# Harei 26/2, Thủ tướng rajaei Nguyễn Xuân Phúc hu nao ravang jabat ngak bruk barau saong ndom biai haong dom urang jakar, công chức, urang ngak di mintri Ngoại giao. Thủ tướng taong yaom glaong bruk ngak di dom urang dang akaok, chuyên viên mintri Ngoại giao, caong khin mintri Ngoại giao kham merat rilo veik, rik daong rilo veik tame bruk ngak mbang kinh tế - xã hội, quốc phòng an ninh di taneh ia dalam thun 2018.

 # Pahadar 63 thun harei Gru jru  Việt Nam 27/2,  di Hà Nội, Ủy viên mintri  Chính trị, Bí thư Trung ương Đảng, Akaok ban Tuyên giáo Trung ương Võ Văn Thưởng hu mai rivang tadhau yuh dom bác sĩ, điều dưỡng Bệnh viện Y học cổ truyền Trung ương Ong Võ Văn Thưởng ndom lac: Đảng, Karja tuk halei sangka tal bruk patagok y học cổ truyền dalam bruk iek glang pren yava bhap bini. Ong jia hatai tame dom urang pal akaok, urang jakar, bác sỹ di sang iek ruak patui ngak siam bruk iek glang pren yava bhap bini jang yau pambuak bruk song dunya.

# Di mbang ngak bruk saong tỉnh Quảng Trị, harei  26/2, Phó Thủ tướng Vũ Đức Đam hu nao ravang, pauan urang jakar y tế saong urang ruak daok iek ruak di pasak Y tế huyện Hướng Hóa saong pasak y tế huyện Đakrông. Phó Thủ tướng Vũ Đức Đam pachreih dom y bác sĩ jhul khang pandar công nghệ thông tin dalam khik iek, pasang iek pren yava bhapbini, pasang iek dữ liệu urang ruak dalam hệ thống quản lý điện tử.

# Công ty cổ phần DHC SERVICES Đà Nẵng bahrau peih bruk jao jiak 40 ribau harak tame rivang iek mblang bein suối khoáng nóng Núi Thần Tài ka  19 ribau urang dahlau deih ngak bol lin ban Đà Nẵng, tong abih yaom jien labaih 11 tỷ đồng. Mblang bein ni dok di palei  Phú Túc, xã Hòa Phú, huyện Hòa Vang, ban Đà Nẵng.

# Dom harei ini, angin jhak meng tasik yuk tame khang ngak kan kandah tal bruk ngak mbang daok dang, pala drak saong nao mai di urang bhapbini tapeng tasik tỉnh Tiền Giang. Piah caga di tua mbak, Công ty khai thác dom công trình thủy lợi tỉnh Tiền Giang hu kareik abih dom cống đập di cù lao Tân Phú Đông, peih abih hệ thống cống mek ia libik dự án ia taba Gò Công saong dự án kênh Bảo Định.

# Dom bilan akaok thun 2018, langik siam  lagaih, sara kết tinh avar, tapen di nan, yaom sara taneh nền tagok labaih 1.000 đồng tal 1.200 đồng/kg, sara pacang bạt meng 1.500 đồng tal 2.000 đồng/kg yau nan ye urang ngak sara Ninh Thuận tabiak mbang ngak sara biak avar. Akaok thun 2018, langik siam lagaih tui kuhria meng 7 tal 10 harei ngak sa mbang, yaom kaom tani tanat urang ngak sara duah hu jien dalam dom harei akaok thun anek sak saw 2018 .

Khaw tin dunya

# Gah Y tế dunya (WHO) barau cảnh báo, jit tả di Yêmen daok mbuan si patuh veik di dom bilan tal. Dahlau nan, jit tả hu ngak ka 2.000 urang bhapbini taneh ia ini metai. Phó Tổng giám đốc gah Y tế dunya, ông Pi-tơ Xa-la-ma (Peter Salama) brei thau, dom ca njom ruak tả di  Yêmen hu trun takik di 20 adit tapa, hadei tuk tagok hu tabung glaong jaik 1 triệu urang sahaneng lac njaom ruak. Min, sa bilan hajan karei lac bilan 4 tal jaik si tal saong nan lac bruk biak praong ka jit tả di Yêmen. 

# Dom urang ilamu di Đại học Ma-sa-chu-xét, Mỹ hu tagok sa hệ thống pandar cai beir ka bruk pandar  điện thoại thông minh piah samar thau dom vi khuẩn nguy hiểm dalam ia menyum atau pandap mbang. Yaom lac jalan ngak ni meda duah hu 100 tế bào vi khuẩn di dom mi-li-lít dung dịch duh song độ nhạy 10 ribau  tế bào vi khuẩn di dom mi-li-lít meng dom jalan ngak chuyên dụng karei, min jalan ngak ni hu kein lagaih kayua takik jien song mbuan pandar. 

 # Ia takon tapan di dom harei tapa ngak ka dịch vụ pajeng ba meng phà tapa eo tasik Hải Nam- Trung Quốc hu padheih. Yaok pluh rabau radaih saong tuai du lịch di pulao Hải Nam oh hu nduc nao tal tỉnh Quảng Đông meng dịch vụ phà kayua takik hadah. Piah takaik gar jalan mbak kayua ia takon tapan, dom phà hu pajeng ba hu patagok saong dui katut tukvak pajeng ba meng 6 tuk trun daok 3 tuk hadei tuk ia takon tan. Urak ini, yaok baoh phà meda pajeng ba meng 30 tal 40 radaih tải./.