# Tổng Bí thư Nguyễn Phú Trọng hu taduan raok amuk Shirin Sharmin Chaudhury, Akaok Quốc hội Bangladesh daok  rivang Việt Nam. Akaok Quốc hội Chaudhury brei mboh hatai bui sambai mbang akaok meti mai rivang  Việt Nam saong ndua dhal phol bruk taduan raok bo Tổng Bí thư saong dom urang pal kaok Việt Nam brei ka amuk saong kapul nyaom.

# melam 23/7, di libik inem mek sarajah canah klau Đồng Lộc, tỉnh Hà Tĩnh, Thủ tướng Nguyễn Xuân Phúc mai hu mbaok di danadak nghệ thuật “Cõi thiêng Đồng Lộc” piah pahadar dom Anh hùng liệt sỹ, abih di nyu nan lac bruk ndih trun di 10 urang kumei liệt sỹ thanh niên xung phong. Danakdak kayua tỉnh Hà Tĩnh pambuak bruk saong Báo Nhân dân peih ngak dalam tuk pahadar 70 thun harei Thương binh liệt sĩ saong 49 thun jayah sajarah canah klau Đồng Lộc.

# Piah meyaih khan thaik binguk, angan je pandap panda ikan cá tra ka darak pasar gah barak jeng yau peih prong darak pasar pablei tabiak negar langiu; dalam nan, caik hatai tal darak pasar Trung Quốc, Mentri Ngak nong saong patagok palei pala meda peih nyaom darak ikan tra saong pandap panda kaya ikan Việt Nam pak Hà Nội. Tui kuhria, nyaom darak ini meda rah tabiak dalam 3 harei meng harei 6 tal harei 8/10 pak Pasak Parang iek bruk ngak nong Hà Nội. 

# Tui Hiệp hội raong glang Đồng Nai, hadei di labaih 7 bilan yaom pabui hơi trun biar, tal harei 10/7 yaom pabui hơi daok tagok, tabung glaong lac harei 15 saong 16/7, pabui hơi tagok tal 45.000/sa kg. Tapa harei 17/7, yaom trun daok 38.000 đồng/sa kg. Dom harei tapa, urang blei daok mai blei pabui yaom meng 35.000-38.000 đồng/sa kg. Langiu nan, urak ini yaom pabui pajaih di Đồng Nai jeng glaong jang 3 mbang duik saong akaok bilan 7, tagok tal 600.000 đồng/sa drei. Bruk ini brei mboh pabui pajaih patagok, urang nong daok jhul khang bruk raong veik.

# Meng akaok thun 2008 tal ini, tỉnh Đắk Lắk hu labaih 26.500 ha glai, taneh glai njauk dom baoh sang, ralo meng lac bhap bani di cư mai langiu kế hoạch jah tak, lih mek taneh piah pala drak. Tui Uỷ ban bhap bani tỉnh Đắk Lắk, meng puac thun 2016, dalam tỉnh hu 13/15 huyện, peih bruk mek veik glai, taneh glai njauk jah tak, lih mek suan adat hukum, anak meta njauk giải tỏa, mek veik chip jaik 15.500 ha piah pala veik glai.

# Uỷ ban bhapbini tỉnh Phú Yên barau brei salih labaih 500 ha taneh pala padai tapa pala phun yaok thun dalam thun 2017.  Taneh hu salih rilo meng lac taneh pala padai sa vụ oh caga hu ia pruh. Dalam dom hecta nan, taneh salih rilo abih lac di libik pala padai praong di tỉnh daok dalam ban sit Tuy Hòa, dom huyện Đông Hòa, Tây Hòa saong Phú Hòa, abih tih labaih 300 ha. 

# Kurang urang ngak, năng suất saong yaom kaom oh grap tanat, njauk khat lahik trak kayua tua riya pandiak bhang, njaom mbak,… nan lac dom makna ngak ka urang pala tabau tỉnh Sóc Trăng njauk khat lihik. Anak bruk yau nan, bilan tabau thun  2017 – 2018, huyện Cù Lao Dung – labik pala tabau di tỉnh Sóc Trăng hu  quy hoạch pala tabau tui dua jalan ngak nan lac: padang mblang tabau mẫu saong jak ba bhap bani panduan salih mblang taneh pala tabau tapa pala phun mbang baoh, njam patam. 

Khaw tin dunya

# Pasak khí tượng negar Trung Quốc barau tabiak panuac cảnh báo hijao ngan saong ribik Sơn-ca (Sonca), tui kuhria nyu tuh tame tỉnh Hải Nam di taneh ia ini di melam 24 saong dah pagaiy 25/7. Kayua hajan xua, dom tỉnh Quảng Đông, Quảng Tây saong Hải Nam hu hajan praong saong ia takun di dom harei tal. Pasak khí tượng negar pandar karja dom puk palei peih ngak dom bruk caga bala kayua lingik tasik.

# Piah caga bruk brah daok trun samar kayua  tua riya pandiak bhang saong ribuk aia sua dalam tukvak tapa, Bangladesh saong Sri Lanka daok peih bruk blei 400.000 tấn brah meng Thái Lan. Yaok negar tui kuhria meda blei 200.000 tấn brah. 

# Roh duah barau abih di Liên hợp quốc brei mboh: 800 triệu urang di dunya jeng laik tame bruk kurang mbang miat. Pathau khan kayua danakdak padai brah dunya ba tabiak brei mboh, jien daong padai brah tal bhapbini dân cư gaok kan kandah tagok labaih dua mbang dalam 7 thun tapa, meng 2,2 tỷ đôla thun 2009 tagok 5,3 tỷ đôla thun 2016. Trung Đông saong châu Phi meblah 70% jien daong di jabat ini./.