#Di nyaom biai pakat negar ka bruk pacang caga tham nhũng (25/6) hu pataom iek veik dom bruk ngak hu, tacei  tabiak dom tavak tavaiy njauk pasiam ka bruk pacang caga tham nhũng di  Đảng. Thiếu tướng Phan Khắc Hải, urang dahlau deih ngak Tổng Biên tập Báo Quân đội nhân dân ndom lac,  bruk pacang caga tham nhũng tuk vak tapa hu ngak biak siam, khol drei mek veik hu hatai jia di bhap bini ngan song  Đảng dalam bruk pacang caga tham nhũng.

# Anak bruk hajan xua di bhum ceik gah Brak, harei 25/6, Ủy ban Trung ương MT negar Việt Nam ieu phone tanyi ravang dom tỉnh Lai Châu, Hà Giang, Yên Bái, Lào Cai. Aanek meta,  Uỷ ban Trung ương Mặt trận negar Việt Nam payua tal yaok sang urang metai, lihik 5 triệu đồng/ sa urang saong yaok urang njauk rambuac trak 3 triệu đồng/sa urang piah rik tame daong dom sang saong urang gaok khat lahik kayua hajan xua .

# Beir harei 25/6 di  Hà Nội,  rah tabiak bruk  mbaoh tangin pambuak bruk pablei tabiak negar langiu rilo pabui liar tapa darak pasa  Myanmar di  Tập đoàn Ma-vin(Ốt- xtrây-li-a) song Công ty Sojitz Việt Nam. Tui harak pambuak bruk di Tập đoàn Ma-vin song Công ty Sojitz Việt Nam, yaok bilan Tập đoàn Ma-vin hu  xuất khẩu 1 công-ten-nơ 40 feed, samu  26 tấn rilo pabui  liar tapa darak pasa  Myanmar. Ni lac  lô rilo pabui saat , an toàn vệ sinh song thau hu asar di nyu  . Yaom rilo pabui  liar  pablei tabiak negar langiu tui kuhria glong jang 15% dut song yaom dalam negar.  

# Meng Harei 15/7 anak tal, gah y tế daok pasiam yaom dom dịch vụ y tế dalam taneh ia di dom sang iek ruak gam hạng tui jalan trun, piah cân đối quỹ saong khik caga chất lượng iek ruak. Ông Nguyễn Nam Liên, Vụ trưởng Vụ Kế hoạch jien padai, mintri Y tế brei thau: Yaom iek ruak bảo hiểm y tế urak ini daok ngak tui quy định di thông tư ka 37 /2015 di dua mintri y te saong jien padai. Hadei di dua thun peih ngak urak ini hu dom bruk oh njauk. Barau blaoh mintri y te hu njauk hatai saong mintri jien padai,  bảo hiểm xã hội tabiak thông tư ka 15 piah salih ka thông tư 37. Bruk ngak praong di thông tư ini lac ramik pasiam yaom dom dịch vụ iek ruak bảo hiểm y tế.

# Harei ni  (26/06), harei ka  2 di mbang pakacah  THPT pakat negar thun 2018, dom  thí sinh thi bài tổ hợp Khoa học tự nhiên song Ngoại ngữ. Tuhria mboh di, Mintri pato megru  dalam negar hu labaih 350 ribau  thí sinh tut angan tame  bài thi tổ hợp Khoa học tự nhiên.  Dalam var mesup, dom thí sinh thi bài tổ hợp Khoa học tự nhiên song beir harei  pakacah Ngoại ngữ tui jalan  trắc nghiệm. Bài tổ hợp Khoa học tự nhiên hu 3 janih pakacah  lac  Vật lý, Hóa học song  Sinh học, tuk vak ngak bài yaok janih pakacah  lac  50 minite

Khaw tin dunya

# Harei kabroi (25/6) Quốc hội Anh hu buh phiếu pachreih tui bruk padang sa jalan băng barau di mblang par dunya Hi-thrâu (Heathrow) di ban ine  Luân Đôn, peih jalan ka bruk pambak praong mblang par hadei pluh thun pahdeih saong dom sarak salih hamiet. Ngan saong 415 phiếu daong, 119 phiếu cagar, dom gah lập pháp hu daong bruk pambak praong mblang par.

# Rajaei  Xinh-ga-po harei kabroi  (25/6) brei thau, negar ni buh tabiak  12 triệu đôla Mỹ piah peih var taom gaok pakat glong  dalam  harei  12 bilan 6 di Tổng thống Mỹ Đô-nan Trăm song urang dang akaok  Triều Tiên Kim Châng Un.

# Harei 25/6, Thủ tướng Nhật Bản Sin-dô Abê brei thau ka hatai daok sahneng ka bruk kateik kak je ngak cagar veik di pandap blei tame taneh ia di Mỹ. Brei panuac anak mbang nyaom di sa Ủy ban Thượng viện, Thủ tướng Abê ndom lac, bruk praong abih lac plaih caik pandap panda di Nhật Bản gaok kak je glaong meng di Mỹ.