# Biar harei 1/3 , pak Hà Nội, Hội đồng Lý luận Trung ương saong Học viện Chính trị Quốc gia Hồ Chí Minh hu mboh tangin danak dak pambuak bruk piah patagok bruk ngak di drei, paglaong pren khang di yaok gah dalam bruk patagok bruk roh duah, tham mưu, tư vấn chính sách ka Đảng saong karja piah peih ngak siam SARAK Nyaom roya 12 di Đảng.

       # gah chức năng Quảng Ninh harei kabroi (1/3) hu mek khik saong cuh klak menuk thải blei tame di gah tapeng negar dalam tuk jit kum menuk ada A/H7N9 daok mbuan si pambak tame taneh ia drei. Di jalan roya 18C di xã Lục Hồn, huyện Bình Liêu - huyện tapeng negar taphia Quảng Tây (Trung Quốc), kapul khik ramik darak pasal ka 10 (Chi cục khik ramik darak pasal Quảng Ninh) hu peih bruk dut iek radaih pajeng menuk di saai Chu Văn Bình (daok di Hoành Mô, Bình Liêu). Angaok radaih hu 50kg menuk oh hu harak ba ar brei thau asal di nyu. Po pandap khan lac blei menuk meng gah thiah negar piah ba mai taneh ia pablei.

      # Tỉnh đoàn Đăk Nông bahrau pambuak haong Huyện đoàn Cư Jút peih Bilan Dam dara thun 2017, hu mbaok labaih 500 dam dara, urang đoàn. Hadei di tuk peih bruk, dalam harei, dom dam dara urang đoàn hu nao puh ramik saong peih ngak bruk dam dara “Truac hadah jalan palei” di do jalan palei dalam xã Nam Dong; dom pakat đoàn hu alin brei 26 pok pandap (yaom 13 triệu đồng) ka dom baoh sang sarak karja saong anek saih hu rai diuk kan kandah di xã Nam Dong. Sa-ai Hồ Sĩ Đoàn, Uỷ viên Ban thường vụ huyện Đoàn Cư Jút, lac: “Dahlak daok ngak bruk di huyện đoàn Cư Jút, tuk halei dahlak jengjak ba urang đoàn dam dara pakacah gauk ngak hu rilo bruk praong salam uan nyaom roya dom pakat saong nyaom roya pakat negar. Abih di nyu lac dom bruk di dam dara, lac sa dalam dom asal kadha prong piah rik daong pren dak padang puk palei jeng sa dalam dom puk palei padang ngak palei pala bahrau.”

       # Khan brei thau dalam nyaom biai giao ban báo chí tháng 2 di bair harei 1/3, Đại tá Nguyễn Văn Nhiều, Trưởng phòng Tham mưu, Công an tỉnh Bình Thuận brei thau, gah công an hu duah mboh dom bruk ngak suan di phòng chuyên môn huyện Hàm Thuận Bắc saong Ủy ban bhapbini xã La Dạ di bruk salih mac Nhật meng mac Trung Quốc brei ka bhapbini kathaot di puk palei. Tui nan, 306 sang bhapbini bhum ceik xã La Dạ hu daong jien blei mac abih tih 1 tỷ 530 triệu đồng, yaom lac yaok sang 5 triệu đồng. Njauk lac brei jien ka ta eng bhapbini blei, uy mban bhapbini xã La Dạ meng hợp đồng saong Cơ sở Nông cơ Minh Thắng blei mac mai phat ka bhapbini. Tui hợp đồng ghi lac 20 janih mac, pandap panda hiệu Honda (Nhật Bản). Min hadei tuk ba mai pandar, bhapbini duah mboh mac oh chat luong saong taok dua janih tem karei di gauk di mac. Sahaneng lac blei mac dởm, bhapbini brei panuac tagok gah chức năng ngak cambaih bruk.

