# Ủy viên Bộ Chính trị, Phó Thủ tướng Trương Hòa Bình saong Kapul ngak bruk di dom mintri,  ngành Trung ương ngak bruk haong tỉnh Quảng Ngãi ka peih ngak sarak patrun kathaot, bangsa bhum ceik; rivang dom sang sarak karja tuk pahadar 70 thun harei Thương binh liệt sỹ 27/7. 

 # Harei 24/7, kapul ngak bruk ka 4 di mban tacei jalan Trung ương ka pacang caga tham nhũng kayua ong Uông Chu Lưu, Ủy viên Trung ương Đảng, Phó Chủ tịch Quốc hội, Phó Trưởng ban  pan akaok kapul hu ngak bruk saong saong Tỉnh ủy Bắc Kạn piah pasang iek bruk thanh tra, khởi tố, điều tra, truy tố, langyah dom bruk tham nhũng, kinh tế trak daok hu menuac sia caik hatai sangka.

# Tui m Ban tacei jalan Bảo hiểm y tế toàn dân tỉnh Trà Vinh, dalam mbang nyaom ka 4, Hội đồng bhap bini tỉnh Trà Vinh khóa IX, tukvak 2016-2021 meng bloh hu tabiak bruk lac meng thun 2017-2020 daok patui bruk daong 30% yaom jien blei thẻ bảo hiểm y tế ka urang sang jaik si kan kathaot daok dalam tỉnh. Yau nan, meng ini tal thun 2020, urang di sang jaik si kathaot dalam tinh Trà Vinh daok hu daong taong abih yaom jien blei thẻ B.hiểm y tế; dalam nan jien Trung ương daong 70%, 30% daok veik meng kadung jien karja tỉnh.

# Meng rilo bruk ngak, tukvak meng thun 2012 tal urak ini, dom tổ chức tôn giáo dalam tỉnh Thừa Thiên - Huế kham merat hu mbaok tame bruk daong ngak pahala saong yaom jien labaih 63 tỷ đồng; dalam nan, jien daong an sinh xã hội di dom tổ chức Phật giáo dalam tinh jaik 57 tỷ đồng.  Dalam tỉnh hu 18 sang bac, labik pato mầm non kayua dom tổ chức tôn giáo padang tagok; dalam nan hu 4 sang bac mek hu chuẩn negar pakat 1; 11 labik khám, iek ruak ngak pahla saong 7 labik daong xã hội kayua dom tôn giáo padang tagok. 

# Meng akaok tal ini, dom urang njauk ruak pandiak tabiak darah dalam tỉnh Phú Yên trun takik jang duk saong thun bloh moin  jit ruak jeng daok rah tabiak dalam kan kandah. Tui Sở Y tế Phú Yên, tal urak ini dalam tỉnh hu 811 mbang urang njauk ruak pandiak tabiak darah ngan saong 39 sruh jit. Duk saong tukvak ini thun bloh, trun takik jang 745 mbang min Phú Yên jeng daok lac tinh dang ka 6 dalam 11 tỉnh, ban di bhum kreh negar hu menuac njauk ruak pandiak tabiak darah.  

# Tui Sở Lao động, Thương binh saong Xã hội tỉnh Cà Mau, dalam thun 2017, Sở hu pato bruk ngak ka  13.000 urang ngak bhum tapen tasik, rilo meng lac di dom huyện: U Minh, Trần Văn Thời, Phú Tân, Năm Căn, Ngọc Hiển saong Đầm Dơi. Dalam nan, 5.700 urang ngak hu pato bruk ngak tui Quyết định 1956 di rajaei, tapa nan urang ngak duah hu bruk ngak tapa pato pakai lac meng 80% tagok, daong ka ka urang ngak bhum tapen tasik hu bruk ngak tani tanat, daong salih jalan ngak mbang, patruh eik patrun kathaot khang kajap. 

# Tỉnh Vĩnh Long peih ngak rilo bruk piah pasang iek daong drak samal xử lý dom bruk ngak suan dalam pajeng ba saong pablei cuah kraong; dalam nan sangka bruk  niêm yết công khai yaom pablei cuah, pasang iek hóa đơn, harak gar ka dom radaih duah mek saong pajeng cuah tapa puk palei.

 Khaw tin dunya:

# mintri quốc phòng Nga harei 24/7 brei thau, labaih 1 rabau 200 urang lin mai meng 22 taneh ia hu nao tal Nga piah pataom tame Giải đấu quân sự dunya - 2017, kuhria peih ngak di puac bilan ini. Dom kapul pataom tame giải pakacah thun ini mai meng A-déc-bai-jan, Ác-mê-ni-a, Bê-la-rút, Trung Quốc, Ai Cập, Ấn Độ, Nam Phi saong dom taneh ia karei. Tui lịch trình, giải pakacah meda dui atah di dua adit meng harei 29/7 tal harei 12/8 tal.

# Cảnh sát San An-tô-ni-ô, bang Tếch-dát, Mỹ brei thau, hu takik abih  9 urang metai saong 30 urang karei daok iek ruak hadei tuk gaok tajhaik tame sa sruh radaih tải, hu duah mboh di gah lingiu sa siêu thị di San An-tô-ni-ô barau blaoh. Thống đốc bang Tếch-dát Gréc Áp-bốt ndom lac, ini nan sa bruk pablei menuac saong bruk ini hu maong lac sa bi kịch pandik hatai kayua lingiu 9 urang hu brei thau lac metai, 30 urang daok veik hu duah mboh dalam thùng sruh radaih jeng njauk tame sang iek ruak, dalam nan 17 urang jeng daok dalam bruk nguy kịch, lihik ia saong gaok sốc nhiệt kayua pandiak rilo.

# Mintri Y tế Malaysia tagok sap ieu dom gah chức năng saong urang bhapnini taneh ia ini dam ba gauk caga jit ruak pandiak tabiak darah daok rah tabiak jhak di ini. Akaok mintri Y tế Malaysia S. Subramaniam barau brei thau, tal tukvak ini taneh ia hu mboh 51.000 ca pandiak tabiak darah, dalam nan hu 122 urang metai. Dalam thun 2016, di Malaysia hu labaih 101.500 urang gaok ruak pandiak tabiak darah, ngak takik abih 230 urang metai./.