# Melam 25/12, pak huyện pulao Phú Quốc (Kiên Giang), Mentri Ilamo, Padhih saong rirang ma-in pambuak haong Ủy ban bhap bani tỉnh Kiên Giang Peih bruk Tamat “Thun Rivang ma-in negar 2016 - Phú Quốc – Bhum taneran kraong Cửu Long”. Brei panuac di tuk nan, Phó Thủ tướng Vũ Đức Đam lac: Hatai jia saong bruk chreih chrai di dom doanh nghiệp buh jien tame padang ngak dom dự án duh ka bruk rivang ma-in, dom khu du lịch praong, siam saong jalan ngak mbang bahrau njauk tui tiêu chuẩn dunya hu pakajap saong pambak prong tabiak dom puk palei karei dalam negar. Dom kadha pambuak pagam tal bruk cakrok patagok du lịch hu mong mboh meng ralo thun min daok hu ralo panuac karei di gauk yau khik iek xuất nhập cảnh, visa điện tử, xúc tiến du lịch v.v. hu njauk gauk ka jalan ngak, peih tabiak jalan salih bahrau khang dalam tukvak anak tal.

# Di var ngak bruk saong 3 xã An Thới Đông, Lý Nhơn saong Bình Khánh di huyện Cần Giờ harei 25/12, Bí thư Thành ủy ban raya Hồ Chí Minh Đinh La Thăng pandar urang dang akaok huyện saong dom sở ngành di ban njauk tame dom saang kathaot piah nmgak bruk; ngak habal piah urang nong Cần Giờ patruh kathaot khang kajap, yam tagok ngak meda. Karja meda daong bhapbini mesraiy jien meng rilo gah piah meda ngak hu sa baok sang raong yến hu jien mek tame tani tanat, iek veik abih bruk pandar taneh piha ramik pasiam duh ka bhapbini Cần Giờ patruh kathaot.

#Page ini (26/12), pak huyện đảo Phú Quý, Ủy ban bhap bani tỉnh Bình Thuận peih bruk brei thau Quyết định di Thủ tướng Raja-ei công nhận pulao Phú Quý lac huyện mek hu chuẩn palei pala bahrau. Ini lac huyện akaok meti mek hu chuẩn palei pala bahrau di tỉnh Bình Thuận. Ngan haong bruk daong ba di Trung ương, di tỉnh Bình Thuận, bruk kham merat di Đảng bộ, Karja saong bhap bani puk palei, tal urak ini huyện pulao Phú Quý hu ngak salah blaoh 19/19 tiêu chí, hu Thủ tướng raja-ei công nhận lac huyện palei pala bahrau dalam harei 5/10/2016. 

# Dom harei ini, urang jakar, urang ngak gah điện daok kham merat ngak ka nyu salah blaoh bruk apdang jalan katung menyek mai truac ka 2 palei Trỉa saong Cát, xã Hướng Sơn, huyện bhum ceik Hướng Hóa, tỉnh Quảng Trị  piah mikva hu pandar menyek di dom harei Tết nguyên đán Đinh Dậu. Ini lac dua palei puac di tỉnh Quảng Trị hu ba brei abih menyek truac negar. Ông Phan Văn Vĩnh, Phó Giám đốc Công ty Điện lực Quảng Trị brei thau: Thun 2007 xã puac di Quảng Trị hu menyek. Urak ini hadei di 9 thun, ini lac dom palei puac di tỉnh Quảng Trị hu menyek. Bruk ini hu yaom biak praong, dalam nan hu bruk kham merat glaong di gah menyek, di karja puk palei jeng ye dom libik pambuak tal.

# Bal Đà Nẵng oh cuh pháo bingu dalam tukvak Tết Nguyên đán Đinh Dậu 2017. Tui bhap bani Đà Nẵng, bruk oh cuh phao bingu dalam tukvak tết Dương lịch 2017 ini lac bruk ngak njauk kayua bal Đà Nẵng meda peih ngak Lễ hội pháo bingu dunya Đà Nẵng 2017 di puac bian 3 saong dui atah jaik 2 bilan, nan ye bruk bruk gam gam cuh pháo bingu  meda ngak brei oh pachreih bhap bani Đà Nẵng jeng yau tuai damuai mai rivang ma-in.

# Bair harei 25/12, kapal SAR27-01 di pasak pambuak bruk duah daong urang njauk bala jalan tasik bhum 4 Nha Trang hu dui ba kapl ikan BĐ-96668TS gam saong 12 urang angaok kapal gaok bala tame cảng Nha Trang, tỉnh Khánh Hòa hu siam mekre. Tuk gaok bala, kapal ikan BĐ-96668TS atah di takai tasik  Nha Trang jaik 90 hải lý. Hadei di tuk taduan hu panuac brei thau, pasak pambuak bruk  duah thau, daong urang njauk bala jalan tasik bhum 4 Nha Trang hu brei kapal SAR27-01 daok trực di vịnh Nha Trang tagok jalan nao daong. Talk sa tuk pagaiy 25-12, kapal SAR27-01 hu nao tal kapal gaok bala piah dui ba tame ar..

# Sang bac Trung học phổ thông Hòn Gai, bal Hạ Long (Quảng Ninh) lac sang bac akaok meti di tỉnh Quảng Ninh daok peih ngak iek dự án “ba panuac pandao, ragu daoh bhap bani ngak ikan vịnh Hạ Long tame pato ka anek saih tal 10”. Dự án ba panuac pandao, ragu daoh bhap bani ngak ikan vịnh Hạ Long tame pato piah daong ka anek saih thau cambaih jang dom janih ilamo biak karei di bhap bani  bhum tasik Hạ Long, taphia di nan meda ba sap daoh di bhap bani labik taong mek ikan tal jaik anek saih.  

Khaw tin dunya        

# Hãng tin Tân Hoa xã di Trung Quốc harei 25/12 brei thau, sa mbang patuh di xưởng ngak pháobingu di libik palei pala gah Brak taneh ia ini ngak ka 8 urang metai atau lihik saong 16 urang karei bị thương.

# Gah chức năng Chi-lê hu talaih klaak dom panuac cảnh báo sóng thần hadei di mbang megei baoh taneh khang 7,7 độ rích-te rah tabiak harei 25/12 atah bal sit gah Meraong Puê-tô Môn (Puerto Montt) 225 km gah Tây Nam. Yau nan min, urang dang akaok Jabat pacang caga bruk khẩn cấp pakat negar Chi-lê (Onemi), ong Ri-các-đô Tô-rô brei thau daok hu dom labik njauk mong iek jang, caga hu sóng thần. Ong jeng ndom veik panuac jak ba bhap bani di Lốt La-gốt (Los Lagos) juai tabiak tasik saong njauk nao tal dom labik taneh tambok glaong.

# Quốc vụ khanh mintri Điện, dang , Năng lượng barau , Năng lượng tái tạo saong Mỏ di Ấn Độ Piyush Goyal (Pi-i-út Goi-a) brei panuac lac tal thun 2022, taneh ia ini meda lac sa dalam dom taneh ia apdang hệ thống sản xuất năng lượng meda tái tạo praong abih di dunya./.