# Biar harei 24/8, hadei di tuk taduan raok pak Phủ Tổng thống, bal ine Nay-Pi-đo - Mi-an-ma, Tổng Bí thư Nguyễn Phú Trọng hu taom gaok Tổng thống Mi-an-ma Tin Chô. Dua urang pal akaok hu ndom menyai nao mai haong gauk  saong brei mboh hatai anit, iek praong sajarah, taneh aia, anek manuac jeng yau talei rohim pambuak bruk Việt Nam – Mi-an-ma. Hadei di tuk taom gaok, Tổng Bí thư Nguyễn Phú Trọng hu ginum biai haong Tổng thống Mi-an-ma Tin Chô.

# Kaput pasang iek Hội đồng bangsa di Quốc hội kayua ông Hà Ngọc Chiến - Ủy viên Trung ương Đảng, akaok Hội đồng bangsa ba akaok kapul hu var ngak bruk saong tỉnh Lai Châu ka bruk peih ngak sarak adat hukum ka jao brei taneh, jao brei glai ka bhapbini saong sang bhapbini bhum bangsa takik, bhum ceik tukvak 2006 - 2016. 

 # Pak bal Phan Rang - Tháp Chàm, Ủy ban bhap bani tỉnh Ninh Thuận gam haong Đại học Quốc gia bal raya Hồ Chí Minh bahrau peih bruk mboh tangin tame harak pambuak bruk roh duah khoa học, panduan jao công nghệ, pato megru, paglaong  ilamu, pabak ka bruk patagok kinh tế - xã hội di tỉnh Ninh Thuận tukvak 2017-2021.  

# Ủy ban Mặt trận negar Việt Nam tỉnh Quảng Bình barau pok meyaom urang hadah trah, hu angan je dalam bhapbini bangsa takik tukvak 2012-2017. Di nyaom biai, 50 urang hadah trah hu angan je dalam bhapbini bangsa takik hu rilo rik daong ka bruk pakacah anit ranam taneh ia di tỉnh tukvak 2012-2017 hu pok je.

  # Kapul urang  Quốc hội tỉnh Bình Phước pambuak haong Tỉnh đoàn, kapul urang pachreih bac tỉnh pok brei pol jien bac mbang ka VI thun 2017 ka 520 anek saih, sinh viên yam tapa kan kandah bac megru naih jioi. Dalam nan, yaok pok jien bac brei ka anek saih tiểu học lac 1,2 triệu đồng; anek saih trung học cơ sở  1,5 triệu đồng; anek saih trung học phổ thông  2 triệu saong sinh viên lac 5 triệu đồng.  

# Tỉnh đoàn Hậu Giang saong Công ty cổ phần tabau saradang Cần Thơ (CASUCO) barau peih danakdak truac hadah caong khin piah pasang iek, daong anek saih sang kan kandah dalam thun bac barau 2017 – 2018. Tui nan, alin labaih 500 paok jien bac saong labaih 20.000 baoh siphau ka anek saih dalam tỉnh piah nao bac.

# Thun bac 2017 - 2018, Đại học Huế hu ralo sarak ưu đãi, brei ngak dahlau ka dom sinh viên lac anek mamuac baoh sang sarak karja, hu rai diuk kan kandah, anek kamuan urang bangsa takik, di bhum atah bayah tame daok dalam dom ký túc xá piah mbuan lagahih ka bruk bac megru saong sinh hoạt. Pasak Phục vụ sinh viên Đại học Huế hu caik 4.220 labik ka sinh viên di 3 khu ký túc xá: Tây Lộc, Đống Đa saong Trường Bia; dalam nan hu labaih 1.200 labik brei ka dom tân sinh viên dalam thun thu bac 2017 - 2018. Phân hiệu Đại học Huế pak tỉnh Quảng Trị brei sinh vien bahrau bac thun 1 tame daok oh mek jien. 

Khaw tin dunya

# Urang jakar ngak praong di Ấn Độ, Bangladesh saong Nepal barau brei thau, dom urang metai di dom mbang hajan xua di 3 taneh ia Nam Á ini  tagok tal labaih 1.000 urang, dalam tuk dom kapul daong daok duah jalan taom gaok yaok triệu urang daok gar kayua hajan xua hu brei thau lac bruk ini jhak abih dalam dom thun jaik ini di bhum ini.

  # Campuchia bahrau trục xuất 122 urang Trung Quốc, dalam nan hu 16 urang kamei, medil lac hu mbaok dalam sa kapul pandar dịch vụ viễn thông piah ngak jien dom nạn nhân di Trung Quốc. Trung tướng Ouk Hai Seila, urang dang akaok gah điều tra dalam Tổng Cục di trú Campuchia brei thau cambaih Trung Quốc hu brei 2 sruh kapal haok mai pajeng dom urang ini. Tui urang jakar ini, dom urang nan meda ba mai tỉnh Tứ Xuyên, Tây Nam Trung Quốc, tapa mblang kapal haok dunya di tỉnh Siem Reap, Tây Bắc Campuchia. 

# Mintri ngak nong Philippines barau brei thau chủng virus kum menuk ada hu duah mboh di dom trang trại menuk ada di pulao Luzon di taneh ia ini lac H5N6, chủng virus meda pambak tapa menuac. Ini lac chủng virus biak jhak ka menuk ada saong meda ngak jhak tal menuac yaom lac bruk pambak tapa menuac biak bair. Kuhria meng tuk chủng virus H5N6 hu duah mboh di thun 2013, tok hu 20 urang njaom mbak ruak di dunya./.