Khaw tin 10h30 saong 14h30 harei 22/8

#Beir harei 21/8, di sang Quốc hội, Uỷ viên mintri Chính trị, Phó Chủ tịch Thường trực Quốc hội Tòng Thị Phóng hu var taom gaok Kapul urang hu angan je, naih gheih dalam bhap bini urang bangsa takik  tỉnh Thái Nguyên. Phó Chủ tịch Quốc hội cong khin kapul dom urang hu angan je, naih gheih tỉnh Thái Nguyên patui bruk jak ba mik va  ngak siam dom sarak di  Đảng, hukum di karja, rik dong rilo jang dalam bruk dak padang, patagok tỉnh Thái Nguyên song taneh ia

# mintri pato megru njauk maong veik tukvak padheih hè di anek saih urak ini. Nan  lac panuac di Phó Thủ tướng Vũ Đức Đam di nyaom biai pataom iek veik thun bac 2016-2017, ba tabiak bruk ka thun bac barau 2017- 2018, kayua mintri pato megru peih ngak di pagaiy harei 21/08. Phó Thủ tướng Vũ Đức Đam lac: Tukvak padheih hè di Việt Nam meng kan mai jeng yau nan, urak ini daok siam hai oh, bruk halei hu, bruk halei oh hu. Pagap ye hu bruk oh hu lac urak ini  đô thị bo padheih rilo lo, ame amaik dom adei abih di nyu nan lac amaik ame ranaih umo, oh thau ngak habal piah kuhria ka anek. Bruk mboh lac urak ini  dom sang bac jeng tame bac aval abih. Mintri patao megru njauk roh duah, kayua meyah oh hu biak nao jeng lac hình thức. Thun anak tal ini pandar dom saai biai catang bruk ini piah ba tabiak tukvak padheih hè.

# Tal kreih bilan 8, tỉnh Quảng Trị hu jiak  300 urang ruak pandiak tabiak darah song pandiak dom. Dalam nan, pandiak tabiak darah hu di  8/10 huyện di tỉnh Quảng Trị song jaik 150 mbangtagok jang 2 mbanng dut song tuk vak ni thun dahlau. Ruak pandiak dom hu rilo di dom labik bhum ceik yau  huyện Hướng Hóa, Đakrông. 

# Bair harei 21/8, di ban sit Tam Kỳ, urang dang akaok tỉnh Quảng Nam saong ban Đà Nẵng mbaoh tangin tame saong brei apdang mban Điều phối khik ramik bhum kraong Vu Gia - Thu Bồn saong libik ar Quảng Nam - Đà Nẵng. Tui nan, dom gah chuyên môn di tỉnh Quảng Nam saong ban Đà Nẵng gam gam peih bruk taong yaom, brei thau saong kuhria caga dom bruk mbuan rah tabiak di kraong Vu Gia - Thu Bồn tác động tal patagok đô thị di bhum kraong saong takai kraong…

 # Thanh tra Sở Giao thông –pajeng ba ban raya Hồ Chí Minh bahrau hu  harak brei  padang ngak veik ngan song dom  đơn vị brei padeih dahlau di nan  di Dự án padang ngak tatua pasei di  sân bay Tân Sơn Nhất.  Đơn vị hu adat padang ngak  lac Công ty Trách nhiệm hữu hạn Một thành viên 319.3 – dahlau nan đơn vị ni  hu Thanh tra Sở Giao thông vận tải brei padeih  dự án dalam 2 bilan (meng 10/8 tal 10/10) kayua oh ngak njauk adat hukum

#  Pagaiy harei 21/8, đội tuyển radaih juak Việt Nam tabiak pakacah di  SEA Games 29 saong mek hu 1 Huy chương ameh di mbang pakacah dalam vòng tròn khép kín urang kumei (Criterium). Yau nan, kuhrai tal cala 21/8, kapul thể thao Việt Nam yam tagok dang ka 3 di bảng tổng sắp ngan saong 6 Huy chương ameh, 3 Huy chương pariak, 4 Huy chương ban, dang hadei 2 kapul Malaysia (17 Huy chương ameh ) saong Singapore (9 Huy chương ameh.

 # Harei ni (22/8), Kapul Thể thao Việt Nam tabiak pakacah dom janih thể thao Olympic. Dalam harei ni, kspul Thể thao Việt Nam meda pakacah 2 janih võ lac  wushu song  karate song dom janih xe đạp, bi sắt, bóng bàn, billiards song snooker, cầu lông, bắn cung, futsal nam – kamei, quyền Anh, golf, hockey, bowling song  quần vợt…

Khaw tin dunya

# Thông tấn Phi-líp-pin brei thau sa hệ thống radar hu dui pagam meng khí cầu (TARS) hu jao brei Gah Hải quân Phi-líp-pin di harei 22/8, di pasak Chỉ huy pato megru saong pasram Hải quân di Xan An-tô-ni-ô, Dam-ba-lết (San Antonio, Zambales). Hệ thống radar ini hu pandar piah patagok bruk pasang iek thông tin tình báo di tasik saong jeng hu pandar dalam trợ giúp nhân đạo saong caga bala meng lingik tasik .

 #  Phản ứng anak bruk Mỹ  song  Hàn Quốc peih bruk  tập trận haong gauk hu angan ieu lac " Urang khik caga Ulchi" meng harei 21/8, dalam mbang họp báo di Bắc Kinh beir harei 21/8, lambaok mintri  Ngoại giao Trung Quốc ndom lac mbang tập trận ni oh kein lagaih ka khu vực jang yau hu panuac ieu dom gah pagam tal kham merat roh duah ngan song đề xuất  "Hai tạm dừng" di Trung Quốc.

# Melam 21/8, mbang akaok mereip hadei  di 99 thun, urang bhapnini Mỹ hu maong nhật thực toàn phần tapa lục địa. Bruk nan rah tabiak jaik 1 tuk 30 minit tuk binguk ia bilan nao meng Tây tapa timul di sa bhum taneh atah 4 rabau 200 km, praong meng 96-113 km nduac tapa 14 bang di taneh ia Mỹ. Yaok ratuh urang bhapnini Mỹ cuk tam minh bảo hộ an toàn, gam kính viễn vọng saong mac ghi hình pataom guak di Vịnh Đi-pâu (Depoe) di bang Ô-rê-gân ( Oreagan) melam kabroi .