Khaw tin 10h30 saong 14h30 harei 23/8/2017

# Dalam tukvak nao rivang Indonesia, biar harei kabroi (22/8), Tổng Bí thư Nguyễn Phú Trọng hu mai rivang saong ndom puac haong urang jakar, urang ngak bruk di Đại sứ quán Việt Nam pak Indonesia. Ndom meyai pak ini, Tổng Bí thư pandar urang jakar, urang ngak dalam Đại sứ quán kham merat pasiam veik dom kan kandah, ngak siam bruk đối ngoại bo Đảng saong Karja jao brei, ngak brei siam jang talei pambuak bruk Việt Nam-Indonesia. 

# Jeng dalam harei 22/8, di Hà Nội, akaok Quốc hội Nguyễn Thị Kim Ngân hu taom gaok urang jakar mai hu mbaok dalam harei pataom uranaih bangsa pakat negar mbang yaka III thun 2017. Brei panuac di var taom gaok, akaok Quốc hội Nguyễn Thị Kim Ngân pandar dom mintri, ngành, pakat ủy đảng karja puk palei, dom libik ngak njauk sarak adat hukum hu ba tabiak ka pato megru, pasang iek, khik caga uranaih. Dalam nan, caik jien padai ginup ka dom uraniah bangsa takik sang kan kandah.

# Tal urak ini, Mentri ngak nong saong patagok palei pala hu brei harak chứng nhận ka 28 doanh nghiệp ngak nong pandar công nghệ glaong. Dalam nan, hu 9 doanh nghiệp ngak njam patam, bingu saong 8 doanh nghiệp raong limo ia tasau, pabui, menuk; 11 doanh nghiệp dalam gah raong pala kaya ikan dalam aia.

# Cục An toàn pandap mbang menyum di mintri Y tế) brei thau, piah khik caga an toàn pandap mbang menyum ka urang bhapnini dalam tuk Tết Trung thu, mBan tacei pato liên ngành Trung ương hacih saat an toàn pandap mbang menyum hu brei dom gah chức năng di dom mintri : Y tế, ngak nong saong patagok palei pala, Công thương saong dom gah dalam mBan tacei pato pataom tame 6 kapulpasang iek liên ngành, pasang iek di 12 tỉnh, ban meng harei 11 tal 30/9.

# Ủy ban bhap bani tỉnh Khánh Hòa bahrau hu công điện tacei pato dom jabat chức năng saong karja dom puk palei kham merat jang dom jalan ngak pametai anek jamaok, pametai bọ gậy, abih di nyu nan lac di dom công trường xây dựng, labik snag trọ piah pacang caga ruak pandiak tabiak darah. Tui nan, dom jabat pambuak haong Sở Y tế Khánh Hòa peih bruk pametai anek bọ gậy tapa dom bruk vệ sinh môi trường, rami ramik dom pandap klak, pandap padang aia meda lac labik caih mebaoh di jamaok.

# Di nyaom biai salih barau khik ramik chuỗi ngak ralo pabui tui jalan dunya kayua mintri ngak nong saong patagok palei pala Việt Nam pambuak bruk saong mintri Kinh tế Hà Lan, peih ngak di ban raya Hồ Chí Minh, bruk pambuak gauk ngak tui chuỗi giá trị hu dom chuyên gia taong yaom lac jalan ngak praong ka patagok gah ngak nong barau, kajap di Việt Nam. Taphia nan lac bruk ngak hu rilo taneh ia pandar piah jhul khang talei pambuak bruk ngak mbang saong darak pasal, paglaong bruk  kuhria mboh dahlau; khik caga chất lượng, an toàn, thau hut asal pandap; điều tiết cung cầu, parabha  kein laba njauk, lagaih.

Khaw tin dunya

# Urang jakar Mỹ bahrau ba tabiak dom jalan taong pahat bahrau ngan haong 10 công ty saong 6 urang di Trung Quốc saong Nga kayua hu pambuak pagam tal danak dak vũ khí hạt nhân di Triều Tiên. Dalam sa tuyên bố, Akaok mentri Jien padai Mỹ Xti-vân T.Nu-chin (Steven T. Mnuchin) ndom lac, negar ini meda patui veik patagok pren kateik ngak haong Triều Tiên tapa dom jalan taong phạt dom urrang  pachreih tui bruk patagok danak dak tên lửa đạn đạo saong hạt nhân di Bình Nhưỡng saong pacang cakak dom urang nan tabiak truh bruk jien padai di Mỹ.

# Tổng thư ký Liên hợp quốc An-tô-ni-ô Gu-tê-rết (Antonio Guterres) barau pandar dom gah pambuak tal njauk khik thỏa thuận hạt nhân bo Iran ngak hu saong nhóm P5+1 (hu Mỹ, Nga, Anh, Pháp, Trung Quốc saong Đức) meng bilan  7/2015. Bruk ini hu ba tabiak dalam tuk thỏa thuận  ini daok dang anak bruk mbuan yah klak kayua dom căng thẳng barau ini di  Mỹ saong Iran.

# Tui panuac khan bahrau abih, manuac urang njauk rambuis dalam mbang megai taneh angaok pulao kaoh Ít-xchi-a di I-ta-li-a  tagok tal takik abih 2 urang metai saong 25 urang njauk rambuis, dalam tuk nan 10 urang jeng daok lahik, dalam nan hu 3 uranaih. Mbang megei baoh taneh meng blaoh ngak megei pulao kaoh Ít-xchi-a, atah bal Nây-plơ jaik 29 ki-lô-mét, pasak megei dalam jaik 10 ki-lô-mét./.