# Akaok negar Trần Đại Quang saong hadiuk di gait meda nao rivang pakat negar tal Nhật Bản meng harei 29/05 tal 02/06 tui panuac daa di Karja Nhật Bản. Tui danak dak mbang nao rivang, pak Nhật Bản, Patao Akihito saong anai Bia Michiko taduan raok saong peih payak biak prong salam uan akaok negar Trần Đại Quang saong hadiuk di ong. Akaok negar Trần Đại Quang jeng hu mbang ginum biai haong Thủ tướng Nhật Bản Shinzo Abe.

# Harei ini (23/5), patui mbang nyaom ka 5, Quốc hội mbang 14, dom urang Quốc hội ginum biai di tổ ka Dự án hukum ramik pasiam pabak dom paka di hukum Quy hoạch. Tui akaok mintri Kế hoạch saong Đầu tư Nguyễn Chí Dũng: dom mintri hu njauk hatai gauk ka dom asal kadha pambuak tal quy hoạch di dom hukum ramik pasiam mbang ini:“ Dahlau daih hu panuac karei di gauk, lac quy hoạch bhum tỉnh, dom panuac ndom lac dreih yau quy hoạch tỉnh, oh padang quy hoạch bhum tỉnh tra, gah chuyên môn di dua mintri hu daok veik saong gauk langyah piah njauk hatai gauk saong hukum quy hoạch piah trun takik dom thủ tục, min mboh lac hukum dak padang bhum tỉnh biak nao lac hukum chuyên ngành daok hu rilo makna di anak meta, quy hoạch tỉnh kol drei oh ginup chi tiết piah khik ramik sa đô thị, khik ramik sa tỉnh, yau nan ye mboh lac ceik veik lac bruk njauk ngak.”

 # Harei kabroi (22/5), Kapul urang ngak bruk di Mentri Công an kayua Thượng tướng Bùi Văn Nam, Thứ trưởng Bộ Công an ba akaok nao rivang, tadhau ayuh Giáo hội Phật giáo Việt Nam saong dom tăng ni, phật tử dalam bilan Phật đản, Phật lịch 2562. Thứ trưởng Bùi Văn Nam taong yaom glaong dom rik daong di Giáo hội Phật giáo Việt Nam ngan haong bruk ngak cách mạng di bangsa, ngan haong Công an bhap bani. Dom thun tapa, Giáo hội Phật giáo Việt Nam tuk halei jeng nao gam haong bhap bani, taneh riya IA saong bangsa dalam bruk dak padang, khik caga puk paga, palei negar;

#pasak khik ramik jalan mbak công cộng ban raya HCM harei 22/5 brei thau meda peih veik 17 canah jalan radaih buýt điểm di mbang 2 meng harei 1/7 tal, patagok canah jalan radaih buýt điểm abih tih 20 canah jalan dalam bruk pajeng ba tuai damuai công cộng.  17 canah jalan radaih buýt điểm barau ini daok hu ramik pasiam ka chất lượng, khik caga an toàn giao thông saong abih di nyu nan lac paglaong akaok sahaneng duh ka urang ndih radaih di lái xe, nhân viên…

# Pambuak pagam tal Bruk glut jaleih tapen kraong Ô Môn di labik Thới Lợi, phường Thới An, quận Ô Môn, bal Cần Thơ rah tabiak harei 21/5, tal urak ini MBan tacei pato pacang caga bala meng langik tasik – daong duah urang njauk bala bal Cần Thơ hu daong ka 34 baoh sang njauk pambak tal ngan haong dua yaom daong lac 10 saong 15 triệu đồng. Tui panuac caong daong di UBND phường Thới An, khat lahik di mbang glut jaleih rah tabiak dalam harei 21/5 tui kuhria jaik 30 tỷ đồng.

Khaw tin dunya

# Takik abih 7 urang metai kayua jit tả patuh tabiak di bhum Rúc-oa (Rukwa), gah meraong Tan-da-ni-a (Tanzania). Hu jaik 166 urang hu ba tame sang iek ruak piah iek ruak. Urang ngak praong Tan-da-ni-a brei thau, jit tả patuh tabiak lac kayua menyum ia nerak saong urang bhapbini oh pandar sang yuak tian saong pacuac taglon trun kraong, danao. Piah caga jit tả, urang dang akaok puk palei hu padang dom pasak đặc biệt piah iek ruak. 

# Jit tả (ruak aih craoh) daok hu mboh di yaok pluh negar, abih di nyu lac châu Phi saong dom negar châu Á. Jaik di ini, mboh lac jit ruak daok patagok. GAH Y tế dunya (WHO) bahrau ini hu peih bruk menyum vắcxin pacang caga ruak aih craoh praong abih dalam dakrai sajarah di châu Phi piah daong ka labaih 2 triệu urang di 5 negar châu Phi meda pacang caga jit ruak ngak ka jaik 3 ribau urang châu Phi metai trong dalam 2017. Tui kuhria dalam thun 2017, jaik 150 ribau urang pak châu Phi njauk ruak tả saong 3 ribau urang metai. Kuhria meng akaok thun 2018 tal ini, pak châu Phi hu  37 ribau urang njauk ruak aih craoh saong jaik 1 ribau urang metai.

# Harei kabroi (22/5), sa sruh kapal ahaok quân sự  laik trun gah Tây Thái Lan, ngak ka sa phi công metai saong sa phi công karei gaok rambuac trak. Tui dom urang hu mbaok, tuk laik trun mbaok haluk, kapal ahaok nyu khuah. Patoah jamo oh ngak metai menuac ala haluk. Kapul cứu hộ hu nao tal libik bala ba urang njauk rambuac nao cấp cứu. Urak ini dom urang ngak praong daok duah thau makna di bruk ini.