# Bhap bani raong ikan mú pak xã An Ninh Đông, huyện Tuy An, tỉnh Phú Yên njauk khat lahik trak kayua ikan mú raong metai ralo. Hu blaoh 25.000 drei dalam taong abih 32.000 drei ikan mú  dalam 360 lồng raong di bhap bani njauk nyaom ruak, metai abih. Chi cục Thú y tỉnh Phú Yên hu pasang iek, mek mẫu ikan njauk ruak di dom jabat Thú y bhum IV xét nghiệm piah thau makna ba tal ruak.

     # Patui danak dak truac hadah hatai caong, kapul khik caga Quyền uranaih saong cty TNHH ilamu truyền thống New pambuak saong bộ chỉ huy biên phòng tỉnh Đắc Lắc barau alin hadaih pandap saong jien bac ka dom adei anek saih gaok kan kandah. Danak dak hu alin 5 sổ tiết kiệm ka 5 anek saih, yaok sổ 5 triệu đồng; 35 paok jien bac, yaok paok sa triệu đồng saong 140 paok pandap, yaok paok yaom 600 ribau đồng. Dom paok pandap yaom lac sit min lac bruk pachreih ba biak praong ngan saong dom adei tuk tame thun bac barau.

      #  Ttui dom gah chuyên môn, tal tukvak ini, bhum taneran kraong Cửu Long aia ndik oh ka mai, dalam tuk nan angaok mbalng hamu, padai daok pala drak ngk jeng labik ka takuh caih menek saong cak rok patagok samar. BILAN padai Hè thu saong Thu đông ini hu yaok pluh ribau ha padai di dom tỉnh Bạc Liêu, Sóc Trăng, An Giang, Bến Tre, Kiên Giang… njauk takuh kaik ngak trun năng suất, nan ye gah ngak nong hu panuac kakei urang nong bhum taneran kraong Cửu Long njauk pataom tame pametai anek takuh piah pacang khik phun pala.

      #  Dalam dom thun jaik di ini, kayua ngak padai oh hu kein laba, dom baoh sang bhap bini daok di labik bhum đệm bein negar U Minh Hạ di palei Vồ Dơi, xã Trần Hợi, huyện Trần Văn Thời, tỉnh Cà Mau eng drei mek ia mbak tame raong hadang dalam bhum ia taba. Bruk ngak ini oh lac ngak kan kandah tal bruk ngak nông bo daok ngak brei ia mbak njom tame, ngak jhak ka taneh glai di bein negar U Minh Hạ.

      #  Hadei di sa tukvak suai livik lihik nao, urak ini jit pabui tanyi hijao daok mboh veik saong mbuan tamuh khang di tỉnh Hậu Giang. Bahrau ini, dalam tỉnh ini hu 4 labik jit ruak pabui tanyi hijao pak huyện Châu Thành A. Bruk ini yau panuac kakei baoh sang raong glang saong gah chức năng njauk paglaong hatai sangka haong jit ruak. Ong Trương Ngọc Trưng- Akaok Chi cục Raong glaong glang saong Thú y tỉnh Hậu Giang brei thau: “Yaom lac  oh ka tal tuk tabiak panuac lac hu jit, min khaol dahlak jeng hu tacei pato peih ngak njauk yau tui jalan pacang caga jit ruak. Nan lac di puk palei meda tacei pato pasang iek dom labik tamuh jit jeng yau di labik jaik taphia, peih bruk pruh jru pametai anek ruak di labik tamuh jit ruak”.

      # Peih bruk salih janih phun pala saong lagaih hong pandiak bhang, mbak, jaik di ini urang nông bhum ia taba Gò Công tỉnh Tiền Giang hu peik praong bruk pala phun thanh long pablei di bhum taneh padai.  Bhum ia taba Gò Công hu jaik 500 ha phun thanh long , pataom tame di dom bhum bhian njom mbak tapen kraong, tapen tasik di huyện Gò  CÔng Tây, ban sit Gò  Công, Gò Công Đông. Tui urang nông, phun thanh long lagaih saong taneh riya, ia di labik ini saong brei năng suất glaong. Ngan saong yaom thanh long (tai patih) labaih 10 ribau sa kg ye urang pala thanh long hu jienmek tame glaong.

     # Tukvak ini, lac daok tame tabung glaong di jit pandiak tabiak darah  pak bal raya Hồ Chí Minh. Ta-eng huyện Hóc Môn, meng akaok thun tal ini hu jaik 500 urang njauk ruak pandiak tabiak darah, tagok labaih 70% dut haong tukvak ini thun dahlau. Dalam nan hu sa urang metai. Makna praong ba tal jit ruak rah tabviak khang yau nan, lac kayua bhap bani oh ka caik hatai pacang, cakak piah pacang khik rup babhap saong baoh sang drei.

      Patui di inidom khau tin dunya:

     # Urang vak di rayo sap ndom VN daok di Thái Lan brei thau: Viện patagok hành chính negar Thai Lan harei kabroi 21/8 brei thau: taong abih bhap bini taneh ia ini jeng njauk hatai saong dom bruk ngak di Thủ tướng Pra-dút Chan-ô-cha dalam dua thun pan akaok (2014 -2016).

      # Harei ini 21/8, sa sruh gilai pajeng 17 urang karam di labik gah  Pai In-đô-nê-xi-a, ngak ka 10 urang metai, 2 urang karei njauk rambuis saong 5 urang lahik.  Bruk nao mai di In-đô-nê-xi-a rilo meng pambak tame ghe gilai piah pambuak pagam labaih 17 ribau baloh pulao prong sit ngan haong 255 triệu menuac.

      #  Bra-xin kak kajap an ninh vir taom dar mblang vận động Ma-ra-ca-na meng mesup kabroi 21/8 anak mbang tamat Ô-lim-pích Ri-ô 2016 hadei labaih 2 adit pakacah njauk hadar saong dom kỷ lục biak siam./.