Khaw tin 10h30 saong 14h30 harei 23/12/2017

# Jabat pambuak bruk dunya Hàn Quốc (KOICA) bahrau ngak blaoh harak pathau khan puac kỳ ka dự án Quy hoạch dua gah takair kraong Hương, tỉnh Thừa Thiên - Huế. Tui nan, bal Huế hu padang ngak 8 mblang bein rah tui dua gah takai kraong Hương. Dom mblang beik hu labik ma-in langiu langik, quảng trường, labik pablei salih saong hu labik pala phun kayau hijao, điện truac hadah lagaih haong cảnh quan vin taom dhar...

 # Mbang akaok meti sa bản ca-ta-lô meng sap Anh kayua danadak nghệ thuật Đông Nam Á di Đại học Luân Đôn pambuak bruk saong miunyim Điêu khắc Chăm Đà Nẵng peih ngak hu angan “sap yava di patau Đá”. Ấn phẩm papar 300 blah hu 400 thaot bingu kheih ka điêu khắc Chămpa gam saong dom langyah barau abih di dom học giả Việt Nam saong dunya.

# Dom harei tapa, angaok huyện pulao Phú Quý, tỉnh Bình Thuận, kayua pambak di mbang ribuk ka 15 gam haong angin Đông Bắc yuk khang, riyak prong ndik glaong ngak khut khat  72 lồng, sang bè raong ikan saong drap ar di 16 baoh sang raong di labik Lạch Dù, xã Tam Thanh. Tui kuhria khat lahik labaih 2 tỷ đồng.

 # Urang dang akaok tỉnh Kon Tum hu nao ravang, tadhau yuh Tòa giám mục Kon Tum saong Nhà thờ Tân Hương dalam tuk Giáng sinh 2017. Giám mục Nguyễn Hùng Vị saong Linh mục Đỗ Hiệu ndua dhar phuan bruk sangka di urang dang akaok tỉnh Kon Tum jeng ye pakat uy saong karja dom puk palei dalam tỉnh hu ba jalan ka dom libik Công giáo ngak bruk njauk adat di karja.

 # Bộ Chỉ huy Bộ đội Biên phòng tỉnh Đắk Lắk bahrau pok brei 83 drei limo binai pajaih ka dom baoh sang kathaot di huyện tapen negar  Ea Súp, tỉnh Đắk Lắk. Ini lac phun jien daong brei di Bộ Tư lệnh Biên phòng, abih tih jaik 750 triệu đồng. Bruk bol lin Biên phòng daong brei limo binai pajaih piah daong ka dom baoh sang kathaot bhum tapen negar raong glang, patruh eik patrun kathaot. 

# Công an ban sit Biên Hòa, tỉnh Đồng Nai barau mek khik hình sự urang peih radaih angan Nguyễn Minh Việt (30 thun daok pak huyện Định Quán, Đồng Nai) piah điều tra, ngak cambaih bruk mesruh saong urang ngak bruk công vụ”. Dahlau nan jaik 3tuk 20 minit harei 20/12 rah tabiak bruk sa urang peih radaih taong  sa urang cảnh sát giao thông dalam sa sruh radaih tải pableik di jalan roya 1A – labik nao tapa phường Tân Biên, ban sit Biên Hòa.

# Công an huyện Phú Tân, tỉnh An Giang bahrau mek ralo urang daok me-in mbia tui jalan caoh menuk mbang jien. Hu thau, labik caoh menuk ini kayua Trần Văn Hồng (Tự Nhái) ndih tapui thun 1965, daok di ấp Phú Hạ, xã Phú Xuân, huyện Phú Tân, dang tabiak peih ngak piah mek jien xâu, yaok mbang caoh mek meng 100 ribau đồng tal 200 ribau đồng. Urak ini, bruk ini daok hu dom jabat chức năng pasang iek duah thau piah langyah njauk tui adat hukum di Karja.

Khaw tin dunya

# Anak bruk nerak không khí trak, dom gah chức trach di ban ine Niu Đê-li, Ấn Độ brei ngak iek dahlau bruk pandar “ phao caga ia takon’ praong piah ngak hacih dhur mur di dom libik nerak abih dalam ban.

# Kapul daong ba di Liên hợp quốc pak Irắc hu brei panuac suh sah ka dom mbang biểu tình ba tal taong poh gauk rah tabiak di bhum taneh tự trị di urang Cuốc, gah Barak Irắc. Meng dom sarak taong phat di raja-ei Irắc, bhap bani urang  Cuốc daok njauk cô lập jang saong daok mbuan ba tal sa bruk srau kadau kinh tế saong chính trị.

# Thủ tướng Anh Thê-rê-xa Mây barau hu var ndom bia tapa phone saong Patao Arập Xê-út Xan-man, piah brei thau veik panuac sanya di Anh ka an ninh Arập Xê-út, taphia nan hu panuac lên án dom bruk cuh tên lửa đạn đạo di phiến quân Hu-thi, Yêmen tame Ri-át./.