# Biar harei kabroi (25/1), pak jabat Trung ương Đảng, Tổng Bí thư Nguyễn Phú Trọng hu raok Kapul urang lambaok Mentri Quốc phòng Hoa Kỳ kayua Akaok Mentri James Mattis ba akaok daok rivang Việt Nam. Tổng Bí thư ndom lac mbang rivang ini di akaok mentri James Mattis hu daong ngak brei pakajap saong peih ngak dom kadha sanya pakat glaong di dua negar.

  # Gah chức năng tỉnh Nghệ An barau mek khik 18 tấn labung tẩm hóa chất gam saong dom hop hóa chất di sang saai Hồ Khắc Ngọc Tân, 27 thun daok di khối Tân Hòa, phường Vinh Tân, ban sit Vinh. Saai Tân khan lac, dom paok labung ini hu blei mai meng dom huyện bhum ceik, hadei di nan tram tẩm, tẩy mbon piah pablei lẻ ka dom urang blei di darak pak ban sit Vinh saong dom huyện jaik taphia.   

# Langik tasik tuk pandiak tuk hajan gam haong aia kakuan tapal dalam van page mesup dalam sa bilan tapa daok ngak ka yaok ribau giỏ cúc mâm xôi di sang bein pala bingu di palei bingu Sa Đéc, tỉnh Đồng Tháp nerak bingu avan. Dalam tuk nan, daok jaik 3 adit tra meng tal Tết Nguyên đán Mậu Tuất. Bruk ini daok ngak ka ralo baoh sang duh hatai kayua nyu pambak tal jien mek tame di urang pala bingu. 

  # Hadei di 5 thun padang tagok (25/01/2013 – 25/01/2018), sang bac Đại học Nam Cần Thơ bhian tuyển sinh  thun hadei rilo jang thun dahlau saong kham merat tal thun 2023 mek hu chuẩn khu vực saong dunya di dom danakdak pato megru. Jalan nao di sang bac lac kham merat piah jeng sa dalam 15 sang bac đại học hu chất lượng dang akaok taneh ia ngan saong rilo danakdak pato pakai tui chuẩn khu vực saong dunya.

# Phòng Cảnh sát Truy nã - Công an tỉnh Gia Lai bahrau cap mek hu sa urang kacaoh urang jakar khik iek glai di huyện Kbang dalam bilan 10/2017 saong ba jao urang ini ka Công an huyện Kbang điều tra, xử lý. Urang bahrau njauk cap mek nan  angan Trần Văn Hải (SN 1987, daok di huyện Kbang) tuk daok nduac dauk di phường Tây Thành, quận Bình Tân, bal raya Hồ Chí Minh.

Khaw tin dunya

  # Jaik 270 urang mai meng jaik 40 taneh ia di châu Á, châu Âu daok tui bac di Tôkiô (Nhật Bản) barau tame mbang pasram ngak di mblang beir Se-ta-gay-a Uốt (Setagaya Ward) piah caga ka sa mbang megaiy taneh praong meda rah tabiak. Dalam nan, hu du học sinh, sinh viên saong dom urang jakar đại sứ quán.

# Akaok mentri Quốc phòng Hàn Quốc Sông Âng Mu (Song Young-moo) meda taom gaok haong Akaok Mintri Quốc phòng Mỹ Giêm Ma-tít (Jim Mattis) pak Ha-oai dalam harei (26-1), piah klah rabha thông tin ka dom hagait daok rah tabiak angaok pulao kaoh Triều Tiên. Dua gah meda ginum biai jalan pambuak bruk piah khik iek sron mbon saong an ninh dalam tukvak rah tabiak Olimpic Pi-âng-Chang saong Thế vận hội urang jaoh jo (Paralympics) bo Hàn Quốc dang tabiak peih ngak di bilan 2 anak tal.

# Harei kabroi (25-1), Tòa sơ thẩm, Tòa án Phnômpênh tuyên phạt ông Lư Lai Srêng (Lu Lai Sreng), dahlau dhaih ngak Phó Thủ tướng Campuchia 127 rabau đô la Mỹ ka tội lăng mạ patao saong Thủ tướng Hun Sen. Ông Lư Lai Srêng lac urang di đảng Bảo Hoàng, dahlau dhaih ngak Phó thủ tướng Campuchia dalam dom thun barau peih paha Pôn Pốt, urak ini padheih bruk./.

Jasi saong Thúy Linh lang tapa sap Cam