       # Akaok Ủy ban bhap bani tỉnh Phú Yên Hoàng Văn Trà bahrau tabiak bruk patrun biên chế công chức, viên chức thun 2017 ngan haong jalan ngak patrun ralo abih 480 biên chế. Tui nan, thun 2017, tỉnh Phú Yên patrun ralo abih 42 biên chế công chức saong 438 biên chế viên chức, yau nan taong abih biên chế công chức, viên chức dalam tỉnh trun daok 21.301 urang, dalam nan hu biên chế công chức hu 2.088 urang. Dalam taong abih biên chế brei patrun hu 318 biên chế daok ngak bruk di dom huyện, bal sit, bal prong. 

       # Gam saong rilo puk palei dalam ban raya Hồ Chí Minh, melam  1/3, gah chức năng di Quận 6 hu ba gauk tabiak ramik pasiam trật tự jalan vỉa hè. Di var tabiak bruk, gah chức năng hu khan ka bhapbini thau, pandar bhapbini sanya ngak tui adat hukum. Dom libik ngak lihik trat tự piah ka tuai damuai katok radaih di angaok jalan hu khan brei thau dahlau nan jeng daok ngak suan hu ngak  biên bản xử phạt piah răn đe. 

      # Tal tukvak ini pak Bhum taneran kraong Cửu Long hu 4 tỉnh hu jit ruak cúm A/H5N1 angaok tapol menuk ada nan lac Hậu Giang, Bạc Liêu, Sóc Trăng saong An Giang. Piah pacang cakak jit ruak pambak prong, taphia di bruk patagok bruk pathau khan, jak ba bhap bani peih ngak siam jalan pacang cakak jit yau vệ sinh, sát trùng van ro, kluak jru vắc-xin pacang caga jit ruak, dom puk palei jeng patagok bruk pasang mong, khik iek bruk pajeng ba, blei pandar menuk ada, abih di nyu lac dom tapol menuk raong palao di langiu mblang hamu.  

      Khaw tin dunya

       # Akaok Ủy ban châu Âu (EC) Giăng Clốt Giăng-cơ (Jean-Claude Juncker) harei 1/3 hu ba tabiak "Sách trắng" ka harei hadei  châu Âu, hu  32 trang saong 5 kịch bản. Anak abih Nghị viện, ông Giăng-cơ hu brei thau asal kadha cơ bản di "Sách Trắng", ngan saong dom jalan salih barau piah EU meda peih tabaik sa chương barau ka sajarah châu Âu hadei tuk taneh ia Anh tabiak truh khối ini(Brexit), taphia nan, ieu  27 taneh ia thành viên brei thau bruk njauk hatai gauk saong bruk ngak di drei.

     # Harei 1/3, Kapul nyaom Y tế Dunya (WHO) brei thau lac nguy cơ njaom mbak chủng cúm menuk ada H7N9 di manuac tapa manuac pak Trung Quốc nan lac biar, min ngan haong số lượng manuac urang njaom mbak ruak dak harei dak ralo, WHO khuyến cáo gah chức năng njauk pasang iek catang pacang caga diễn biến phức tạp di jit ruak ini. Dalam 3 bilan tapa, labaih 1.000 mbang jit hu tamuh tabiak di grauk dom nông trại saong labik dom tapol nyaom cim glai pataom daok. 

     # Dalam mbang ravang Indonesia, harei 1/3, Quốc Vương Saudi Arabia, Salman bin Abdulaziz al-Saud (Xan-man Bin Áp-đu-la-dít An Xa-út) hu mbang ginum biai saong Tổng thống Indonesia Joko Widodo (Giô-cô Uy-đô-đô) di Dinh Bogor di ban ine Jakarta, saong gam mbaoh tangin tame rilo thỏa thuận pambuak bruk. Di mbang ginum biai, Tổng thống Widodo ndom lac, di Indonesia, Saudi Arabia lac sa dalam dom đối tác praong glaong abih di Trung Đông" saong halan hatian lac Indonesia lac đối tác chiến lược pabak bruk caong khin di thun 2030 di Saudi Arabia tapa dom talei pambuak bruk kinh te khang kajap jang.