# Labaih 1 bilan tapa kuhrai meng harei rah tabiak bruk ikan raong dalam bè nyu metai ralo di kraong La Ngà, huyện Định Quán, tỉnh Đồng Nai, makna ikan metai hu urang jakar tỉnh Đồng Nai brei thau lac kayua bala meng lingik tasik. Min tal tukvak ini urang raong ikan nan jeng oh ka taduan hu bruk daong brei tui adat. Tui kuhria mboh oh ka ginup abih, hu 132 sang raong ikan di 2 xã La Ngà saong Phú Ngọc, huyện Định Quán njauk khat lahik 512 lồng bè gam saong labaih 1.900 tấn ikan dom janih. 

# Urak ini, ruak pandiak tabiak darah di tỉnh Bình Dương daok tagok glaong. Dalam 6 bilan thun ini hu labaih 1.600 urang ruak pandiak tabiak darah dalam tỉnh, dalam nan hu sa urang metai di phường Bình Chuẩn, ban sit Thuận An. Piah trun takik urang njauk ruak, pasak Y tế dự phòng tỉnh Bình Dương daok ieu pataom dom mban, nganh, kapul nyaom, urang bhapbini pambuak bruk saong gah y te peih bruk ngak brei hacih alam moi truong, pametai jamaok, duah yah klak sruh lăng quăng. Bác sĩ Quách Hoàng Mỹ, Trưởng Khoa Dịch tễ- pasak Y tế dự phòng tỉnh Bình Dương brei thau:  Urak ini dalam bruk iek ruak pandiak tabiak darah kol drei oh hu jru iek ruak, kol drei tok iek ruak dom triệu chứng min. Piah jit ruak ini trun lihik di sa tukvak kol drei njauk pruh jru hóa chất piah pametai jamaok daok pambak ruak dalam bhapbini, tuk nan urang bhapbini jeng tame bruk saong kol dahlak piah pametai lăng quăng dalam puk palei.

 # Di ban raya Hồ Chí Minh, Cty (Fahasa) hu peih harei pataom tapuk pablei trun yaom bilan hè 2018 ngan saong 300.000 baoh tapuk hu pablei trun yaom, duh ka uraniah. Harei pataom tapuk yaom lap ini hu Fahasa peih ngak yaok thun 1 mbang piah daong paglaong ilamu puac tapuk, ba mai kein laba, siam mekre ka dom adei uraniah tame bilan padeih hè. Harei pataom tapuk rah tabiak tal harei 8/7.

# Công an tỉnh Bến Tre brei thau, barau mboh bruk 1 radaih pajeng tuai pajeng pakao hala blei tame lậu. Ô tô pajeng tuai hu 32 libik hu biển kiểm soát 53N - 8824 nduac  jalan ban raya Chí Minh nao huyện Ba Tri –tỉnh Bến Tre hu dấu hiệu nghi vấn yau nan ye  brei padheih radiah pasang iek. Tapa nan duah mboh dalam cốp radiah gah likuk pajeng 2 thùng baar gah dalam hu 1000 kadung pakao hala blei tame lậu, hu dom janih pakao lac klau số 5, Jet, Hero, Scott. Camereip, tài xế Cao Văn Hải khan lac taduan mek dom pakao hala ini kayua sa urang kumei jaik 50 thun ndik tagok radiah di tỉnh Long An. 

  # Biar harei 1/7, angaok jalan roya 20, labik nao tapa xã Lộc Nga, ban sit phố Bảo Lộc (Lâm Đồng) hu radaih ginuh gauk. Di tukvak 16 giờ 40 phút harei nan, radaih patuh biển kiểm soát 49S8 - 8098 kayua ong Sing Lâm Mến (39 thun, daok di xã Lộc Thành, huyện Bảo Lâm, tỉnh Lâm Đồng) peih, ginuh tapak tam akaok radaih ô tô 5 labik daok hu biển kiểm soát 49A - 111.73 (oh ka thau angan urang peih radaih ô tô nan) daok peih angaok jalan. Tapa nan radaih patuh nyu par atah labaih 4 m saong ralai pacah, daoh ô tô khut khang di gah akaok saong gah ieu ô tô, ong Sing Lâm Mến metai di labik.

Khaw tin dunya

# meng akaok thun tal ini hu labaih 1 triệu 300 rabau urang hu blei vé tame ravang iek Angkor, Campuchia mek jien tame labaih 61 triệu Đô la Mỹ, tagok jaik 18% meyah dut saong bilan ini thun dahlau. Angkor lac labik hu labaih 100 baoh kalan meng patau, dom đền đài, phù điêu saong hành lang praong hu ngak meng dom baoh patau praong, dak tagok gauk biak tự nhiên. Ini lac sa dalam dom inem mek praong abih di Campuchia, hu maong lac  tabung glaong di nghệ thuật saong kiến trúc Khmer.

# Dit mbang kapul Tây Ban Nha dalam mbang dit dhi vòng 1/8 biar harei kabroi (1/7), kapul caoh blong Nga hu yam tame dhi tứ kết saong taduan hu 4 triệu USD jien thưởng meng Liên đoàn bóng đá thế giới (FIFA). Kadung jien thưởng di giải vô địch caoh mbanh dunya lac 400 triệu USD. Kapul dang akaok taduan hu 38 triệu USD, dang dhi 2 hu 28 triệu USD, dang dhi 3 hu 24 triệu USD, saong dang dhi 4 lac -22 triệu USD. Di  vòng tứ kết, kapul caoh blong Nga dit haong kapul Croatia. Mbang dit ini rah tabiak di Sochi harei 7/7.

# Harei 1/7, labaih 60 urang kumei di sa baoh sang trung học di tỉnh Pa-oan (Parwan), Áp-ga-ni-xtan barau gaok đầu độc biak bí ẩn. Tui urang jakar gah pato megru puk palei, bruk ini rah tabiak di sang bac urang kumei  Da-bi-a (Zarbia) di tỉnh Pa-oan. Dom urang kumei ini meda gaok njaom jru mek meng halau ia meng sa baoh kraong jaik tabhia sang bac. Urak ini dom anek saih hu ba nao tal sang iek ruak puk palei piah cấp cứu. Bruk điều tra daok hu peih ngak piah duah thau makna di nyu./.