# Tukvak Tết Đinh Dậu saong pahadar 87 thun harei dak padang Đảng Cộng sản Việt Nam, Akaok negar Trần Đại Quang hu mai tadhau ayuh ong Đỗ Mười – urang dahlau diah ngak Tổng Bí thư bak 100 thun pak sang ong. Mai rivang, tadhau ayuh ong Đỗ Mười dahlau diah ngak Tổng Bí thư, Akaok negar Trần Đại Quang khan brei thau ka dom bruk ngak hu di Đảng, di taneh aia saong dom kết quả bo Đảng, bhap bani saong bol bala brei kham merat ngak hu dalam thun tapa.

# Dự thảo Đề án “Salih barau saong paglaong chất lượng pato megru bruk” ba tabiak bruk tal thun 2020, dalam taneh ia pato pakai hu jaik 3,2 triệu urang hu trình độ cao đẳng, trung cấp saong pato pakai gam gam ka jaik 8,8 triệu urang, dak apdang jaik 70 sang bac chất lượng glaong, 150 bruk trọng điểm, patagok dom sang bac đặc thù, di bhum atah bayah, tapeng negar tasik pulao saong bhum bhapbini bangsa …

# Tui Mentri Y tế, dalam dom harei padeih Tết meng blaoh, hu jaik 4.500 urang hu ba tame dom dom labik y tế iek ruak, cấp cứu, dalam nan hu 550 mbang urang hu brei thau lac kayua menyum alak, bia tame blaoh taong gauk. Dalam negar jeng hu 150 urang mai khám, cấp cứu kayua  patuh pháo, tagok 54 mbang dut haong Tết thun dahlau, oh hu thei metai. Taong abih urang tame iek ruak, cấp cứu kayua dom chất patuh karei nan lac 39 mbang urang. Daok urang njauk bala angaok jalan mbak nao mai, dom labik y tế taduan mek hu jaik 36.000 trường hợp, dalam nan 160 urang metai, trun dut haong Tết nguyên đán thun dahlau.

# Khan brei thau meng dom sang iek ruak praong dalam ban raya Hồ Chí Minh, di dom harei padheih tet Nguyên đán Đinh Dậu 2017, dom ca cấp cứu kayua bala jalan nao mai paglaong hamiet, meblah 1/3 abih tih ca cấp cứu. Di sang iek ruak Chợ Rẫy, meng harei 25/1 (yaom lac harei 28 bilan mak) tal abih harei 31/1 (yaom lac 4 bingun Tết) hu labaih 2 rabau urang ruak tame sang iek ruak cấp cứu, dalam nan hu 530 urang ruak cấp cứu kayua bala di jalan nao mai. 

# Patui veik dom bruk ngak hu jak jeng di thun 2016, dalam bilan 1/2017 tuai damuai dunya mai Việt Nam tagok samar, hu labaih 1 triệu tuai damuai, tagok labaih 12% dut haong bilan dahlau saong tagok 23% dut haong tukvak ini thun 2016. Dalam dom darak pasar payua ba tuai prong abih tal Việt Nam, dang akaok nan lac Trung Quốc, patui veik nan lac Hàn Quốc; Mỹ; Nhật; Nga và Úc. 

6# Di tỉnh Kon Tum, luac meng harei 1 bingun tal harei kabroi 5 bingun Tết Nguyên đán Đinh Dậu 2017, yaok harei hu yaok rabau urang tuai pilih ruah Cao Nguyên Măng Đen, di huyện Kon Plông ngak libik nao mein Xuân. Cao nguyên Măng Đen daok di độ glaong trung bình 1.200m, hu khí hậu la ar bingi yaok thun saong daok khik tamo bruk hoang sơ đại ngàn.

# Meng melam 4 bingun tal melam 6 bingun  Tết Đinh Dậu -Thun thak manuk, pak Khu phố Long Hải Đông, phường Xuân Yên, tapen bờ vịnh Xuân Đài tỉnh Phú Yên rah tabiak dalam bui sambai Lễ hội Vịnh Xuân Đài mbang ka sa. Lễ hội ini ndung bak đặc trưng kraong aia yaok thun peih ngak sa mbang dalam tukvak Tết pak bhum tasik Sông Cầu, tỉnh Phú Yên. Sa-ai Nguyễn Thị Hải daok pak thành phố Tuy Hoà, tỉnh Phú Yên brei thau: Yaom lac hu nao pak halei atah dahlak jeng caik tukvak mai hu mbaok dalam lễ hội di Sông Cầu. Nyu biak hay saong biak hu makna, hu ralo hoạt động piah ka mikva drei meda hu mbaok tame ma-in dalam dom harei Tết. Saong nan jeng lac tukvak meyaih khan Vịnh Xuân Đài, sa vịnh siam gheih abih di Phú Yên drei. 

Khaw tin dunya

 # Urang dahlau thiah ngak Tổng Thư ký Liên hợp quốc (TTK LHQ) Ban Ki-moon (Ban Ki Mun) barau khan brei thau oh tabiak tranh cử chức tổng thống Hàn Quốc, tabhia nan brei thau lac likau am pun kayua ngak ka rilo urang duh hatai ka quyết định ini. Brei panuac di mbang họp báo, ông Ban Ki-moon khan brei thau lac yah klak “ý định hadah piah kareik labik daang dalam kreh bruk salih chinh tri saong jum pataom bangsa, tabhia nan tabiak truh chính trường. 

# Campuchia brei thau ka  mbang tamuh virus cúm menuk ada H5N1 di gah Đông Nam negar ini. Panuac khan brei thau di Bộ Nông nghiệp Campuchia hu ba tagok angaok blah web di Tổ chức Thú y dunya (OIE) brei thau virus H5N1 hu duah mboh dalam tapol menuk ada daok raong pak labik Svay Rieng (Xvay Riêng) meng adit dahlau. Hu blaoh 68 drei menuk ada metai saong labaih 300 drei njauk ba nao am cuh klah.

# Tui cảnh sát Đức, dom urang ini hu mek khik klau urang likei hu brei thau lac hu pambuak bruk saong kol IS di quận Moabit (Moa-bít) di ban Berlin. Urang brei panuac cảnh sát Đức khan lac klau urang meng umo 21, 31 saong 45 thun daok dak apdang bruk ba gauk nao tal Trung Đông piah pataom tame pasram mesruh./.