# Biar harei 24-12, pak Hà Nội, Ban Tacei pato Trung ương ka pacang caga bala meng langik tasik (PCTT) peih Nyaom biai tapak pacang caga  ribuk ka 16 (Tembin). Thủ tướng Nguyễn Xuân Phúc hu mbaok saong brei panuac. Thủ tướng pandar dom Tỉnh uỷ, Thành uỷ, UB bhap bani dom puk palei dalam labik nao tapa di ribuk ka 16, njauk pambuak bruk catang haong dom dom mentri, ngành, jabat pambuak pagam piah pacang caga ribuk hu siam mekre, samar drah tacei pato khik caga siam mekre menuac urang saong drap ar di bhap bini.

# Urak ini, dom puk palei meda hu ribuk Tembin nao tapa daok drak samal ba yaok rituh ribau urang bhapbini, padang biển, libik katok ka kapal gilai, pacang caga sang danaok, khik caga đê kè, lồng bè … piah caga ribuk 16.

- Mban tacei jalan pacang caga bala meng lingik tasik saong daong duah urang njauk bala tỉnh Tiền Giang brei thau, tal tukvak ini, huyện Gò Công Đông hu bloh jalan caga panduan ba labaih 20 ribau menuac, pacang caga 1,700 baoh sang, ieu pataom labaih 1300 dam dara piah khik caga ar tuk hu ribuk tuh tame. Dom gah chức năng tỉnh hu  ieu labaih 800 kapal gilai tame labik pataok siam mekre, plaih ribuk.

– Tui harak pathau khan di urang pal akaok UB bhap bani bal Vũng Tàu, tỉnh Bà Rịa – Vũng Tàu, bal ini hu ba tabiak jalan ngak, tui kuhria panduan ba jaik 16.500 baoh sang di dom labik mbuan rah tabiak bala. Hu ba taong abih baoh sang raong lồng bè saong dom baoh sang daok angaok dom baoh kraong tasik tame labik siam mekre.

– Jabat chức năng tỉnh Cà Mau daok jak ba, tacei pato 3.002 sruh ghe gilai ngan haong labaih 18.700 urang tame labik pataok siam mekre. Urak ini, Cà Mau daok 463 sruh gilai (3.382 urang) angaok tasik, dalam nan hu 164 sruh gilai taong mek atah. 338/463 sruh gilai angaok tasik daok tame ar tame labik plaih njaik ribuk. Daok veik 125 sruh gilai ngan haong 916 urang likau palih njaik ribuk di  Malaysia saong Thái Lan.

 Patui di ini, lac dom khau tin karei karei njauk caik hatai:

# Biar harei kabroi 24/12, gah chức năng duah mboh tau sa-ai K’Suyên, urang metai hadei di tuk thách gauk caluai tapa danao hồ Xuân Hương Đà Lạt, tỉnh Lâm Đồng. Hu thau, dahlau di tuk caluai tapa danao hồ Xuân Hương, anh K’Suyên saong dom ayut hu menyum alak tapai.

# Công ty TNHH Thương mại ngak gilai Khiên Hà bal Hải Phòng pambuak haong Gilang pariak Thương mại Cổ phần Công thương Việt Nam (Vietinbank) dhar  Quảng Trị bahrau pok jao sruh gilai taong ikan kanduh pasei ngak bahrau tui Nghị định 67 di Raja-ei ka urang taong ikan Bùi Đình Trầm, daok di bal sit Cửa Việt, huyện Gio Linh. Gilai hu công suất labaih 800CV, atah labaih 28 m, prong 7 m, gilai hu công suất 12 hải lý/giờ, taong abih jien ngak jaik 20 tỷ đồng. 

# Gam saong bhap bini dalam taneh ia, di ban sit Buôn Ma Thuột, tỉnh Đak Lak, yaok pluh ribau urang tui agama Kitô giáo, bhap bini saong tuai du lịch, hu trun jalan nao tal dom Nhà thờ, uan raok Giáng sinh. Adei Võ Hoàng Yến, mai meng huyện Krông Pak brei thau:       

(Băng: Adei caong lac, bruk uan raok giáng sinh hu pambak tal grauk labik saong adei caong siam mekre, haniem phul hu dui atah sa thun, sa thun siam mekre selamat)     

Khaw tin dunya:

9 # Sa sruh kapal haok tư nhân laik trun tuk dok par tagok di sa mblang kapal haok sit pak bang Phlo-ri-đa (Florida), Mỹ. Urak ini jeng oh ka thau makna ba tal bala, min gah cảnh sát brei thau, dalam tukvak rah tabiak bala, aia kakuan biak tapal. Urak ini oh ka thau dom urang metai saong angan je dom urang nan, kayua sruh kapal haok nan njauk apui khuah hadei di nan. 

# Urang dang akaok Ủy ban bầu cử Libi I-mát An Xay-ê (Imad al-Sayeh) bahrau brei thau, bruk bầu cử Tổng thống saong Quốc hội di taneh ia ini hu peih ngak dahlau di harei 30/9 thun tali. Tui ong, bruk tut angan di cử tri daok rah tabiak dalam siam mekre. Urak ini, hu labaih  1 triệu cử tri tut angan saong meda hu rilo jang.

# Dom kapul cứu hộ Phi-lip-pin harei 24/12 jeng daok duah urang daok diuk pak gah Meraong Phi-líp-pin hadei di ribuk nhiệt đới Tem-bin (Tembin) tuh tame. Ribuk ini ngak ka labaih 200 urang metai saong ngak ka yaok pluh ribau urang lihik sang danaok./.

 Jasi/VOV- TP.HCM