# Malam 22/4, Phaok akaok negar Đặng Thị Ngọc Thịnh ba akaok kapul urang lambaok Việt Nam tabiak truh Hà Nội, tagok jalan nao hu mbaok dalam nyaom biai pakat glaong urang kamei dunya mbang ka 28 pak bal Sydney, bang New South Wales (Australia) saong peih ngak dom bruk nao mai dua gah di Australia meng harei 23-28/4/2018. Nyaom biai pakat glaong urang kamei dunya 2018 (GSW 2018) rah tabiak meng harei 26-28/4. Hu mbaok dalam nyaom biai mbang ini, Việt Nam patui veik brei mboh labik dang saong bruk kham merat di drei dalam dom diễn đàn dunya;  yaom glaong di bruk patagok talei pambuak gauk, pakajap mạng lưới haong dom urang kamei pal akaok raja-ei saong doanh nghiệp piah peih prong jalan ngak kinh tế ka urang kamei; dom rik daong di Việt Nam dalam bruk khik kajap bình đẳng giới saong bruk tiến bộ di urang kamei. 

# Pamaong tal pahadar 43 thun peih paha gah meraong, yasa taneh ia (30/4/1975 – 30/4/2018), harei 22/4,  di Chàng Riệc, xã Tân Lập, huyện Tân Biên, tỉnh Tây Ninh,  kalup kapul Truyền thống mBan dân y gah meraong peih pakak libik inem mek sajarah –ilimo mban dân y Trung ương cục miền Nam. Libik ini hu padang di anghaok taneh praong 5,7 ha ngan saong yaom jien ngak abih tih 9,9 tỉ đồng. Công trình ini ndung bak chính trị, sajarah nhân văn rilo ngak jeng sa quần thể di bhum căn cứ cách mạng. 

# Việt Nam daok dalam labik bhian rah tabiak bala meng langik tasik. Dalam nan ribuk aia sua bhian rah tabiak ngak khat lahik trak tal manuac urang, drap ar ka bhap bani… Mô hình “Sang Chữ thập đỏ” bo Hội Chữ thập đỏ Việt Nam peih ngak daong brei ka urang kathaot di labik rah tabiak bala padang ngak, pasiam veik sang danaok… hadei di ribuk aia sua mek hu ralo siam mekre. Meng thun 2012 tal puac thun 2017, Hội Chữ thập đỏ dom pakat padang ngak hu labaih  24.000 baoh sang ngan haong yaom jien jaik 700.000 tỷ đồng.

# Mblang hamu bản Nà Khương, xã Bản Bo, huyện Tam Đường , tỉnh Lai Châu daok glaong jang baoh kraoh Nậm Mu yau nan ye urang  Thái pak ini hu ngak 35 guồng ia daok ieu lac cọn ia piah mek ia meng ala craoh ba tagok pruh. Bruk kheih mekre di dom guồng ia hu jeng libik du lịch di ceik glai Tây Bắc, pachreih rilo tuai damuai mai ravang mein. Thun 2017, hu labaih 40.000 mbang tuai du lịch mai ravang mein libik du lịch guồng ia di Bản Bo.  3 bilan akaok thun 2018, tuai du lịch mai di ini hu 12.000 mbang urang. 

# Sa xã bhum atah bayah, taong abih bhap bani lac bangsa Bahnar saong H’Rê, 8 thun tapa, oh mboh urang halei menek anek ka 3 tagok. Bruk siam mekre ini hu mboh di xã bhum atah bayah An Nghĩa, huyện bhum ceik  An Lão, tỉnh Bình Định.  Xã An Nghĩa jeng lac puk palei oh hu tội phạm, rai diuk ilamo di bhap bani hu khik ramik saong paglaong”. 

 Khaw  tin dunya

# Meng hatai pamaong mai palei negar dalam tuk pahadar 43 thun harei peih paha gah meraong, yasa taneh ia 30/4 saong harei dunya urang ngak 1/5, Ban chấp hành Đơn vị Lưu học sinh Việt Nam hu pambauk bruk saong Ban chấp hành Liên chi đoàn peih danakdak “ dom harei ilimo Việt Nam” di sang bac Đại học Tổng hợp Hữu nghị dom bangsa  Nga, piah yaih khan ka taneh ia, anek menuac Việt Nam tal dom anek saih di dunya daok bac megru di ini. 

# Rajaei Ấn Độ bahrau brei tapa hukum brei adat pandar án tử hình ngan haong dom tội pambuak pagam tal bruk xâm hại tình dục uranaih umo ala 12 thun. Bruk ini hu ba tabiak hadei di mbang nyaom samar drah di Raja-ei kayua Thủ tướng Na-ren-đra Mô-đi (Narendra Modi) dang tabik peih ngak pambuak pagam tal bruk xâm hại sa urang kamei umo 8  thun di bang Giam-mu Ka-xmia (Jammu-Kashmir) di akaok thun ini ngak pandik hatai menuac sia dalam negar. Taphia di bruk brei tapa điều luật án tử hình meda pandar haong dom tội phạm hiếp dâm uranaih umo ala  12 thun, rajaei Ấn Độ jeng ginum biai saong brei tapa dom hình phạt trak jang ngan haong dom bruk pambuak pagam tal xâm hại tình dục dom urang kamei umo ala  16 thun. Menuac sia Ấn Độ pok meyaom hukum bahrau ini bo Raja-ei  brei tapa.

# Hàn Quốc daok peih ngak sa danakdak pato pakai dinh dưỡng dalam sang bac biak chreih chrai. Danakdak pato pakai dinh dưỡng dalam sang bac kayua mintri patagok palei pala Hàn Quốc peih ngak hu angan ieu “ Pandap mbang hijao” hu 18 var bac yaok thun, neh tabiak ngak 2 học kì, daong anek saih duah tabiak sa chế độ dinh dưỡng siam meng dom pandap ngak nong kayua tangin dom adei pala. Anek saih hu bac bruk pala drak, pasang iek saong paik dom janih phun pala jeng ye bruk ngak mbang saong mbang menyum ka njauk. Dom anek saih caong roh duah dalam meda tải dom danakdak tacei pato angaok blah Web di mintri./.