# Biar harei (22/8), pak Hà Nội, Mentri Kế hoạch saong Đầu tư pambuak haong Đại sứ quán Nhật Bản pak Việt Nam saong Ủy ban Kinh tế Việt Nam – Nhật Bản peih nyaom biai pakat glaong Ủy ban Taong yaom saong sáng kiến chung Việt Nam – Nhật Bản vaktu 6. Pok sap ndom pak nyaom biai, Akaok Mentri Bộ Kế hoạch saong Đầu tư Nguyễn Chí Dũng brei thau, duah jalan ngak lagaih ka dua negar piah dak padang bruk ngak mbang pablei salih saong  bruk buh jien ndo tame ngak ngak hu mbuan mbiah, cambaic laic pak Việt Nam, taphia di nan, ba tabiak dom khuyến nghị sarak piah hu siam, tapa nan piah dauh thau dalam tuk dok pasiam veik hukum, sarak ka dom jabat dom gah chức năng di Viet Nam.

     # Hadei di tuk ia sua trun, tỉnh Yên Bái pachreih yaok lực lượng, pataom tame pasiam veik bala hajan ia sua. Langiu bruk pasiam veik rai diuk saong sản xuất ye bruk vệ sinh môi trường, pacang cakak jit ruak jeng daok hu peih ngak chip.

      # Kuhria tal harei kabroi 22/8, hu blaoh labaih 2.000 urang tỉnh Kon Tum njauk ruak pandiak tabiak darah, dalam nan hu labaih 130 urang ruak daok iek ruak di dom cơ sở y tế saong hu blaoh 2 urang metai. Anak bruk yau nan jit ruak pandiak tabiak darah daok diễn biến phức tạp, karja saong gah y tế puk palei daok peih ngak ralo jalan ngak piah pacang cakak jit ruak. 

      # Tỉnh Tiền Giang hu labaih 1.300 urang ruak pandiak tabiak drah, ralo jang jaik 100% duk saong thun dahlau. Urak ini, ruak pandiak tabiak drah daok tagok, kayua yau nan ye gah y tế Tiền Giang patui peih bruk ngak pacang cakak ruak pandiak tabiak drah, pachreih bhap bini peih ngak saong khik kajap dom chiến dịch pametai lăng quăng di tỉnh. Langyah dom sruh jit di dom puk palei mbuan rah tabiak tui tacei pato dịch tễ. Jhul pakhang dom bruk ngak pasang iek, tui iek, daong dom tuyến, abih di nyu nan lac dom xã hu urang ruak ralo, mbuan tamuh ruak.

      # Yaok rituh baoh sang bhap bani daok pak Khu Công nghiệp Hòa Trung, xã Lương Thế Trân, huyện Cái Nước, tỉnh Cà Mau daok yaok harei cum mùi mbau bruk meng dom jalan tathuak aia thải di dom sang mac, xí nghiệp. Bruk ô nhiễm ini daok rah tabiak khang meng ralo thun ini mai, bhap bani hu khan tagok gah chức năng,  urak ini jeng oh ka langyah tantu cambaih laih.

       # Yau rayo sap ndom VN brei thau, meng bloh di huyện Châu Thành A, tỉnh Hậu Giang hu 4 labik rah tabiak jit ruak pabui tanye hijao di xã Trường Long Tây saong xã Tân Hòa ngan saong abih tih tapon nan lac 72 drei. Gah thú y hu ba nao am cuh klak 17 drei, dom drei daok veik daok hu cách ly saong iek ruak, iek glang tui njauk quy định.

     # Pahadar harei negar 2/9 saong pacheih tui mbang jak ba “Urang  Việt Nam brei pandar pandap Việt Nam”,  biar harei kabroi  (22/8), Liên minh Hợp tác xã Thương mại bal raya Hồ Chí Minh (Sài Gòn Co.op) peih ngak bilan khuyến mãi  “Hadah mbaok pandap Việt  2016”. Tukvak ini, Sài Gòn Co.op peih ngak 160 mbang pablei pandap Việt lưu động tal dom khu công nghiệp, khu chế xuất  ka urang ngak saong bhap bani bani labik atah bayah di bal raya. Abih di nyu, danak dak thun ini, meda tabiak janih pandap brah hữu cơ chất lượng glaong.  

        Patui di ini dom khau tin dunya:

       # Urang vak di rayo sap ndom VN daok di CPC brei thau: Thủ tướng Campuchia Hun Sen barau brei thau bruk daong Ti-mo Lét-xtê – taneh ia non trẻ abih labik Đông Nam Á, jeng thành viên ka 11 di ASEAN saong thành viên di tổ chức pablei salih dunya WTO.

     # Inđônêsia puac adit dahlau brei thau, thak dhur meng dom mbang khuah glai hu mboh pambak tabiak meng eo tasik Malaca pamong tal dom negar jaik taphia. Raja-ei negar daok pandar dom jalan ngak piah pacang caga khả năng mboh gilac mbang khủng hoảng thak dhur trak abih dalam dakrai sajarah In-đô-nê-sia dalam thun dahlau, pambak tal dom negar Đông Nam Á karei.

      # Xuất khẩu di Đức tapa Iran, ralo meng lac jamriah, thiết bị hu patagok dalam 6 bilan akaok thun ini, hadei di tuk dom lệnh cấm vận dunya pacang Iran hu yak klak./.