Khaw tin 10h30 saong 14h30 harei 22/1

# Harei kabroi (21/1), pak Phủ Chủ tịch, Phaok akaok negar Đặng Thị Ngọc Thịnh, akaok Hội đồng Bảo trợ Kadung jien daong uranaih Việt Nam pataom mbaok, thau dhal phol dom urang ngak pahla, urang rang daong brei Kadung jien thun 2017. Thun 2017, Kadung jien hu daong ka labaih 106.400 uranaih ngan haong yaom jien daong abih tih labaih 79 tỷ đồng, peih ngak dom danak dak daong iek glang pren yava saong dinh dưỡng ka uranaih, daong ka bruj pato megru, pacang khik, patagok; daong tui hatai caong khin di urang tài trợ; daong brei đột xuất saong dom bruk daong karei.

# Patui mbang ngak bruk di tỉnh Gia Lai, pak huyện Mang Yang, akaok mintri ngak nong saong patagok palei pala Nguyễn Xuân Cường hu mbak tuk peih pakak Dự án pasak chế biến njam patam baoh traoh DOVECO Gia Lai. Ini lac dự án praong abih Việt Nam, meda pachreih yaok pluh rabau urang ngak dalam tỉnh Gia Lai saong dom bhum tabhia, jeng sa pasak chế biến njam patam baoh traoh pakat glaong abih di Tây Nguyên saong dalam taneh ia.

 # Vùng Cảnh sát tasik 4 bahrau duah mboh gilai KG 95024TS (Tàu Phúc Thạnh), pajeng 20.000 lít menyek DO suan adat hukum. Di tukvak pasang iek urang peih gilai oh hu dom janih harak adat ka menyek nan. Ini jeng lac bruk ngak hu di mbang tabung glaong mesruh pacang buôn lậu, bleik saleik dalam bruk pablei salih saong pandap ja; pacang cakak tội phạm ma túy tukvak dahlau, dalam saong hadei di tết Nguyên đán Mậu Tuất.

# Dom thun jaik ini, meng ngak hu kien laba mô hình raong hadang pandar công nghệ glaong, rilo cơ sở raong hadang di xã Phước Dinh –huyện Thuận Nam, Ninh Thuận mek hu siam jang ngan saong tỷ lệ raong hadang jak jeng labaih 90%, kinh tế glaong jang rilo mbang duk saong dahlau dhiah. Meng mo hinh ini, drei hadang takik jit ruak saong praong drak samal, yaok thun meda raong meng 3-5 mbang, ngan saong năng suất meng 60 – 100 tấn/sa ha/sa năm, laba  hu 50%. 

# Peih ngak danak dak “Tết brei ka urang kathaot saong urang njauk jru mek kalik kruac”, Hội Chữ thập đỏ tỉnh Đắk Lắk daok jak ba dom urang ngak pahla dalam saong langiu tỉnh daong brei 44.000 pok pandap piah alin brei ka urang kathaot dalam tuk Tết nguyên đán. Urak ini daok lac tabung glaong di mbang jak ba, Hội Chữ thập đỏ tỉnh hu payua harak jak ba dom jabat, ban, ngành, đoàn thể, doanh nghiệp dalam saong langiu tỉnh daong brei; khammerat Tết nguyên đán Mậu Tuất thun ini meda hu 44.000 pok pandap alin brei ka urang kathaot saong urang njauk jru mek kalik kruac.

Khaw tin dunya

 # Dalam mbang ravang Pê-ru, Giáo hoàng Pốp Phơ-răng-xít hu nao ravang bhum gah Brak, bhum taneh tapeng tasik Thái Bình dương saong hu brei panuac anak 200 urang bhapbini. Giáo hoàng tanyi ravang urang bhapbini, dom urang gaok bala meng akaok thun dahlau. Giáo hoàng Francis jeng lên án bruk ngak di dom băng nhóm tội phạm ma túy di taneh ia ini. Ông ndom lac, asal di bruk srau kadau rilo lac kayua dom băng nhóm ini, ngak ka yaok ratuh urang vô tội metai lihik. Yau nan ye, trật tự saong công bằng di taneh ia ini njauk drak samal pasiam, pakhang veik.

 # Thượng viện Mỹ mai veik mbang nyaom rah tabiak di harei 21/1 piah plaih bruk njauk kareik pabah mbang raja-ei liên bang. Oh njauk hatai haong gauk dalam bruk ginum biai kadung jien karja di đảng Dân chủ saong Cộng hòa Mỹ ngak ka raja-ei Mỹ njauk kareik pabah mbang sa binah meng 0h harei 20/1. Ini lac mbang akaok meti raja-ei Mỹ kareik pabah mbang dalam 4 thun tapa kayua oh njauk gauk dalam sarak di dua đảng saong mbang ini lac oh njauk gauk pambuak pagam tak bruk salih bahrau nhập cư.

          # Rajaei Phi-líp-pin barau brei padheih dom bruk ba urang ngak tapa taneh ia Cô-oét hadei tuk dom gah pandar urang ngak di Cô-oét lạm dụng biak glaong urang ngak Phi-líp-pin, ngak ka dom urang nan pametai rup eng Urang ini giới chức Cô-oét daok kham merat langyah dom bruk saong gah Phi-líp-pin. Akaok mintri  Lao động Phi-líp-pin Xin-vê-xtrê Bê-giô hu ba tabiak lệnh pakuak ba urang ngak taneh ia ini tal Cô-oét vô thời hạn. Min, lệnh pakauk ini oh pandar ka dom urang ngak daok ngak bruk di Cô-oét./.