# Thun 2018 lac thun akaok mereip  sang bac phổ thông bangsa gam bac gam dok  Mường Tè (Lai Châu) peih mbang pakacah  Trung học phổ thông pakat negar. Dalam mbang pakacah Trung học phổ thông pakat negar thun ni sang bac hu 72 thí sinh tut angan tame pakacah, rilo meng lac urang bangsa takik, urang biak kan kandah yau Cống, Mảng, La Hủ, Si La. Sang bac dok patom tame bruk ka anek saih ôn thi, bhian pathau khan piah amaik ame, thí sinh thau cambaih ka  mbang pakacah; khik kajap dom điều kiện ka cơ sở vật chất, trang thiết bị piah mbang pakacah rah tabiak siam mekre, tani tanat song mek hu kết quả glong.  

# Dalam tỉnh Gia Lai hu jaik 13.000 thí sinh pataom tame mbang pakacah Trung học phổ thông pakat negar thun 2018, di labaih 550 haduk pakacah di 37 libik pakacah dalam tỉnh. Piah khik caga bruk njauk dalam ngak hồ sơ tut angan pataom tame pakacah, Sở pato megru tỉnh Gia Lai hu padang 61 kapul dut iek, peih bruk dut iek chéo hồ sơ di dom libik tut angan tame pakacah piah duah mboh suan, drah samal ramik pasiam, pabak piah khik caga quyền lợi ka thí sinh.

# Pachreih tui bilan pahla thun 2018, Kapul dong urang ruak kan kathaot  ban raya  Hồ Chí Minh pambuak bruk song Hội Chữ thập đỏ tỉnh Bình Thuận jao 100 radeih lăn brei ka urang jaoh jo dok di tỉnh Bình Thuận. Urak ni, tỉnh Bình Thuận hu labaih 10 ribau urang jaoh jo song rilo meng lac hu rai duik kan kandah. Anak tal, Hội Chữ thập đỏ tỉnh Bình Thuận hu panuac ieu dom urang ngak pahla pambuak gauk peih dom bruk ngak dong ka urang jaoh jo yau tangi sua, brei pandap song dong trợ cấp xã hội. 

# Sở Du lịch pambuak bruk saong Sở Y tế ban raya Hồ Chí Minh barau tabiak mbaok Cẩm nang Du lịch Y tế caik ka tuai du lịch tuk mai ravang mein, daok veik di ban raya. “Cẩm nang Du lịch Y tế ban raya Hồ Chí Minh" hu brei thau ala dạng song ngữ Anh - Việt, yaih khan tuai damuai dalam taneh ia saong ia lingiu asal kadha ka pandap du lịch y tế di ban raya, ka 14 sang iek ruak hu Sở Y tế saong Sở Du lịch brei adat pambak tame tiêu chí taong yaom chất lượng dịch vụ, iek ruak hu chuẩn duh ka tuai damuai…

# Tui  Sở padang ngak  tỉnh Bình Dương, urak ni danak dak patagok sang dok  xã hội di tỉnh lac prong abih taneh ia ngan song  85 dự án, jaik 4 triệu m2 sàn sang dok. Urak ni , hu  25 dự án hu ngak bloh song ba tame pandar . Dom dự án sang dok hu parabha di  6 labik  lac:  Thủ Dầu Một; dom ban sit : Thuận An, Dĩ An, Bến Cát, Tân Uyên song  huyện Bàu Bàng, brei ka urang jakar  công chức, urang ngak.

Khaw tin dunya

# Mỹ barau khan brei thau sarak barau piah kak kajap dom quy tắc pambuak tal bruk khik visa tapa tukvak di du học sinh taneh ia lingiu. Tui sarak hu ba tbaiak, dom sinh viên đại học chính quy jeng ye sinh viên ba tapa Mỹ meda gaok maong lac suan hukum meyah daok doak di taneh ia ini hadei tuk visa janih F, J atau M di dom urang nan abih tukvak. Dom urang ini meyah gaok dut iek saong duah mboh daok suan hukum di Mỹ tapa 180 harei meda gaok truac saong pakauk gilac mai taneh ia ini dalam 3 thun. Sarak ini kuhria caga ba tame pandar du harei 9/8 thun tal.

# Rajaei  Indonesia dok dong patagok nguồn nhân lực piah caga ka bruk  cách mạng công nghiệp 4.0 tui tacei pato di  Tổng thống Joko Widodo (Giô-cô Uy-đô-đô). Công nghiệp 4.0 dok hu ieu lac Cách mạng công nghiệp lmbang ka 4 hu salih bahrau gah sản xuất song  chế tạo meng jalan thiết bị pambuak song vạn vật (Internet of Things), tích hợp dữ liệu điện toán đám mây song dom salih bahrau  công nghệ karei karei. 

# Gilang pariak khik piah liên bang Mỹ (FED) khan brei thau palao khả năng dhar samal patagok lãi suất cơ bản. ini lac tín hiệu ka sa mbang patagok lãi suất barau, kuhria bilan 6 tal./.