Khaw tin 10h30 saong 14h30 harei 22/9/2016

      # Bair harei 21/9, di Hà Nội, Thủ tướng Nguyễn Xuân Phúc hu ngak bruk saong urang dang akaok mintri Quốc phòng ka bruk quốc phòng 9 bilan akaok thun 2016 saong dom bruk ngak daok veik di thun 2016. Brei panuac di var ngak bruk, Thủ tướng Nguyễn Xuân Phúc ndom lac, 3 bruk ngak praong di taneh ia saong rajaei lac patagok kinh tế-xã hội, đối ngoại saong bruk quốc phòng an ninh. Dalam tuk khu vực saong dunya rah tabiak kan kandah ye labik dang di mintri Quốc phòng hu makna biak praong.

     / Jeng dalam harei 21/9, urang dang akaok ban raya HCM hu taom gaok ndom biai saong 180 urang kamei hadah krah di dom gah. Brei panuac di mbang taom gaok, Bí thư Thành ủy ban raya Hồ Chí Minh Đinh La Thăng ndom lac, meng dom jalan sahneng jalan ngak di urang kamei hu rik daong tame bruk patagok siam lagaih di ban raya; Đảng saong karja ban raya hu pang saong daong ka urang kamei patagok pren ngak dalam yaok gah. Ong Đinh La Thăng lac: “Bruk ngak di dom kapul urang kamei meng ba tal salih barau, nyu daok dalam bruk salih barau  di ban raya. Dahlak caong khin urang kamei hu daong pren piah hu labik dang praong jang, brei mboh bruk sami samar jjang dalam bruk jhul pakhang patagok di ban raya”.

     # Di Hà Nội, Kadung jien daong saong patagok Sinh viên Việt Nam barau brei 111 paok jien bac “ pataok jalan Thủ khoa” saong jien bac ka anek saih sang kan kandah thun bac 2016-2017.  Jien bac “ patagok jalan Thủ khoa” saong jien bac ka sinh vien sang kan kandah kayua Kadung jien daong saong patagok Sinh viên Việt Nam peih ngak piah daong dom sinh viên sang kan kandah daok bac megru di dom sang bac đại học, cao đẳng, học viện dalam taneh ia. Ini jeng lac bruk ngak cambaih, siam lagaih rik daong peih ngak dankadak “ daong pren nao bac” di yaok tukvak tame thun bac.

    / Daok dom harei tra, nyaom raya thể thao mblang tasik Châu Á mbang ka 5 hu peih tabiak. Ini lac mbang akaok meti ban tasik Đà Nẵng hu peih harei thể thao pakat khu vực hu mbaok di yaok ribau vận động viên. Tal urak ini, bruk kuhria caga, abih di nyu nan lac bruk khikkajap an toàn vệ sinh thực phẩm hu ban Đà Nẵng baik caik hatai iek praong

     # Cuah mbon atau daok ieu lac cuah san hô bhian hu pandar piah pala tỏi di pulao Lý Sơn. Tukvak jaik ini, kayua duah mek rilo  nan ye cuah mbon di Lý Sơn jeng takik nao. Yaom lac, tỉnh Quảng Ngãi hu tacei pato Sở Khoa học Công nghệ saong huyện Lý Sơn pambuak bruk roh duah mô hình pala tỏi oh njauk pandar cuah mbon min oh ka ba mai kein lab yau caong khin. Cuah mbon takik ngak ka jien buh tabiak glaong, kan kandah rilo tal bruk pala risun, tỏi di bhapbini.

     / Harei 21/9, kapul Chữ thập đỏ tỉnh Quảng Trị pambuak bruk saong hội thánh tin lành Trưởng lão VN peih bruk alin hadiah 40 kg brah daong ka urang taong cap ikan tỉnh Quảng Trị di bhum khat lahik kayua ô nhiễm môi trường tasik. Brah ini kayua hội thánh tin lành Trưởng laão V N ieu pataom meng dom Việt Kiều daok di Mỹ saong Canada daong ka 2.000 baoh sang urang taong cap ikan di dom huyện Hải Lăng, Triệu Phong saong Gio Linh. Kapul chữ thập đỏ tỉnh Quảng Trị jeng pachreih bruk rik daong di ralo kapul nyaom, menuac urang daong bhap bini pasiam veik kan kandah, tani tanat rai diuk.

      # Uỷ ban bhapbini tỉnh Khánh Hòa barau hu harak tacei pato dom mban, nganh, puk palei paglaong bruk pacang caga ruak pandiak tabiak darah; abih di nyu nan lac di dom labik bhapbini daok, haduk trọ, labik ký túc xá anek saih, sv. Tui nan, uy mban bhapbini tỉnh jao Sở pato megru dang akaok, pambuak bruk saong Sở Y tế, dom sang bac đại học, cao đẳng, trung cấp dalam tỉnh, dom puk palei saong labik pambauk tal peih bruk pacang caga ruak pandiak tabiak darah, khik caga pren yava ka uranaih, anek saih, sv dalam tỉnh.

       Patui di ini dom khau tin dunya:

     / Brei panuac di mbang nyaom pakat glaong Đại Hội đồng Liên hợp quốc khóa 71 harei kabroi 21/9, Thủ tướng Nhật Bản Sin-dô A-bê  brei mboh bruk đe dọa meng TT hadei di dom mbang thử tên lửa saong hạt nhân dalam thun ini lac karei ka bản chất duk saong dahlau daih, nan ye bhap bini dunya brei hu phản ứng karei.

      # Harei 21/9, rilo sang bac di bhum gah timul Canada  njauk nao sơ tán hadei tuk cảnh sát bhum ini taduan hu rilo panuac đe dọa. Gah cảnh sát liên bang brei thau, anek saih di dom sang bac di pulao Hoàng tử Ét-uốt - tỉnh sit abih di  Ca-na-đa, hu ba nao tal dom labik an toàn hadei tuk mboh hu đe dọa pamaong tal labik ini.

      / Harei 21/9, Quốc hội Slovakia hu buh phiếu phê chuẩn hiệp định Paris ka biến đổi khí hậu, jeng taneh ia ka pak dalam Liên minh Châu Âu phê chuẩn thỏa thuận ini hadei Prang, Hungary saong Áo./.