# Mentri Thông tin saong Truyền thông bahrau brei thau bruk Chủ tịch Hội đồng thành viên Tổng công ty MobiFone Lê Nam Trà hu salih mai ngak bruk di Văn phòng Bộ. Thứ trưởng Mentri Truyền thông saong Thông tin Phạm Hồng Hải anak meta brei ngak điều hành Hội đồng thành viên di  MobiFone.

# Urak ini, di Việt Nam, bruk iek ruak ka urang ruak gam njaom HIV gam njaom lao daok gaok rilo kan kandah. Urang njaom lao saong HIV jeng lac urang mbuan kháng rilo jru saong sieu kháng jru. Yau nan ye bruk pacang caga lao saong HIV lac sa asal kadha praong di dom jalan pacang caga lao saong HIV dalam taneh ia drei, tuk rilo urang njaom lao saong HIV barau patagok labaih 5.500 urang yaok thun.

# Harei 22/6, gilai KN 408 hu nao jaik sruh gilai ikan njauk bala PY 62681 TS daok tatheik angaok tasik saong peih bruk katung dui. Sruh gilai  taong ikan PY 62681 TS kayua ong Trần Thuận ngak thuyền trưởng saong ong Trần Tâm daok di phường 6, bal Tuy Hòa, tỉnh Phú Yên ngak po sruh gilai. Gilai 408 hu ba gilai PY 62681 TS haong dom urang taong ikan mai tal pulao tasik Tốc Tan.

# Pathau khan di Chi cục pala drak saong khik caga phun pala tỉnh Bắc Cạn brei thau, urak ini anek jam ka-ing kanyik hu mboh rilo di 12 xã di 4 huyn dalam tỉnh, taneh gaok khat lihik lac labaih 700 ha glai vầu, nứa; 15 ha tangei, padai, dong riềng. Mật độ rilo meng 2 rabau tal 3 rabau drei sa m2, abih di nyu nan lac hu labik hu labaih 10 rabau drei sa m2. Taneh gaok khat lihik daok mbuan si pambak praong.

# Bal raya Hồ Chí Minh lac labik akaok meti dalam negar peih ngak iek bruk padang Ban Quản lý An toàn pandap mbang menyum, pasang iek, pacang cakak hu siam bruk pandap mbang menyum nerak tachauk, pacang khik pren yava ka uranaih. Yau nan min, tal ini bruk lahik vệ sinh An toàn pandap mbang menyum jeng daok ngak ka bhap bani huac kanda ka chất lượng van huak.

# Ủy ban bhapbini tỉnh Lâm Đồng barau patabiak harak phạt Công ty thương phẩm Atlantic Việt Nam (libik ngak bruk di Khu công nghiệp Lộc Sơn, ban sit Bảo Lộc, Lâm Đồng), yaom jien labaih 400 triệu đồng, ka bruk tuh ia nerak tabiak alam moi truong.

Khaw tin dunya:

 # Tukvak Harei dunya brei ka urang tị nạn (20-6), Liên hợp quốc (LHQ) pok sap iew dom negar patagok bruk daong ka urang tị nạn. Tân Hoa xã ba panuac Tổng Thư ký Liên hiệp quốc A. Guterres brei thau, khik caga urang tị nạn nan lac bruk tui adat hukum dunya, manuac urang tị nạn urak ini daok di tanut glaong abih dalam dakrai sajarah, min ralo negar jeng daok oh taduan mek dom urang ini.  Liên hiệp quốc huac ka bruk tamuh tagok bruk bài ngoại ngak ka urang tị nạn hu mong yau dom urang ba tal khủng bố, bo biak di nyu dom urang tị nạn lac nạn nhân

# UNICEF brei thau, yaok harei hu labaih 1.000 uranaih klak Nam Sudan piah duah libik tị nạn siam jang. Dalam sa thun tapa, dom urang tị nạn di Uganda rilo jang dua mbang, tagok tal 1,25 triệu urang. Dalm tuk nan, tui Cao ủy Liên hiệp quốc ka urang tị nạn (UNHCR), thun 2016 hu labaih 8.700 urang likau tị nạn di Mexico, dalam nan 90% mai meng bhum klau kieng Bắc Trung Mỹ.

# Văn phòng truyền thông raja-ei Qatar bahrau brei thau, Akaok mintri jien padai negar ini hu sanya haong Akaok mintri jien padai Mỹ dalam mbang nao rivang Washington adat dahlau lac, Qatar daok khik kajap  bruk pablei tabiak negar langiu khí cuh thiên nhiên hóa lỏng tabiak darak pasar dunya. Panuac sanya ini hu ba tabiak dalam tuk dom negar vùng Vịnh ba tabiak bruk trừng phạt Qatar, labik pablei tabiak negar langiu khí cuh thiên nhiên hóa lỏng prong abih dunya./.