# Biar harei 24/1, Phó akaok negar, amuk Đặng Thị Ngọc Thịnh haong kapul ngak bruk mai hu mbaok peih bruk padang ngak sang bac Trung học cơ sở xã Vinh Phú, huyện Phú Vang  tỉnh Thừa Thiên-Huế. Sang bac nan hu yaom jien buh tame ngak lac 5 tỷ đồng, padang ngak di mblang taneh praong 20.000m². Tapa nan, Phó akaok negar hu alin 500 paok pandap Tết daong ka urang sup meta saong uraniah jaoh jo daok di ban sit Phú Đa saong ban sit Huế..v..v… 

 # Bair harei 24/1, angaok mạng xã hội, rilo urang bhapbini puac hu công văn ka 6051 brei thau lac mintri pato megru brei anek saih, sinh vien padheih bac bair harei 27/1. Min, mintri pato megru brei thau ini lac công văn ja. Mintri pato megru hu pandar gah Công an tame ngak bruk piah ngak cambaih bruk ini, taphia nan hu harak kayua ka dom Sở pato megru saong dom cơ sở pato pakai dalam taneh ia piah caga ka harak  ja ini.

 # Ủy ban Mặt trận Negar  tỉnh Ninh Thuận bahrau pambuak bruk haong Gilang pariak Thương mại cổ phần Ngoại thương Việt Nam - Dhar tỉnh Ninh Thuận peih bruk jao 100 drei limo pajiah brei ka sang urang bangsa Raglai kan kathaot daok di xã bhum ceik Phước Thắng-huyện Bác Ái, ngan saong yaom jien abih tih lac 1,5 tỷ đồng. Ini lac bruk ngak siam rik daong ka bruk padang phun jien tuk camereip ka dom sang kan kathaot di xã Phước Thắng hu jalan cakrok patagok ngak mbang, duah hu jien saong tabiak truh kan kathaot khang kajap

# Piah ba mbuan lagaih ka uranaih sang kan kandah taom gaok saong bui menin dalam tuk tết mai xuân tal, bair harei kabroi 24/1, Kadung jien daong uranaih tỉnh Bình Dương peih ngak danakdak “ Xuân ka uranaih kan kandah” mbang yaka 6 thun 2018 saong alin brei 1.700 paok pandap ka uranaih sang kan kandah. Danakdak thun ini jeng  jak ba hu labaih 3 tỷ 5 ratuh triệu đồng ka kadung jien daong uranah tỉnh Bình Dương pasang iek uranaih kan kandah dalam tỉnh.

 # Tui Pasak xúc tiến đầu tư thương mại saong nyaom darak parang iek Cần Thơ, thun ini bruk xúc tiến, thương mại hu daong ngak brei patagok jien mek tame meng pablei pandap tabiak negar lingiu saong jien mek tame meng dịch vụ di ban sit hu labaih 1.7 triệu đô la, rilo jang 5,9% bruk ba tabiak, rilo jang 13,9%  dut saong thun 2016. Lingiu brah, kaya ikan, ye baoh kayau  hu ban sit ba tame piah cakrok, patagok bruk pablei tabiak taneh ia lingiu

Khaw tin dunya

# Mintri jien padai Mỹ harei kabroi (24/1) brei thau dom lệnh trừng phạt kinh tế barau ngan saong Cộng hòa dân chủ bhapbini Triều Tiên, pamaong tame 9 thực thể, 16 urang saong 6 kapal gaok cáo buộc lac daong rajaei Triều Tiên patagok danakdak hạt nhân. Dalam dom thực thể gaok lệnh trừng phạt hu 2 công ty pablei salih hu jabat ngak bruk di Trung Quốc, gaok cáo buộc pambuak tal bruk pablei kim loại tabiak taneh ia lingiu saong dom pandap karei hu pandar dalam gah công nghiệp quốc phòng di Triều Tiên.

# Kayua tuyết laik kapal di bhum Kan-tô - Cô-sin  (Kanto-Koshin), dalam nan hu ban ine Tô-ki-ô (Tokyo) di akaok adit ini ngak ka dom jalan radaih pui di ban ine Tô-ki-ô di Nhật Bản saong dom bhum jaik taphia urak ini jeng daok kreik pabah mbang. Hu tuk, tuyết laik kapal tal 23 centimet di bhum pasak ban ine Tô-ki-ô.. Abih tih labaih 700 mbang radaih paoh gauk  dalam mbang  tuyết laik kapal ini, saong hu takik di nyu 380 mbang par brei padeih, bruk nao mai angaok jalan gaok kan kandah.

# Dalam mbang nao ravang Inđônêsia, akaok mintri Quốc phòng Mỹ Giêm Mát-tít hu tagok sap ieu Thổ Nhĩ Kỳ njauk ngak bruk quân sự “kiềm chế” di gah Brak Xyri. Ông Giêm Mát-tít ndom lac, dom bruk ngak quân sự di Thổ Nhĩ Kỳ hu ngak tayah bruk gilac mai sang di rilo urang tị nạn Xyri, meda peih jalan tamuh veik dom kapul khủng bố di bhum ye An Kê-đa saong kol IS./. 

Musa saong Thúy Linh lang tapa sap Cam