# Biar harei (21/5), pak jabat Raja-ei, ngak bruk haong Mentri Y tế saong dom bộ ngành pambuak pagam tal ka bruk peih ngak Hệ thống khik iek dom bruk pabak jru negar, Phaok Thủ tướng Vũ Đức Đam ndom lac bruk khik iek liên thông sang jru piah duah thau ka asal di taong abih janih jru daok pablei di Việt Nam: “Ndom ka bruk bác sỹ kê đơn “khống”, bất kỳ jru halei, pandar ứng dụng thau chip jru ini hu brei adat pablei halei oh. Bruk rah tabiak di sang ruak tâm thần 2 bo báo chí ndom dalam 2 harei ini mai. Ye jru nan mai meng halei ye urang ruak thau chip jru nan daok hu tukvak pandar halei oh. Meyah thau ka jru ja njauk iew phon ye jabat chức năng taduan mek hu chip”.

# Patui danakdak mbang nyaom ka 5, Quốc hội mbang 14, page ini , Quốc hội ginum biai di tổ ka taong yaom pabak bruk patagok kinh tế-xã hội saong kadung jien karja thun 2017; bruk patagok kinh tế-xã hội saong kadung jien karja dom bilan akaok thun 2018 saong kuhri kuhria kadung jien karja thun 2016. Dahlau nan, bair harei kabroi Quốc hội pang pathau khan saong brei thau thẩm tra quyết toán kadung jien karja thun 2016.

# Cử tri bal raya Hồ Chí Minh hu panuac brei thau ka sarak ưu đãi jeng yau khik kajap bruk quốc phòng an ninh pak dom đặc khu kinh tế tui kuhria meda ba tabiak nyaom biai di mbang nyaom Quốc hội mbang ini. Cử tri Nguyễn Thị Kim Hoàng, khu phố 9, phường 14, quận Tân Bình, TP. Hồ Chí Minh ndom lac, tukvak tapa karja hu padang ngak hạ tầng biak prong tame 3 bhum lac: Vân Đồn, Vân Phong, Phú Quốc saong hu ralo sarak ưu đãi. Kayua yau nan ye, kadha prong di abih nan lac njauk hu vượt trội gah thẩm quyền, cơ chế pandar. Taphia di nan, Quốc hội njauk sangka tal kadha chủ quyền dalam bruk jao brei taneh saong peih ngak ưu đãi. Taong abih 3 đặc khu di khu vực biak nhạy cảm, yau nan ye njauk roh duah dom tác động tal chủ quyền taneh aia dalam harei hadei.

# Pambuak tal bruk ikan metai rilo di palei ikan bè La Ngà (huyện Định Quán, tỉnh Đồng Nai), gah chức năng hu mek mẫu ia payua nao dut iek piah thau makna; gah cảnh sát alam môi trường jeng hu tame duah thau ngak camabih bruk. Tui kuhria mboh oh ka ginup abih, hu jaik 80 sang bhapbini raong ikan lồng bè di dom xã La Ngà saong Phú Ngọc, huyện Định Quán gaok khat lihik,  ikan metai tagok tal labaih 1.500 tấn ikan dom janih yaom rilo tỉ đồng.

# Pandar Zalo hu 100 triệu urang pandar. Urak ini, ứng dụng ini oh lac tok pabak hatai caong khin liên lạc bo daok lac công cụ daong biak siam ka rai diuk yaok harei saong jeng lac hiệu quả hu dom jabat karja pandar piah padang ngak raja-ei 4.0. Tal bilan 5 thun ini, hu labaih 20 tỉnh bal dalam nan hu Đà Nẵng, Đồng Nai, Tiền Giang, Thái Bình, Đồng Tháp, Quảng Ngãi... palih ruah Zalo piah langyah dom harak gar hành chính saong ndom biai nao mai haong bhap bani. Zalo nan lac ứng dụng giao tiếp kayua urang Việt cakrok patagok hu siam di abih kurhia tal tukvak ini.

Khaw tin dunya

 # 3 harei tapa, pandiak khang ngak ka 65 urang metai di ban Karachi, gah meraong Pakixtan. Dom urang metai meda hu rilo jang kayua nhiệt độ jeng daok di tanut glaong. Harei kabroi nhiệt độ tagok tal 44 độ C. Mbang pandiak bhang rah tabiak dalam tukvak tame bilan eik Ramadan saong bruk lihik menyek jeng trak jang.

# Harei kabroi, 3 sruh gilai Hải quân di Ấn Độ hu  tame cảng Tiên Sa, peih bruk nao rivang dui atah 4 harei di bal Đà Nẵng. Tui danak dak, Đoàn meda hu nao salam xã giao urang pal akaok bal, Bộ Tư lệnh Vùng 3 Hải quân, giao lưu pakacah bóng chuyền ngan haong urang jakar chiến sỹ Vùng 3 Hải quân, sinh viên sang bac Đại học Bách khoa Đà Nẵng; ma-in alat ragam kèn bar pak Mblang bein tasik saong nao rivang iek dom labik siam gheih di Đà Nẵng. Dalam tukvak nao rivang, Hải quân gilai Ấn Độ saong Vùng 3 Hải quân Việt Nam meda hu van pathram bruk nao tasik dua gah. 

# Di ban ine Viêng Chăn (Vientiane) di Lào barau rah tabiak danakdak yaih khan du lịch dom tỉnh bắc miền Trung Việt Nam. Danakdak kayua tỉnh Nghệ An pambuak bruk saong dom tỉnh Hà Tĩnh, Quảng Bình pambauk gauk peih ngak. Tapa danakdak piah pathau khan yaih khan thaot binguk ka taneh ia, anek menuac saong du lịch Việt Nam jeng ye du lịch dom tỉnh bắc miền Trung tal bhapbini saong tuai damuai di darak pasal Lào saong dom bhum jaik tabhia.