Khaw tin 10h30 saong 14h30 harei 21/9

            # harei 20/9 ngak bruk saong Tổng liên đoàn Lao động Việt Nam, Ủy viên mintri Chính trị, akaok Ủy ban Trung ương mặt trận negar Việt Nam Nguyễn Thiện Nhân ieu Tổng liên đoàn njauk pasang iek, kuhria mboh dahlau dom bruk kan kandah tuk mbeik drei tame. Dalam nan, njuak pambuak gauk peih dom bruk di bhapbini jeng ye công đoàn dalam khối pambuak pagam saong mbeik drei tame dunya saong paglaong năng suất, chất lượng, kein laba bruk ngak.  Ông Nguyễn Thiện Nhân lac : “Meng bruk pathau khan, pato megru, tal bruk ngak cách mạng, tal patagok dân chủ, khik caga quyền lợi ích di công đoàn viên, peih bruk pasang iek, phản biện saong bruk dak padang công đoàn dom pakat, sarak ka urang jakar.

          / Tui mintri ngak nông saong patagok palei pala, mintri ngak nông saong thủy lợi Ốt-xtrây-li-a barau ngak salah bloh báo cáo dự thảo taong yaom ka baoh thanh long that di VN. Dalam nan caong khin brei adat blei baoh thanh long that meng dom labik pala janih phun ini piah pablei salih di VN tame darak ini, min brei pabak hu dom kadha ka an toàn sinh học. Tui kuhria, bruk taong yaom ka baoh thanh long that VN hu rajaei Ốt-xtrây-li-a ngak salh bloh di puac thun ini. Meyah hu brei adat, VN lac taneh ia akaok meti saong duy nhất tal tukvak ini hu brei adat blei thanh long tame Ốt-xtrây-li-a.

         # Hu bruk daong di dom giáo sư, chuyên gia dang akaok gah cấy ghép tế bào gốc mai meng sang iek ruak Kitano, Osaka Nhật Bản, harei 20/9, mbang akaok mereip sang iek ruak Đà Nẵng peih ca ghép tế bào gốc tủy xương tự thân ka sa urang ruak di ban sit Đà Nẵng. sang iek ruak Đà Nẵng lac labik ka dua dalam taneh ia hadei di sang iek ruak Việt Đức pandar  jalan cấy ghép tế bào gốc dalam iek ruak chấn thương tủy sống. Bác sỹ Nguyễn Hữu Lâm, Khoa Ngoại sang iek ruak Đà Nẵng lac : Ini lac jalan ngak tiên tiến di dunya saong dom taneh ia dalam dunya hu pandar. Mbang ini, sang iek ruak di Nhật bản daong ba brei công nghệ ka sang iek ruak Đà Nẵng piah daong pasiam ka dom urang ruak chấn thương tủy sống. Ini lac jalan ngak piah daong ba tế bào gốc meng rup pabhap urang ruak ba tame tapak labik thương tổn daong pasiam veik tế bào thần kinh. Min pasiam di mức độ halei lac njauk cang tukvak pasang iek saong taong yaom suai livik. Min dalam roh duah brei mboh tế bào gốc daong pasiam tế bào thần kinh di labik tủy sống gaok dập.

     / Tui mban tacei pato bruk Taong abih bhap bini jum pataom dak padang rai diuk ilamu tỉnh Đồng Nai, labaih 15 thun tapa, mban tacei pato hu padang 7 danak dak yau: “padang xã, phường ngak siam bruk pacang cakak ma túy, mại dâm”, patagok hatai sahneng hadah krah dalam bac daa, ngak bruk” “bruk jak ba taong abih bhap bini jum pataom dak padang rai diuk ilamu di labik daok”, Tỉnh kham merat tal thun 2020 hu labaih 70% xã mek tanut chuẩn ilamu palei pala barau; 70% phường, ban sit mek hu chuẩn văn minh đô thị; 60% bhap bini di puk palei bhian hu mbaok tame dom bruk ilamu thể thao di puk palei.

