# Harei 23/12, Thủ tướng Nguyễn Xuân Phúc saong dom Phaok Thủ tướng Trương Hòa Bình, Vương Đình Huệ, Vũ Đức Đam, Trịnh Đình Dũng hu mbaok dalam tuk peih bruk rik daong jien brei ka bhap bani gah kreh negar njauk ribuk aia sua kayua Văn phòng Raja-ei peih ngak. Ini lac mbang rik pataom ka dua brei ka bhap bani labik njauk hajan prong kayua Văn phòng Raja-ei peih ngak hadei di mbang rik daong harei 18/10 (ngan haong yaom jien jaik 400 triệu đồng).

# Mintri jien padai bahrau patabiak Thông tư ka 06/CT-BTC ka bruk paglaong khik ramik, điều hành saong khik tanat yaom di Tết Nguyên đán Đinh Dậu thun 2017. Dalam nan bruk praong di dom harei dahlau, dalam saong hadei Tết lac pasang iek cung cầu saong yaom kaom di darak pasal, abih di nyu nan lac dom pandap panda dịch vụ pabak bruk blei Tết di urang bhapbini dalam puk aplei ye : ndiuk, brah tẻ; rilo athur, menuk ada, kaya ikan dalam ia; njam patam, han keo; mbia alak; ia li men piah samal hu bruk khik tanat yaom tui quy định. 

# Gilang pariak Karja bahrau brei thau, tal harei 30/11/2016, pok jien mesre daong brei sang daok 30 ribau tỷ đồng giải ngân hu 29.239 tỷ đồng, jien mesre nan lac 24.166 tỷ đồng. Camabih laih, danak dak hu giải ngân lũy kế ngan haong nhóm khách hàng cá nhân (khách hàng caong khin blei, pah, pah blei sang daok xã hội, blei saong pah gilac sang daok thương mại panduan salih công năng, đầu tư cải tạo padang ngak sang daok di drei) nan lac 23.845 tỷ đồng mek hu 92,5% cam kết brei mesre (25.789 tỷ đồng), jien mesre labaih  20.650 tỷ đồng. 

# Công ty Cổ phần Phân bón saong Hóa chất Dầu khí Tây Nam Bộ (PVFCCo SW) brei thau, dalam thun 2016, công ty pambuak bruk saong Viện padai bhum taneran kraong Cửu Long peih  ngak rilo bruk ngak iek di dom bhum njom mbak saong thulagu ye Trà Vinh, Sóc Trăng saong Kiên Giang. Meng bruk padang jalan pandar  khak drak Phú Mỹ pambuak saong dom janih khak drak pabak trung lượng ngan saong hàm lượng glaong (35% CaO, 25% SiO2, 2% MgO…) hu brei mboh lac biak siam.

# Tui ong Võ Văn Cư, Akaok Sở Công Thương tỉnh Bình Dương, thun 2016, bruk pablei tabiak – pablei tame meng negar langiu dalam tỉnh daok khik hu  tốc độ patagok, khik hu tanut pablei tabiak glaong saong grap tanat; dalam nan, labik hu phun jien buh tame ngak meng negar langiu jeng daok khik hu tốc độ patagok glaong. Jien mek tame meng bruk pablei tabiak negar langiu di 2016 tui kuhria dahlau hu labaih 24,33 tỷ USD, tagok 16,4% dut haong thun dahlau, mek hu 99,3% bruk ba tabiak.

# Tui Ủy ban bhapbini tỉnh Tây Ninh, thun 2016 tỉnh buh brei 1.066 tỷ đồng ka padang ngak palei pala barau; dalam nan kadung jien karja 401 tỷ đồng (meblah 37,6%), jien tín dụng 600 tỷ đồng (meblah 56,3%), jien jak ba meng dom doanh nghiệp, hợp tác xã, dom libik kinh tế karei 40 tỷ đồng, meblah 3,8%; jak ba meng bhapbini 25 tỷ đồng (meblah 2,3%). Yau nan, kuhria tal puac thun 2016, dalam tỉnh Tây Ninh hu 22/80 xã đạt chuẩn palei pala barau tui 19 tiêu chí Trung ương quy định, mek hu tỷ lệ 27,5% dom xã dalam tỉnh. 

# Ủy ban bhap bani tỉnh An Giang peih ngak danak dak patagok hạ tầng du lịch tukvak 2016-2020, pamong tal thun 2030. Dalam nan, tỉnh pachreih dom thành phần kinh tế buh jien tame ngak brei patagok bruk rivang ma-in ngan haong hệ thống hạ tầng samu gauk, hiện đại, ralo janih saong hu tính chuyên nghiệp glaong.

Khaw tin dunya

# Ngoại trưởng Philippines Perfecto Yasay (Per-phếch-tô Ya-xay) brei thau, taneh ia ini daok iek veik dom sáng kiến ngoại giao saong thủ tục pháp lý bo hukum dunya brei adat", hadei tuk hu thau ka bruk Trung Quốc ba tabiak dom vũ khí di dom bhum bo Bắc Kinh tabiak panuac lac chủ quyền di Biển Đông.

# Kadung jien khik ramik anek athur phun glai hoang dã dunya (WWF) brei thau dom urang khoa học bahrau duah mboh 163 janih bahrau pak labik Tiểu vùng kraong Mekong, taphia di nan daok brei thau dahlau bruk cakrok patagok samar drah dalam khu vực, meng bruk padang ngak binek tal khai thác mỏ, daok  ngak kan kandah tal bruk diukrai di dom athun glai.

# Dalam tuk Giáng sinh yaok thun, ông taha Noel Santa Clause meda lihik yaok tỷ USD ka dom bruk nao mai saong alin pandap di drei. Bruk ini mai meng sa bruk kuhria bui sambai bo dom urang roh duah ba tabiak dahlau di tame giáng sinh thun ini. Urak ini hu jaik 1.860.463.578 uranaih di umo meng 0 tal 14 thun di dunya yaom lac tagok jaik 10 triệu menuac urang duk saong thun dahlau. Piah ka dom uranaih ini taduan mek hu paok pandap Giáng sinh, Santa Claus njauk bayan jien praong ka dom nhân công, blei pandap saong bảo trì radaih tuần lộc di ông taha Noel Santa Clause./.