# Patui danak dak mbang nyaom ka 4, page ini 22-11, Quốc hội njauk gauk brei tapa Sarak ka bruk padang ngak dom canah jalan cao tốc angaok jalan Barak – Meraong gah pai vaktu 2017-2020. Dahlau di nan, dalam mbang ginum biai pak hội trường, ralo urang QH njauk hatai lac njauk buh jien tame ngak Dự án, mong ini yau pren khang bahrau ka bruk cakrok patagok. Jeng dalam page ini, Quốc hội meda ginum biai ka dự án Hukum Khik caga bí mật karja. Van biar harei, Quốc hội ginum biai ka dự án Hukum Đơn vị hành chính-kinh tế đặc biệt.

# Dalam Quyết định 1852, Thủ tướng rajaei tabiak bruk  cảnh cáo  ong Huỳnh Đức Thơ, Chủ tịch Ubbhap bini  ban Đà Nẵng, tuk vak  2016 - 2021, kayua njauk  kỷ luật gah Đảng tui Quyết định  629 di Ủy ban Kiểm tra Trung ương.

 # Biar harei 21-11, Phaok Thủ tướng Vũ Đức Đam hu van taduan raok kapul urang lambaok Hàn Quốc tapa Việt Nam hu mbaok tame Diễn đàn “brei ka harei hadei Việt – Hàn” mbang ka klau. Phaok Thủ tướng Vũ Đức Đam hu payua panuac thau dhal phol tal Raja-ei Hàn Quốc hu buh tabiak yaom jien daong brei labaih 1 triệu USD daong ka Việt Nam pasiam veik dom khut khat kayua  ribuk ka 12 pak gah kreh negar saong payua panuac klah rabha haong dom khat lahik kayua mbang megei baoh taneh di harei 15/11 pak bal Pohang (Hàn Quốc).

# Viện Khoa học ngak nong Việt Nam pambuak bruk song Viện phun mbang boh gah merong bahrau peih bruk ginum biai yaih khan dom kỹ thuật bahrau di angaok phun pala nông nghiệp, dong pasiam gah ngak nong di dom tỉnh gah merong. Kurhia dalam 11 bilan  thun ni, yaom jien mek hu meng pablei njam patam, boh kayau , bingu di  Việt Nam tabiak negar lingiu lac labaih  3,1 tỉ USD song yam tapa bruk pablei tabiak negar langiu padai, brah, dầu khí.  

 # Tal biar harei 21/11 aia sua dalam tỉnh Thừa Thiên Huế jeng daok di tanut glaong. Ralo labik daok di dom huyện Quảng Điền, Phú Vang, Phong Điền, bal sit Hương Thủy, Hương Trà daok dauk dalam aia. Ribuk aia sua ngak duak dom canah jalan pak bal sit Hương Trà, huyên Phong Điền saong huyện Quảng Điền njauk aia dauk dalam tal sa mét.

# Ủy ban bhap bini tỉnh Đak Lak bahrau tabiak bruk buh brei 600 tấn brah dong ka học kỳ I thun bac  2017-2018 ka labaih 8.000 anek saih, di 108 sang bac di bhum  3 biak kan kandah. Tui nan yaok anek saih hu taduan rilo di abih 75 kg brah, samau song  15kg/sa bilan.

# Hạt kiểm lâm huyện Hàm Thuận Nam tỉnh Bình Thuận pambuak haong Công an huyện duah mek dom urang jah tak glai suan adat hukum di Khu khik ramik glai tamo Tà Kóu, kaoh tak ralo phun glai piah mek taneh pala thanh long pak labik Láng Mã, palei Hiệp Nhơn, xã Tân Thuận. Yau nan min, bruk duah mek dom urang ini jeng oh ka (hu kết quả) mboh hagait.

Khaw tin dunya:

# Jabat khik iek bala meng langik tasik di  In-đô-nê-xi-a harei 21/11 brei thau dalam harei  19/11 meng bloh, sa mbang megei boh taneh khang 5,7 rích-te rah tabiak di labik gah timum di negar ni , ngak sa urang metai, song jiak  300 boh sang khut, tayah.

# Raja-ei Thái Lan daok pataom tame cakrok patagok dom janih pandap hu bre chứng nhận chỉ dẫn địa lý (GI) piah jhul patagok kinh tế dalam negar. Tui kuhria dahlau, yaom darak pasar di dom janih pandap GI meda patagok jang 3,5 tỉ bạt sa thun, dut haong tukvak ini. Thủ tướng Thái Lan Pra-dút Chan-ô-cha (Prayut Chan-o-cha) caong khin, taong abih 77 tỉnh, bal meda hu dom janih pandap di puk palei drei hu  brei chứng nhận chỉ dẫn địa lý, daong ngak brei patagok rilo jang 3,5 tỷ bạt.

# Tổng thống Dimbabuê Rô-bớt Mu-ga-bê (Robert Mugabe)  likau padeih ngak. Ni lac panuac khan di  akaok Quốc hội Dimbabuê Gia-cốp Mu-đen-đa (Jacob Mudenda)  pak di tuk Quốc hội dok ginum biai luận tội ong Mu-ga-bê. Akaok Quốc hội Mu-đen-đa brei thau Tổng thống Mu-ga-be likau padeih ngak dalam harak thư payua tal Quốc hội song hu brei padeih jip bruk luận tội. Akaok  Mu-đen-đa brei thau  ong meda ngak tui jalan hukum piah duah Tổng thống bahrau ka Dimbabuê suai di abih dalam puac harei ni (22/11)./.