      # Tui ông Đồng Văn Thanh, Phó akaok thường trực Ủy ban bhapbini  tỉnh Hậu Giang, tukvak 2016- 2020,  taong abih dom sang lac urang  njaom jru mek hóa học di Hậu Giang hu brei saoh harak bảo hiểm y tế tui quy định; taong abih dom urang nao mesruh kalin njaom jru mek hóa học saong anek hatian di dom urang nan ginup dieu kien hu mbang tui che do uu dai urang buh pren yava ka cach mang; taong abih dom urang hu mbaok tame mesruh kalin njaom jru mek hoa hoc hu daong sang daok meyah gaok kan kandah ka sang daok tui quy định. Hậu Giang kham merat tal thun 2020, 70% urang jaoh jo tal thun ngak hu pato bruk saong ba brei bruk ngak lagaih.

       / Hadei di bruk lac sa urang Đài Loan njom virus Zika tuk tame Việt Nam, Cục Y tế dự phòng pandar gah chức năng Trà Vinh samar pasang iek sruh jit saong patagok dom jalan padam jit di puk palei. Bác sĩ Huỳnh Thanh Liêm, Phaok Giám đốc pasak Y tế dự phòng tỉnh Trà Vinh brei thau: “Anak bruk hu urang njom virus Zika meng gah Đài Loan, UB tỉnh jeng hu công văn tacei pato dom huyện, ban jak ba dom mban ngành langyah pametai lăng quăng di puk palei. Anak meta kol dahlak pataom tame lanyah labik urang Đai Loan bhian mai daok, taphia di nan tui iek dom urang medil piah payua nao min mbiah tal urak ini jeng oh ka mboh hagait karei”.

      # Mbang triều cường rah tabaik dalam dom harei tapa ngak ka rilo ar pacang di huyện Cù Lao Dung, tỉnh Sóc Trăng glut jaleih, ngak dauk rilo taneh tabau saong raong kaya ikan dalam ia di bhapbini. Tui panuac khan meng xã An Thạnh Đông saong thị trấn Cù Lao Dung, kuhria tal tukvak ini, dua puk palei ini hu 3 labik ar pacang patuh, glut jaleih kayua triều cường tagok glaong ngak dauk jaik 2000m² taneh raong kaya ikan dalam ia saong labaih 13ha phun tabau. Urak ini, dom labik glut jaleih ini daok hu ramik pasiam.

       Patui di ini dom khau tin dunya:

      / Cục saradang Thái Lan brei thau taneh ia Đông Nam Á ini hu pasang iek veik taong abih dom labik ngak saong pablei saradang mbang akaok meti dalam 3 pluh thun tapa. Tui cục saradang TL, taneh ia ini meda brei salih bruk parabha kein laba 70:30, hu pandar meng thun 1984, meng bruk klak dom hạn ngạch saong thả nổi yaom saradang nội địa.

    # Nhật Bản barau mbaoh tangin tame  harak thỏa thuận klak sraiy 120 tỷ Yên Nhật (sumu 1,17 tỷ Đô la Mỹ) ka Cuba. Thỏa thuận hu mbaoh tangin dahlau mbang ravang sajarah tal ban Ha-ba-na (Havana), Cu-ba di Thủ tướng Xin-dô A-bê (Shinzo Abe). Nhật Bản jia lac thỏa thuận ini peih jalan ka pambuak bruk kinh tế, đầu tư, pablei salih di dua gah.

     / Rajaei Mỹ brei meluk quốc tịch ka takik abih 858 urang nhập cư mai meng dom taneh ia meda lac daok dalam bruk quan ngại ka an ninh ngan saong taneh ia Mỹ. Ini lac panuac hu mintri an ninh nội địa Mỹ brei thau dalam sa pathau khan ba abiak harei 20/9. Pathau khan di mintri an ninh nội địa  MỸ hu ba tabiak dalam tuk Mỹ barau cap kreik urang nhập cư, urang Mỹ asal  Áp-ga-ni-xtan A-mát Khan Ra-ha-mi, urang medil lac ngak tabiak dom mbang patuh mbom puac adit tapa di Niu Y-oóc saong Niu Giơ-xi./.