# Akaok Liên đoàn bóng đá châu Á (AFC) Salman Bin Ibrahim Al-Khalifa hu payua panuac tadhau yuh uan tabuan tal akaok Liên đoàn bóng đá Việt Nam (VFF) Lê Hùng Dũng. Akaok AFC Salman Bin Ibrahim Al-Khalifa vak yau ini: “Dahlak mboh bui sambai hu payua tal taong abih baoh sang caoh banh Việt Nam panuac tadhau ayuh uan tabuan mai meng hatai di drei meng bruk meblah quyền ma-in mbang chung kết di đội tuyển U23 Việt Nam di VCK U23 châu Á 2018 daok rah tabiak pak Trung Quốc”. Akaok AFC Salman Bin Ibrahim Al-Khalifa tadhau… đội U23 Việt Nam gaok ralo patuah jamo dalam mbang chung kết gaok đội tuyển Uzbekistan rah tabiak tukvak 15h harei ini.

# Ông Nguyễn Bảo Lộc, Phó tổng Giám đốc Công ty CP tabau saradang Đắk Lắk brei thau, barau blaoh dalam huyện biên giới Ea Súp, tỉnh Đắk Lắk rah tabiak bruk khuah tabau nguyên liệu. Jaik 36 ha tabau  jaik si kaoh gaok khuah di huyện Ea Súp mbang ini, hu  18ha di sa sang bhapbini di xã Ea Bung, saong jaik 17 ha tabau karei di 4 sang daok pak xã Ya Tờ Mốt. Khat lihik di mbang khuah  jaik 2 tỷ đồng.

# Harei 24/1, dalam tuk nao ngak bruk pasang iek angaok jalan roya 1A canah plaih Huế, Tổ công tác dalam Đội tuần tra pasang iek ka 1, Phòng Cảnh sát giao thông jalan kabak – jalan pasei Công an tỉnh Thừa Thiên-Huế hu duah mboh saong cap khik sa bộ kalik riaong nhồi bông blaoh, daok pajeng ba suan adat hukum angaok sruh radaih 37B- 00533 daok nduac tui gah Barak – Meraong. Gah chức năng tỉnh Thừa Thiên Huế hu ngak biên bản vi phạm, cap khik bộ kalik rimaong saong ba jao ka jabat hu thẩm quyền langyah./. 

# Dah pagaiy harei 26/1, Phòng Cảnh sát Quản lý Hành chính ka Trật tự xã hội - Công an tỉnh Đắk Lắk pambuak bruk saong Công an huyện Ea H’leo duah mboh, xử lý radaih bán tải hu bien so BKS: 82C- 009.05 pajeng jaik 100kg pháo lậu.. Tài xế  Phạm Ngọc Minh (ndih tapui thun 1980), daok di huyện Ngọc Hồi, tỉnh Kon Tum khan lac dom pháo ini blei meng sa urang likei urang Lào, di Cửa Khẩu Bờ Y, yaom  12.500.000 đồng, daok angaok jalan pajeng mai Đak nông lac gaok mek.

# Tukvak tapa, Bộ tư lệnh Cảnh sát tasik bhum 4 kham metat pambuak bruk haong dom gah duah thau cambaih bruk angaok bhum tasik Tây Nam. Tui nan, dalam thun tapa, gah Cảnh sát tasik bhum 4 cap khik saong daong xử lý 10 mbang dalam /17 bruk gilai ngak suan adat hukum pambuak pagam tal  buôn lậu, bleik saleik dalam pablei salih. Taong abih jien taong phạt saong pablei pandap panda mek hu buh tame kadung jien karja labaih 34 tỷ đồng.

 Khaw tin dunya

 # Rajaei lâm thời di Đức harei 25/1 brei padheih ramik pasiam dom radaih tăng kayua Đức ngak ka Thổ Nhĩ Kỳ, dalam nan hu dom radaih tăng Leopard 2 daok hu Thổ Nhĩ Kỳ pandar dalam chiến dịch di Xy-ri.

# Sa radaih balat baoh rah tabiak di harei 25/1 pak bal Mi-lan, Italia ngak abih 3 urang metai saong 10 urang karei njauk rambuis trak. Gah daong duah urang njauk bala kham merat ba dom urang daok gar angaok dom toa radaih tabiak gah langiu. Bala ini daok ngak ka dịch vụ jalan pasei di Mi-lan njauk padeih ngakbruk dom tuk.

# Dom gah truyền thông di Nhật Bản harei 26/1 brei thau, meng harei 28/1, Ngoại trưởng Nhật Bản Ta-rô Cô-nô (Taro Kono) meda hu mbang ravang Bắc Kinh, Trung Quốc piah pasiam talei pambuak bruk dua gah. Di mbang ravang ini, ông Ta-rô Cô-nô meda taom gaok Ngaoi5 trưởng Trung Quốc, ong  Vương Nghị piah ginum biai ka bruk pasiam talei pambuak bruk Nhật - Trung saong kuhria caga ka mbang taom gaok di  Thủ tướng Nhật Bản Xin-dô A-bê (Shinzo Abe) saong Chủ tịch Trung Quốc Tập Cận Bình di tukvak lagaih di abih./.

 Jasi saong Thúy Linh lang tapa sap Cam