchia asal Việt nao ravang, iek ruak saong brei jru saoh saong alin pandap ka urang kathaot. Ini lac bruk ngak pahla akaok mereip kuhria meng tuk kapul hu dak apdang bilan 2 thun ini dalam harei gru jru Việt Nam 27/2. Kapul hu jaik 40 y, bác sỹ đa khoa, dalam nan hu rilo urang dahlau thiah hu bac megru di dom sang bac đại học, cao đẳng y khoa di Việt Nam./.