Khaw tin 10h30 saong 14h30 harei 23/9/2016

      # Dalam dom bruk ngak di kapul urang jakar pakat glaong Việt Nam hu mbaok di Đại hội đồng Liên hợp quốc mbang 71 di Niu Oóc, Hoa Kỳ, harei 22/9, Phó Thủ tướng, akaok mintri Ngoại giao Phạm Bình Minh hu taduan raok Thứ trưởng ka sa mintri Ngoại giao Hoa Kỳ An-tô-ni Bờ-lin-cơn. Di var taduan raok, dua gah hu ginum biai ka bruk jhul khang langayah meriak gauk di Biển Đông  meng jalan hòa bình, tôn trọng ginup bruk ngak ngoại giao saong pháp lý, tui njauk hukum dunya dalam nan hu UNCLOS 1982 piah khik ramik, tani tanat, an ninh, tự do jalan tasik, jalan lingik di bhum Biển Đông.

     / Di HN, rayo sap ndom VN pambuak bruk saong Jabat pato megru, khoa học saong ilamu ( ieu katut lac UNESCO) di LHQ di VN peih tal pasram megru “paglaong ilamu pathau khan ka bình đẳng giới, pato pakai uranaih kamei saong urang kamei” ka urang vak, BTV dom jabat thông tấn, báo chí labik HN. Hu mbaok tame tal pasram megru, dom urang vak, BTV hu pabak dom kadha ka giới saong bình đẳng giới, taong paoh dalam sang bac pambuak tal giới, pablak giới dalam bruk truyền thông, dom paka hukum, pato pakai uranaih kamei saong urang kamei, pablak giới dalam truyền thông.

      #  Hadei di sa tukvak suai livik cang yaom katak cao su tagok veik, rilo urang nong pala  cao su di huyện bhum ceik Sông Hinh, tỉnh Phú Yên daok kaoh klak rilo taneh cao su piah pala dom janih phun karei. Dalam tuk nan, karja puk aplei kakei mikva jhui kaoh klak janih phun chiến lược ini. 

     / Di ban Cần Thơ, mintri ilamu, TT saong DL barau peih bruk jao kỹ thuật dự án “danak dak patagok bruk DL hu trách nhiệm saong môi trường saong XH, atau daok ieu lac dự án EU-ESRT, ka ban Cần Thơ, An Giang saong Kiên Giang. Ini lac danak dak daong kỹ thuật du lịch praong abih di VN kayua liên minh châu Âu daong. 

      # Harei 22/9, Tổng công ty Điện lực miền Nam hu ba tabiak Dự án ba menyek palei pala meng jalan menyek negar di tỉnh Hậu Giang tukvak 2015 – 2020. Ini lac dự án daok dalam danakdak brei menyek palei pala, bhum ceik saong pulao kaoh tukvak  2013 – 2020 piah patruh eik patrun kathaot, paglaong radiuk, mbang ngui daok dang ka bhapbini di palei pala, abih di nyu nan lac bhum atah bayah dalam taneh ia .

     / Harei 22/9, Mban peih ngak dom harei lễ praong ban raya HCM peih parang iek rup cih pahadar 71 thun harei nam bộ kháng chiến (23/9/1945-23/9/2016) di phố nao takai Nguyễn Huệ saong jalan Đồng Khởi, Quận 1. Labaih 100 rup thaot tư liệu saong rup cih jak ba hu parang tabiak dalam parang iek mbang ini hu rabha jeng 2 kadha, ndom ka harei nam bộ kháng chiến 23/9/1945 saong tukvak dak padang patagok di ban raya HCM dalam samar salih barau. Parang iek dui atah tal harei 30/9.

      # Hội đồng bhapbini tỉnh Tây Ninh mbang IX barau peih mbang nyaom yaka  2 (mbang nyaom bất thường). Di mbang nyaom ini, Hội đồng bhapbini tỉnh meda iek veik brei tapa 07 Sarak praong, pambuak tal raidiuk, kinh te, xa hoi di puk palei ye : danakdak patagok sang daok; tanut daong đầu tư công trình brei ia hacih di palei pala;  pasiam, pabak dom chế độ, định mức chi ka bruk ngak di bộ máy hành chính; ka jao chỉ tiêu biên chế công chức, số lượng urang ngak bruk di dom đơn vị sự nghiệp công lập thun 2016. 

      Patui di ini dom khau tin dunya:

     /Harei 22/9, Thủ tướng Campuchia Hun Sen, urang dang akaok dom Mintri pambuak tal hu taduan saong ngak bruk saong kapul mintri thông tin saong truyền thông VN kayua Bộ trưởng  Trương Minh Tuấn pan akaok kapul, daok rivang saong ngak bruk di CPC. Brei panuac di var taduan rok, Thủ tướng Hun Sen bri thau, CPC iek praong talei pambuak bruk VN dalam dom gah, dalam nan hu thông tin saong truyền thông.  

     # Phó Tổng thống Mỹ Giô Bai-đừn hu panuac lac, Ucraina njauk peih ngak dom bruk sanya di drei ka salih bharau kinh tế saong chính trị, taphia nan lac “ bruk nguy hiểm” tuk Liên minh châu Âu (EU) oh caik hatai sangka dom bruk trừng phạt Nga.

     / Harei kabroi 22/9, gah cảnh sát tasik Ai Cập duah mboh  9 urang di cư metai patagok abih tih urang metai dalam mbang pableik kapal ndi cư di Ai Cập nan lac 52 urang. Urak ini jeng daok jaik 400 urang lahik./.