# Mentri Y tế brei thau: Tui pathau khan ka bruk pasang iek di dom tỉnh, ban, meng akaok thun 2017 tal ini, dalam negar hu labih 43.000 urang njauk ruak tangin takai cambuai DI 63 tỉnh, bal, dalam nan hu labaih 20.000 urang tame sang iek ruak, oh hu urang halei metai. Dut haong tukvak ini thun 2016, manuac urang tame sang iek ruak trun 1,9%. Mentri Y tế pandar Chủ tịch ỦY BAN bhap bani dom tỉnh, bal di Trung ương patagok bruk pacang cakak jiet ruak tangin takai cambuai. 

# Bruk glut jaleih takai kraong Krông Nô labik nduac tapa palei Plao Siêng, xã Ea R’bin, huyện Lắk, Đắk Lắk rah tabiak dak harei dak trak. Rilo baok sang di  bhapnini  daok dang anak bruk mbuan theik tui ia, mbuan metai lihik. Kadha njauk biai nan lac, bruk glut jaleih takai kraong ini rah tabiakmeng rilo thun ini mai, hu dom sang njauk ba tame gah dalam padang veiki meng 2 tal 3 mbang, rilo taneh pala drak di urang bhapnini jeng gaok ia ba theik, ngak kan kandah tal pala drak, daok dang bo daok mbuan ba tal metai, lihik.

# Pak Hà Nội, Ban Tuyên giáo Trung ương, Nhà xuất bản Chính trị Quốc gia Sự thật peih nyaom biai pataom iek veik Đề án pabak tapuk ka xã, phường, thị trấn vaktu 2009-2016. Đề án nan hu xuất bản jaik 400 akaok tapuk (dalam nan hu gam CD-ROM saong CD Audio) ngan haong labaih 9,4 triệu bản sách. Tapuk hu ralo asal kadha ka bruk dak padang Đảng, karja, tổ chức chính trị - xã hội, bruk khik ramik, pandar khoa học kỹ thuật ka  xã, phường, thị trấn.

#Dom thun tapa, phun jien brei mesraiy ưu đãi di Gilang pariak sarak karja tỉnh Quảng Trị hu daong dom sang urang dahlau thiah ngak bol lin sang kan kandah dalam tỉnh yam tagok patagok kinh te, dak harei dak mboh rilo mo hinh kinh te nao dahlau. Tal puac bilan 6/2017, hu labaih 10.000 sang urang dahlau thiah ngak bol lin tapa 323 tổ patak pataom jien mesraiy saong jien sraiy ủy thác tapa kapul urang dahlau thiah ngak bol lin tỉnh abih tih 334 tỷ đồng.

# Dalam tukvak tapa, dalam gah padang ngak di tỉnh Cà Mau hu ralo jalan ngak bahrau; dalam nan hu bruk pasaim Bộ thủ tục hành chính, cakak trun tukvak ngak harak gar hành chính. Sở Xây dựng hu padang ngak quy trình pakatut tukvak langyah 18 harak gar hành chính. Tukvak pakatut meng 20% - 50% dut haong tukvak quy định. Urak ini, Sở daok pok panuac tagok ỦY BAN bhap bani tỉnh brei katut panak 20% tukvak langyah ka yaok harak gar hành chính.

# Tok dalam sa melam, jaik 2 héc ta glai tamo di xã Trường Xuân, huyện Đắk Song, tỉnh Đắk Nông njauk urang jah tak abih mbon. Bruk njauk ndom nan lac bruk jhah tak glai mek kayau, meblah taneh pala drak libik ini rah tabiak dalam rilo thun saong dak harei dak khang jang anak bruk thờ ơ di dom gah chức năng. 

# Palei ngak lan am Mỹ Thiện, thị trấn Châu Ổ, huyện Bình Sơn (Quảng Ngãi) daok dak harei dak lahik nao, meng tuk hu jaik 40 baoh sang hu mbaok tame ngak bruk ini urak ini daok sa baoh sang min. Piah khik ramik saong patagok bruk ngak ini, Sở Ilamo padhih saong Du lịch, Sở Công Thương tỉnh Quảng Ngãi daok duah jalan daong yau palaghaih ka baoh sang nghệ nhân Đặng Văn Trịnh – rai puac abih khik veik bruk ngak hu umo yaok rituh thun bo ong akaok ong akei caik veik. 

  Khaw tin dunya 

# Harei 23/8, mintri Ngoại giao Iran hu panuac lên án khang bruk không kích di liên quân Arab kayua Saudi Arabia dang akaok taong tame dom libik bhapnini daok di  ban ine Sanaa di Yemen, ngak ka yaok pluh urang metai. Urang brei panuac di mintri Ngoại giao Iran Bahram Qasemi hu panuac ieu Liên hợp quốc  samar jhul khang bruk kham merat piah padheih dom bruk không kích di Saudi Arabia di bhum taneh Yemen.

# Piah patagok bruk pasang iek bhum taneh Tây Thái Bình Dương, Mỹ hu ba tabiak bruk lắp đặt dom hệ thống radar di Palau. Dalam sa tuyên bố chung harei 23/8, Mentri Quốc phòng Mỹ saong Raja-ei Palau brei thau dua gah daok pambuak gauk  piah ngak siam bruk padang dom trạm radar di pulao ini.

# Cảnh sát Hà Lan melam 23/8 pacang cakak hu âm mưu tấn công hadei di tuk mboh saong mek khik urang tài xế lái sruh radaih  tải pajeng bình gas tal jaik libik kuhria peih var mein nhạc rốc di ban Rốt-téc-đam. Bruk mek khik hu ngak tui panuac khan di gah chức trách Tây Ban Nha, min bruk ini hu brei thau lac oh pambuak tal dom mbang tấn công di Bác-xê-lô-na barau ini./.