# Harei 22/6, dalam danak dak ngak bruk, pasang iek dom padang ngak hạ tầng giao thông bhum taneran kraong Cửu Long, Phó Thủ tướng Trịnh Đình Dũng hu nao mong iek labik padang ngak tatua Đại Ngãi nao tapa kraong Hậu, pagam tỉnh Sóc Trăng haong tỉnh Trà Vinh. Phó Thủ tướng Trịnh Đình Dũng ndom lac, dom ngành, puk palei njauk pambuak bruk haong gauk, roh duah, mong iek piah samar piah peih ngak bruk pambuak pagam dom tuyến quốc lộ tui trục dọc meng bal raya Hồ Chí Minh tal bhum taneran kraong Cửu Long.

# Harei 22/6, di Thanh Hóa, Ủy ban bangsa pambuak bruk saong tỉnh Thanh Hóa peih nyaom biai bruk bangsa, sarak bangsa di 24 tỉnh, ban gah Brak thun 2017. Pataom tame nyaom biai hu lambaok uy mban bangsa, urang dang akaok tỉnh Thanh Hóa, lambaok mban bangsa di 24 tỉnh, ban gah Brak. 

# harei 22/6, kapul urang ngak bruk di Mentri Y tế kayua Bộ trưởng Nguyễn Thị Kim Tiến ba akaok kapul hu mai ngak bruk haong gah Y tế tỉnh Kon Tum. Pak van ngak bruk, ralo kadha praong yau menuac ngak,  urang jakar y tế, tài chính, dom dự án caong khin hu buh jien tame ngak piah paglaong chất lượng pasang iek ruak, abih di nyu labik atah bayah hu ndom tal.

# Dalam 6 bilan akaok thun, dom doanh nghiệp dalam tỉnh Trà Vinh hu blei ngak saong pablei tabiak taneh ia langiu 5.330 tấn nguyên liệu thủy sản; dalam nan hadang sú 406 tấn, hadang thẻ takai mbon labaih 2.840 tấn; mek hu yaom jien  labaih 17 triệu USD, tagok jaik 11 triệu USD duk saong dom bilan ini thun 2016. 

# Meng akaok thun 2016 hu 30 hợp tác xã di dom tỉnh Sóc Trăng, Bạc Liêu, Cà Mau raong hadang tiêu chuẩn dunya ASC (sa chứng nhận quốc tế ka bruk raong pala kaya ikan dalam aia hu trách nhiệm). bruk tập huấn saong peih ngak ka dom  hợp tác xã raong hadang tui tiêu chuẩn ASC hu Quỹ Quốc tế Bảo tồn thiên nhiên (WWF) pak Việt Nam pambuak haong Nordic Seafood (sa labik blei tame kaya ikan di Na Uy) saong Công ty cổ phần Thủy sản Sóc Trăng peih ngak. 

# Gam saong dom tỉnh dalam bhum Tây Nguyên ye Đăk Lăk, Gia Lai, bhapbini tỉnh Đăk Nông jeng oh duah hu jalan pablei pandap tabiak yau nan ye njauk kadak tung piah baoh ploi bruk di beir. Huyện Đăk Song, tỉnh Đăk Nông urak ini hu 800 ha ploi, taneh pala ini tagok dua mbang duk saong dua thun dahlau, rilo meng lac di xã Thuận Hạnh.

 # Tỉnh Lâm Đồng brei thau, hu kết luận chính thức brei thau ka makna ngak tabiak bruk glut jaleih pak jalan Nguyễn Văn Trỗi (jaik khu Hòa Bình, pasak bal Đà Lạt) ngak ka 13 baoh sang ca-ai karac saong yaok pluh baoh sang njauk pambak. Hadei di tuk vak roh duah saong pasang iek, jabat chuyên môn brei thau ka makna di bruk glut jaleih taneh yau hadei: labik phát sinh glut jaleih taneh bất thường nan kayua nền taneh lamar, yếu; labik ini dahlau diah nan lac địa hình thung lũng kayua quá trình hình thành khu dân cư (tuh taneh piah cải tạo mặt bằng) ngak jeng nền taneh nhân tạo.

Khaw tin dunya

# Panuac meng mintri Ngoại giao Nga harei 22/6 lac, bruk hu ba tabiak di  adit dahlau lac urang dang akaok di kol IS Abu Bakr al-Baghdadi metai, lac bruk jia hu. Cambaih laih, harei 16/6, mintri Quốc phòng Nga  brei thau, melam 28/5 barau blaoh, gah quân sự taneh ia ini pametai hu Baghdadi. Min, gah Mỹ ndom lac, bruk nan oh ka cambaih laih,  dalam tuk dom urang ngak praong dang akaok phương Tây saong Iraq mboh oh ka jia tame bruk ini.

# Anak huac kadna Kapul nyaom "Karja Hồi giáo" (IS) tự xưng tacho "vòi bạch tuộc" tal bhum taneh Đông Nam Á, Philippines saong Indonesia daok samar jhul pakhang bruk pambuak gauk pacang cakak. Pok panuac ndom anak báo giới harei 22/6, ong Ernesto Abella – urang tabiak panuac Tổng thống Philippines Rodrigo Duterte brei thau dalam mbang taong phon di melam 21/6, Tổng thống Duterte saong urang đồng cấp Indonesia Joko Widodo hu ginum biai mối đe dọa tiềm ẩn ngan haong bhum taneh Đông Nam Á meng bruk dom tangin phao pambuak haong IS. Urang pal akoak 2 negar Đông Nam Á ini hu ndom veik bruk njauk padang talei pambuak bruk piah pacang dom  đe dọa meng chủ nghĩa khủng bố saong cực đoan". 

# Harei 22/6, tòa án đặc biệt akoak mereip di Malaysia bhian langyah dom bruk xâm hại tình dục uranaih hu peih tabiak di Putrajaya.  Thủ tướng Malaysia Najib Razak brei thau, oh lac di Malaysia, ini jeng lac tòa án akaok mereip di bhum Đông Nam Á. Tui Thủ tướng Najib, mô hình tòa án đặc biệt ini meda hu padang di taong abih dom bang karei./.